Apocalipsis 14:13 - Nuevo Testamento Tzeltal de Amatenango

¹³ Jicha kaꞌiy jun xan kꞌop ta chꞌulchan te jich a yalbone: —Tsꞌibaya ta jun to: “Ben tsaꞌam slekil te ora to sok ta patil bael te machꞌatik ya xchamik ta skuenta te Kajwaltike —xchi. Sok la yal te Espiritue: —Ya me xkux yoꞌtanik yuꞌun te yaꞌtelike, sok ya me xꞌichꞌbot jkuenta yuꞌun te tut spasoje.

Bible in Tzeltal Bachajón

¹³ La jca'iy ay mach'a c'opoj tal ta ch'ulchan te hich la yalbon: Ts'ihbaya: Bayel me yutsilic te mach'atic ayic ta stojol Cajwaltic a te ya xway sbaq'uetalic li' bahele, xchi. Melel, xchi te Espíritu, ya me scux yo'tanic yu'un te ya'telic, como ya xt'unotic yu'un te ya'telique, xchi.

Bible in Tzeltal de Oxchuc y Tenejapa

¹³ Soc la caiy stojol te ay mach'a c'opoj tel ta ch'ulchane. Jich la yalbon: —Ts'ibuya ta jun in to: “Bin nax me yutsilic ta ora to soc ta sbajt'el q'uinal te animaetic te xch'uunejic Cajwaltic te lajique”, xi' me —la yuton. La yal te Espiritue: —Melel nix a. Ya me yich'ic lewa yu'un te yat'elique, soc ya me sjoinic tey a te yat'elique —xi'.

Apocalipsis 14:13 ပူးပေါင်းရင်းမြစ်များ

San Mateo 3:17

Sok ay machꞌa kꞌopoj tal ta chꞌulchan: —Jaꞌ i to jaꞌ jNichꞌan te lom bayal kꞌux ta koꞌtane. Ben jun koꞌtan yuꞌun —xchi.

San Lucas 16:25

“Pero te Abrahame la sjakꞌbe: Jnichꞌan, naꞌa me te lek a kꞌaxat tal ta balmilale. Yan te jLazaroe lom oꞌol sba a kꞌax ta balmilal stukel. Te ora to maꞌyukix ta wokol liye. Yan te jaꞌate ayatix ta kastigo.

San Lucas 16:9

“Joꞌon ya kalbeyex: Leaik me machꞌa ya akꞌuxutay aba sok ta skuenta te akꞌulejal liꞌ ba jmulawil balmilal to, yuꞌun te kꞌalal ya xlaj te akꞌulejale, ay me machꞌa ya yikꞌat ochel te ba kuxlejal sbajtel kꞌinale.

Romanos 14:8

Teme kuxulotik ta balmilale, ta skuenta te Kajwaltik te kuxulotike. Teme ya xchamotike, ta skuenta Kajwaltik ya xchamotik. Jich yuꞌun teme kuxulotike o teme ya xchamotike, yuꞌunotik te Kajwaltike.

1 Corintios 15:18

Jich euk te machꞌatik chamenikix ta skuenta Cristoe jich chꞌayemik euk teme jich aye.

1 Corintios 15:20

Pero batsꞌi jich te Cristo te chaꞌkuxeme. Stukel primero sba sit te kosechae, y stukel primero te chaꞌkux tale.

1 Corintios 15:58

Jich yuꞌun, kermanotak, te ben kꞌuxex ta koꞌtane, sigue junuk awoꞌtanik y ma me xtal-xbajtuk awoꞌtanik. Aꞌtejanik sil tiempo ta mas y ta mas ta yaꞌtel te Kajwaltike. Porke te jaꞌexe ya anaꞌik te ma jowilik te aꞌtel ya apasik te jun nax sok te Kajwaltike.

2 Corintios 5:8

Ay xchꞌuunel koꞌtantik, y koꞌtantikukix te yauk xjilix te jtiꞌbalultik to. Yuꞌun jich ya xba joyin jbatik sok te Kajwaltike.

Filipenses 2:17

Y manchuk me ya jmal jchꞌichꞌel yuꞌun jich me ya stsꞌakay a te smajtan Dios ya awakꞌike, jaꞌ bi jaꞌ te xchꞌuunel awoꞌtanike, ya xjunub koꞌtan yuꞌun y ya xjunub awoꞌtanik yuꞌun euk ta apisilik te jaꞌexe.

1 Tesalonicenses 4:14

Jich tutꞌil te jchꞌuunejtik te cham te Jesuse y chaꞌkux tale, jich jchꞌuunejtik te Dios ya xchꞌakuses tal sok Jesus te machꞌatik xchꞌuunej Dios a chamike.

1 Tesalonicenses 4:16

Porke ya me kaꞌitik jun tulan kꞌop ta mantal, sok skꞌop te statal angeletik, y sok te yokꞌel korneta yuꞌun te Diose. Y jaꞌ ya xkoj tal ta chꞌulchan te Kajwaltike. Y te machꞌatik xchꞌuunej Cristo a chame, primero ya xchꞌakuxik tal.

1 Tesalonicenses 5:10

Te Jesucristoe cham ta jkajtik yuꞌun teme kuxulotike o ya xchamotik. Jun nax me ya xkuxuyinotik sok stukel.

1 Timoteo 5:24

Ay machꞌatik chikanix ta ilel smulik antes te ya xtalik ta chapele. Pero ay yanetik te ta patil to ya xchiknaje.

1 Timoteo 5:25

Jaꞌ nax jich euk, te lekil aꞌteliletike ya xchiknaj ta jamal. Sok te tutik ma chikanuke, ma spas te sil tiempo nakꞌal ya xjile.

Apocalipsis 1:11

te la yalbone: —Tsꞌibaya ta jun libro te tut ya awile, y tikonbeya bael te juktijkꞌ hermanoetik te aylan ta estado Asiae: Ta Efeso, ta Esmirna, ta Pergamo, ta Tiatira, ta Sardis, ta Filadelfia, y ta Laodicea —xchi.

Apocalipsis 10:4

Ta patil te kꞌopoj te jukeb xpumlajan baele, te joꞌon kꞌan jtsꞌibay te tut la yalike. Pero ay a kaꞌiy jun kꞌop ta chꞌulchan te jich a yalbone: —Kꞌeja me ta awoꞌtan te tutiꞌ yalik te jukeb xpumlajan baele y ma me atsꞌibay —xyuton.

Apocalipsis 11:15

Te sjukebal ángele la yokꞌesin te skornetae. Y la kaꞌiy tulan kꞌop ta chꞌulchan, te jich la yalike: “Te machꞌa ay ta skuenta te ya xꞌoch ta ajwalil ta sba te balmilale jaꞌ japubil yuꞌun te Kajwaltike y sok te Cristo yuꞌune. Y ya xꞌoch ta ajwalil ta sbajtel kꞌinal”, xchiik.

Apocalipsis 11:19

Jich a jeꞌ te templo yuꞌun Dios te ay ta chꞌulchane, y te ba temploe chikan ta ilel te xkaxaul te trate yaloje. Y tal sansewal, xixixet, xpumumet, jun tulan jikichab, y jun tulan bat.

Apocalipsis 16:17

Te sjukebal ángele la smal bael te sbasoe ta ikꞌ. Y te ba templo ta chꞌulchane, lokꞌ tal jun tulan kꞌop te teꞌ lijk tal baꞌ ay te mukꞌul naktajibale, y la yal: “Juꞌix ta pasel”, xchi.

Apocalipsis 19:9

Te ángele la yalbon: —Tsꞌibaya to: “Ben tsaꞌam slekilik te machꞌatik ikꞌtalanbil ta kꞌin yuꞌun nujpunel yuꞌun te Chꞌin Karnerae” —xchi. Sok la yal xan: —Te kꞌopetik to batsꞌi jich yuꞌun te Diose —xchi.

Apocalipsis 2:1

Sok la yalbon: —Tsꞌibabeya ta sjun te ángel te ba ay jtijkꞌ hermanoetik te aylan ta Efesoe: “Jaꞌ to jaꞌ a yal te Machꞌa ay jukeb ekꞌetik ta sbatsꞌil kꞌabe, y sok te yipal ta beel ta yolil te jukchꞌix yawil kꞌajkꞌ te puro oroe.

Apocalipsis 2:7

“Te machꞌa ay xchikine, a me yaꞌiy te tut ya yal te Espíritu ta stojol te juju-tijkꞌ hermanoetike. Te machꞌatik ya xjuꞌ yuꞌunik tsalawe, ya me kꞌabe sweꞌ te sit teꞌ yuꞌun te kuxuyinele te teꞌey ba ay te lekilal yuꞌun te Diose”, uta me —xchi.

Apocalipsis 20:6

Ben tsaꞌam slekilik te machꞌatik ay ta skuentaik te primero chaꞌkuxele, yuꞌun jaꞌik te yuꞌunik Dios stukelike. Te xchaꞌmelal lajele ma tut ya xꞌutotikix yuꞌun a. Sino ke jaꞌix saserdoteetik yuꞌun a te Diose y sok te Cristoe, y ya me sjoyinik ta ajwalil jmil jaꞌbil te Cristoe.

Apocalipsis 21:5

Te machꞌa te teꞌ nakal ba ay te mukꞌul naktajibale, la yal: “Joꞌon ya jpas ta achꞌ spisil te tutik aye”, xchi. Sok jich a yalbon: —Tsꞌibaya te tut la kale. Porke te kꞌopetik to batsꞌi jich. Ayuk me smukꞌul awoꞌtan te jich ya xkꞌot ta pasele —xchi.

Apocalipsis 22:17

Te Chꞌul Espiritue y sok te machꞌa nujpunemix sok te Chꞌin Karnerae ya yalik: “La.” Te machꞌa ya yaꞌiye, a me yal: “La.” Y te machꞌa takin yoꞌtane, y te ya skꞌane, a me taluk y a yuchꞌ te jaꞌ yuꞌun kuxlejale ta majtanil nax.

Apocalipsis 6:11

Jicha akꞌtalanbot sakil skꞌuꞌ-spakꞌik, y altalanbot te ya to xkux yoꞌtanik jun chebuk xanix kꞌaal, jaꞌ to teme tsꞌakay te jaytul xan yermanotak te ayik ta abatinel yuꞌun te Cristoe te puersa jich ya xlajik jachik tutꞌil lajik stukelike.