Apocalipsis 14:5 - Nuevo Testamento Tzeltal de Amatenango

⁵ Ni maꞌyuk a yalik te le-lot ta stiꞌik, yuꞌun maꞌyuk smulik ta stojol te Diose.

Bible in Tzeltal Bachajón

⁵ Ma sna'ic lot; mayuc yabaquilic.

Bible in Tzeltal de Oxchuc y Tenejapa

⁵ Xujt' ma'yuc banti la yalic lotil c'op ta yeic. Xujt' ma'yuc smulic ta stojol te smuc'ul nactijib te Diose.

Apocalipsis 14:5 ပူးပေါင်းရင်းမြစ်များ

San Mateo 12:34

Te jaꞌexe pajalex sok stsꞌumbal tiꞌawal chanetik. ¿Tutꞌil kꞌan lekuk te akꞌopike te ma tsaꞌamuk te awoꞌtanike? Te tut nojel ta koꞌtantike ya xchiknaj ta jkꞌoptik.

San Lucas 23:4

Jich te jPilatoe la yalbe te stataletik yuꞌun te saserdoteetike sok spisil te genteetike: —Ma jtabe tut smul te winik to —xchi.

San Juan 1:47

Kꞌalal te Jesuse la yil te yipal tal ta tijilajel te jNatanaele, la yal: —Liꞌ ayix tal te jtul batsꞌi israel te maꞌyuk lot ta yoꞌtane —xchi skꞌoplal.

Efesios 5:27

Yuꞌun jich me ya xkꞌaxik ta stojol jich tutꞌil jtijkꞌ hermanoetik te ben tsaꞌam slekilike. Te maꞌyukix yijkꞌal sok maꞌyuk ixtaꞌajem sok maꞌyuk tut chikan, yuꞌun yichꞌojix lekutesel y tojobenix.

Colosenses 1:22

Pero te ora to Dios la yakꞌ te ya xjunaj awoꞌtanik soke ta skuenta Cristo, jaꞌ te tutꞌil kꞌax swokol ta milel sok te stiꞌbalule. Jich a spas, yuꞌun jich me ya ataik tutꞌil lek ya xkꞌoex ta skuentae, te chꞌultesbilex, sok te maꞌyuk awijkꞌalik ta skuenta, sok te maꞌyuk amulike.

Hebreos 9:14

Pero teme jich ay to, jaꞌ to xan mas ay yip stukel te xchꞌichꞌel Cristoe. Yuꞌun ta skuenta te Espíritu te sbajtel kꞌinal aye, Cristo la yakꞌ sba ta milel ta stojol Dios jich tutꞌil milbil smajtan Dios te maꞌyuk smule. Y te xchꞌichꞌele la sakutesbotik koꞌtantik yuꞌun te kaꞌteltik te ya yikꞌotik bael ta lajele. Yuꞌun jich me ya xjuꞌ te ya kakꞌ jbajtik ta abatinel yuꞌun te kuxul Diose.

1 Pedro 1:19

sino ke jaꞌ te stsaꞌamul xchꞌichꞌel te Cristoe te la yichꞌ akꞌel ta milbil majtanil, jachik tutꞌil jkꞌojt karnera te limpio aye.

1 Pedro 2:22

Te Cristoe ni maꞌyuk a sle smul ni maꞌyuk machꞌa a sloꞌlay ni jtuluk.

1 Pedro 3:10

Porke ya yal te Sjun Dios: “Te machꞌa ya skꞌan te lek xkuxlejale, y te jun yoꞌtan ya xkꞌax te jujun kꞌaale, a me snaꞌ tutꞌil ya xkꞌopoj. Ma me wak yal te tut ma lekuke, sok ya me skom stiꞌ ta yalel te loꞌlawaneje.

Judas 1:24

Te úniko Dios te jKoltawanej kuꞌuntike ta skuenta te Kajwaltik Jesucristoe, ay spoder yuꞌun te ya skꞌanantayex te jaꞌexe, makꞌ yakꞌ xyalex ta mulil ae, yuꞌun jich me ya yikꞌex ochel te ba aye. Ben jun awoꞌtanik te maꞌyuk amulik te ya xkꞌoex ta stojol te ba ay te slekilale. Te stukele ay slekilal, sok ben mukꞌ, sok ay spoder, sok yichꞌoj yaꞌtel, jaꞌ to ta slijkibal to, y te ora to, y ta sbajtel kꞌinal. Jichuk.