Apocalipsis 14:11 - Nuevo Testamento Tzeltal de Amatenango

¹¹ Te xchꞌailel te swokolike ya xmo bael ta sbajtel kꞌinal. Y ni maꞌyukix kuxo-oꞌtan a ta kꞌajkꞌal ajkꞌubal yuꞌun te machꞌatik ya yichꞌik ta mukꞌ te chanbalam te xiꞌbentik sbae y sok te slokꞌole, y sok te yichꞌojbeyik smarka ta skuentae.

Bible in Tzeltal Bachajón

¹¹ Sbahtel q'uinal xtomomet ya xmo sch'ahilel te swocolique. Ma ba ya scux yo'tanic c'ahc'al ahc'abal te mach'atic ya sch'uhuntayic te chambahlam te xiweltic sba soc te sloc'ombahil, soc te ya yich'be te marca yu'un te sbihile, xchi.

Bible in Tzeltal de Oxchuc y Tenejapa

¹¹ Te xch'ailel te swocolique, xtomomet nax ya xmo sbajt'el q'uinal. C'aal ajc'ubal ma'yuc banti ya yich'ic lewa yu'un castigo spisil mach'atic te ya slajin sbaic ta stojol te muc'ul chambalam te xi'bantic sba soc ta stojol te sloc'ombae soc te yich'ojbeyic smarca ta stibaique o ta sc'abique”, xi' ta aw la caiy.

Apocalipsis 14:11 ပူးပေါင်းရင်းမြစ်များ

San Mateo 11:28

Laꞌik me ta jtojol ta apisilik jaꞌex te lubenex yuꞌun te tulan aꞌtele sok te ijkatsejele. Joꞌon ya kaꞌbeyex akux awoꞌtanik.

San Mateo 25:41

“Te ajwalile te nax a ya yalbe te machꞌatik ayik ta xkexom skꞌabe: “Kꞌeja abaik ta jtojol, jaꞌex te ma tsaꞌamukexe. Baanik te ba kꞌakꞌ te ma xtupꞌ sbajtel kꞌinal te chapbil te ba ya xkꞌot te pukuje sok spisil te angeletik yuꞌune.

San Mateo 25:46

“Jich me ya xbajtik ta wokol sbajtel kꞌinal. Yan te machꞌatik lek yaꞌtelike ya me xba kuxuyinikuk sbajtel kꞌinal —xchi te Jesuse.

Hebreos 1:8

Pero te skꞌoplal te Xnichꞌane, jich a yal: “Jaꞌat te Diosate, sbajtel kꞌinal ay te awaꞌtele, y te awaꞌtele toj ya xchapawanat.

Apocalipsis 11:15

Te sjukebal ángele la yokꞌesin te skornetae. Y la kaꞌiy tulan kꞌop ta chꞌulchan, te jich la yalike: “Te machꞌa ay ta skuenta te ya xꞌoch ta ajwalil ta sba te balmilale jaꞌ japubil yuꞌun te Kajwaltike y sok te Cristo yuꞌune. Y ya xꞌoch ta ajwalil ta sbajtel kꞌinal”, xchiik.

Apocalipsis 13:12

Jaꞌ la spas te tutꞌil ay yaꞌtel te primero chanbalam te xiꞌbentik sba te ay ta skuentae. Y jich la yakꞌ te yakuk yichꞌik ta mukꞌ te primero chanbalam spisil te machꞌatik te kuxajtik ta balmilale. Jaꞌ mismo te chanbalam te lekuben yejchen te jich yilel te ya xcham yuꞌune.

Apocalipsis 13:15

Y te xchebal chanbalam te xiꞌbentik sbae aꞌbot spoder te ya yaꞌbe xkuxlejal te slokꞌol primero chanbalam te xiꞌbentik sbae. Yuꞌun te slokꞌol abi ya me xkꞌopoj, y ya me smil spisil te machꞌatik ma xyichꞌik ta mukꞌe.

Apocalipsis 13:17

Y ni jtuluk ya xjuꞌ xmanba ni ya xchonba teme maꞌyuk yichꞌoj te marka ta skuenta te chanbalam te xiꞌbentik sbae, o te yajtalul te sbiile.

Apocalipsis 14:9

Teꞌ nax a tsaklilanot xan yuꞌun te yoxebal ángele te tulan la yale: “Teme ay machꞌa ya yichꞌ ta mukꞌ te chanbalam te xiꞌbentik sbae y sok te slokꞌole, y teme ya yichꞌbe te smarka ta stiꞌsbae o ta skꞌabe,

Apocalipsis 18:18

Y te kꞌalal ya yilbeyik xchꞌailel te skꞌajkꞌel te mukꞌul jtejklume, ya xꞌawunik: —Maꞌyuk yan mukꞌul jtejklum te ya xjꞌu ya spaj te mukꞌul jtejklum to —xchiik yuꞌun.

Apocalipsis 18:9

Te reyetik ta balmilal la yantsinanikix, sok la sjoyinlanikix ta spasel te tut te ya skꞌupin stiꞌbalulike. Ya me xꞌokꞌik y ya me yichꞌ yajtal yoꞌtanik yuꞌun te kꞌalal ya yilik te xchꞌailel te xchikꞌelike.

Apocalipsis 19:3

Te nax a la yalik xan: —¡Ay ta albeyel ta ichꞌel ta mukꞌ te Kajwaltike! Te xchꞌailel te mukꞌul jtejklume ni jaymel ya xkom te xtomomet ya xmoe —xchiik.

Apocalipsis 20:10

Y te pukuje, te loꞌlaylanbil yuꞌune, chꞌojot ochel te ba yipal ta tilel kꞌajkꞌ sok asufree, teꞌ ba chꞌojtalanbil ochel euk te chanbalam te xiꞌbentik sbae y sok te palso jꞌalwanejetike. Teꞌ me ya yilik swokolik a kꞌajkꞌal ajkꞌubal ta sbajtel kꞌinal.

Apocalipsis 22:5

Maꞌyukix ajkꞌubal teꞌ aye y te machꞌatik te kuxajtik aye ma puersaukix yuꞌun slusil te lamparae ni te skeaw kꞌajkꞌale. Porke jaꞌ ya yakꞌ sakil kꞌinal te Kajwaltik Diose, sok sbajtel kꞌinal ayik ta ajwalil.

Apocalipsis 7:12

La yalik: “Jichuk. A me yichꞌ alel te slekilale. Ay te stsaꞌamule, sok ay te spꞌijile. Ya me yichꞌ alel kola yal ta stojol. Ay ta akꞌel ta jkuentae, ay spoder, sok ay spuersa te Dios kuꞌuntike skuenta sbajtel kꞌinal. Jichuk”, xchiik.