Apocalipsis 13:6 - Nuevo Testamento Tzeltal de Amatenango

⁶ Y jich jajch skontrain te Diose, y la skontra-kꞌoptay Dios sok te templo yuꞌune y sok te machꞌatik te ayik ta chꞌulchane.

Bible in Tzeltal Bachajón

⁶ La sjam ye yu'un ya sbohlc'optay Dios, soc yu'un ya sbohlc'optaybe te sbihil, te banti nahinem soc te mach'atic nahinemic ta ch'ulchan.

Bible in Tzeltal de Oxchuc y Tenejapa

⁶ Jich jajch' scontroc'optay te Diose, soc jajch' yixta-c'optaybey te sbiile soc te templo yu'une soc te mach'atic nainemic ta ch'ulchane.

Apocalipsis 13:6 ပူးပေါင်းရင်းမြစ်များ

San Mateo 12:34

Te jaꞌexe pajalex sok stsꞌumbal tiꞌawal chanetik. ¿Tutꞌil kꞌan lekuk te akꞌopike te ma tsaꞌamuk te awoꞌtanike? Te tut nojel ta koꞌtantike ya xchiknaj ta jkꞌoptik.

San Mateo 15:19

Porke ta awoꞌtanik ya xlijk anopik te tut ma tsaꞌamuk ta pasele: jaꞌ te milawe, sok te antsiwejele, sok te lokoubele, sok te elekꞌe, sok te le-kꞌope, sok te aꞌabiyanwaneje.

San Juan 1:14

Te machꞌa Skꞌop Diose jicha kꞌot tutꞌ winik y kuxuyin ta koliltik, nojel tal ta yoꞌtan te slekile y te tut batsꞌi jiche. Te joꞌotike la kilbetik te slekile, jaꞌ slekil te úniko Xnichꞌan Dios te aꞌbot yuꞌun te jTatik Diose.

Romanos 3:13

Te sbe yikꞌe jajchik tut xchenal jchamel te jeꞌelixe; te yakꞌike puru le-lot. Te yaꞌnimal stiꞌike jachik kꞌoem te ba ya snakꞌ sbeneno te chane,

Colosenses 1:19

Te Cristoe tsꞌakal yichꞌojbey te slekilal te Tatile, yuꞌun jich la skꞌan yoꞌtan te Diose.

Colosenses 2:9

Porke spisil te tut jaꞌ yuꞌun te Diose, tsꞌakal yichꞌojbe ta steklejal te Cristoe.

Hebreos 9:2

Te naul pakꞌ te la yichꞌ chapele, jaꞌ nail ay te jkꞌael te Chꞌul Luwar xꞌalbote. Teꞌelan a te kandelerioetike y sok te xmexaul waj te chꞌulutesbil yuꞌun Diose.

Hebreos 9:24

Porke te Cristoe ma och bael te ba templo te pasbil nax yuꞌun te genteetike, te jaꞌ nax slokꞌol te batsꞌi temploe, sino ke mismo ta chꞌulchan a och bael. Te ora to teꞌ ba yakꞌ sba ta ilel ta stojol Dios yuꞌun ya skꞌanbotik tal koltayel te joꞌotike.

Apocalipsis 11:12

Jich te cheb testigoetike ya me yaꞌiyik jun tulan kꞌop ta chꞌulchan te jicha altalanbot yuꞌune: “¡Moanik tal liye!” xchi. Jich ya xmoik bael ta chꞌulchan sok tokal y te skontraike ya me yilik.

Apocalipsis 12:12

Jaꞌ yuꞌun kontentoukex me te jaꞌex te kuxajtikex te ba chꞌulchane. Pero oꞌol me sbaik te machꞌatik kuxajtik ta balmilale y sok ta mare. Porke te pukuje, te lom ilineme, snaꞌoj te ma jalukix ay skꞌaalel, sok koem tal te ya skontrainex”, xchi.

Apocalipsis 15:5

Ta patil te tutik to, la kil y la jta ta ilel jeꞌbil ta chꞌulchan te templo yuꞌun Dios, te teꞌ kꞌejbil a te mantaliletike.

Apocalipsis 18:20

Jaꞌex te ayex ta chꞌulchane, kontentoukex me yuꞌun te jimix te mukꞌul jtejklum to; y kontentoukex me jaꞌex te machꞌatik ayex ta jtejklum yuꞌun te Diose, sok te machꞌatik apostoletike y te machꞌatik jꞌalwanejetike. Porke Dios la yaꞌbeyix stoj te tut ma lekuk a spasbeyex te jaꞌexe.

Apocalipsis 21:3

Y la kaꞌiy jun tulan kꞌop te teꞌ tal ba ay te mukꞌul naktajibale, te jich a yale: “Dios nainemix ta yolil te genteetike. Ayix sna ta yolilik. Y te stukelike jtejklum yuꞌun Dios ya xkꞌotik, sok mismo te Diose te ay ta yolilike, jaꞌ Dios ya xkꞌot yuꞌunik.

Apocalipsis 4:1

Ta patil tsꞌin to la kil y la jta ta ilel jun tiꞌ puerta jeꞌel ta chꞌulchan, y te kꞌop te la kaꞌiy ta primeroe, te pajal sok te jtujtel yokꞌel kornetae, la yalbon: —Liꞌ xmoat tal to, y ya kakꞌ awil te tutik te puersa ya xkꞌot ta pasel ta patil baele —xchi.

Apocalipsis 4:4

Ta sjoylejal te mukꞌul naktajibale la kil beintikuatro naktajibaletik te jaꞌ nakajtik a te beintikuatro ta tul te mamalikixe. Sak te skꞌuꞌ-spakꞌ slapojike y yichꞌojik jun korona pasbil ta oro ta sjol.

Apocalipsis 5:13

Y jich a kaꞌiybe skꞌop ta spisil te tutik pasbil yuꞌun Dios ta chꞌulchane sok ta balmilale sok ta yeꞌtal te balmilale sok ta mar. Jich la yalik: “Te Machꞌa nakal ta mukꞌul naktajibale y sok te Chꞌin Karnerae, a me yichꞌ albeyel te slekilal, te akꞌel ta jkuenta, te stsaꞌamul, y te spoder ta sbajtel kꞌinale”, xchiik.

Apocalipsis 7:15

Jaꞌ yuꞌun te aylan ta sit te ba ay smukꞌul snaktajib te Diose, y kꞌajkꞌal ajkꞌubal yakꞌoj sbaik ta abatinel te ba stemploe. Ya me yichꞌ kanantayel yuꞌun te Machꞌa nakal te ba mukꞌul naktajibale.

Apocalipsis 7:9

Ta patil la kil bayal genteetik yuꞌun te nasionetik te skajalskaj stsꞌumbale, sok yanetik tutꞌ xkꞌopojik, y sok yanetik slumalik. Tekꞌajtik ta sit te ba ay te mukꞌul naktajibale y ta sit te Chꞌin Karnerae. Lom bayalik, te maꞌyuk machꞌa ya xjuꞌ yuꞌun yajtayele. Sak skꞌuꞌ-spakꞌ yichꞌojik y yichꞌojik bael yaꞌnimal xan ta skꞌabik.