Apocalipsis 13:16 - Nuevo Testamento Tzeltal de Amatenango

¹⁶ Sok la yal mantal te ya yakꞌtalanbe jun marka ta sbatsꞌil kꞌab o ta stiꞌsba ta spisilik, ta chꞌin ta mukꞌ, ta jkꞌulejetik y ta meꞌbaetik, ta libre aylan o ayik ta mosoil.

Bible in Tzeltal Bachajón

¹⁶ Soc ya yac'ticlan ta a'beyel marca ta swa'el-c'abic o ta sti'bahic spisil ants-winiquetic, muc' biq'uit, jc'uhlejetic, pobrehetic, te ayic ta mosohil o te ayic ta libre,

Bible in Tzeltal de Oxchuc y Tenejapa

¹⁶ Soc la yal te puersa me ya x'ac'bot yich'ic marca ta swa'el sc'abic o teme ta stibaic spisil ants-winiquetic manchuc teme muc' biq'uite, teme jc'uleje o teme ma'yuc bi ay yu'unique, teme ayic ta libre o teme ayic ta mosoile.

Apocalipsis 13:16 ပူးပေါင်းရင်းမြစ်များ

Hechos 26:22

Pero yuꞌun te koltayel yuꞌun te Diose, jich jun koꞌtan asta ora to, y spisil chꞌin ta mukꞌ ya kalbe te skꞌop Diose. Maꞌyuk yan te tut ya kalbeyexe, jaꞌ nax ya kal te tut yaloj te jꞌalwanejetike sok te jMoises te jich ya xkꞌot ta pasele:

1 Corintios 12:13

Manchuk me juriyootik o ma juriyoukotik, o mosoil o libreix ayotik, jun nax a kꞌootik kꞌalal la kichꞌtik jaꞌ ta skuenta te Espíritu, jich tutꞌil te jun nax ay te jtiꞌbalultike. Y ta jpisiltik ayotik ta skuenta te mismo Espiritue.

Gálatas 3:28

Ma kocheluk me juriyo o griego, me mosoil o libre ay, me winik o ants. Porke jun xanix ayex ta skuenta Cristo Jesus ta apisilik te jaꞌexe.

Gálatas 6:17

Te ora to y ta patil bael ma jkꞌan te ay machꞌa mas ya yaꞌbon jwokole. Yuꞌun te señaetik te kichꞌoj ta jtiꞌbalule, jaꞌ ya xchiknaj a te joꞌon jtul yaj-aꞌtelon te Jesuse.

Efesios 6:8

Yuꞌun ya anaꞌikix ta juju-tul, me ay ta moso o libre ay, ya me yichꞌ stojol yuꞌun te Kajwaltike, yuꞌun te tutꞌi lek spasoje.

Colosenses 3:11

Jich maꞌyukix skꞌoplal me juriyo o ma juriyouke, me yichꞌoj sirkunsision o ma yichꞌojuk, me jyanlum, o ma tsaꞌamuk ta genteil, me ay ta mosoil o libre ay. Te tut tulan skꞌoplale jaꞌ te Cristo, te jaꞌ yuꞌun ta spisil y ay ta skuenta spisil.

2 Timoteo 3:8

Y jich tutꞌil te Janes y Jambres te la spaj sba sok te jMoisese, jich ekꞌa te genteetik abi skontrainejik te tut batsꞌi jiche. Jaꞌ te winketik te ma tsaꞌamuk spensarike te ma snaꞌik tutꞌil ay ta chꞌuunel te Diose.

Apocalipsis 11:18

Te nasionetike ilinemik. Pero la staix skꞌaalel te ya awaꞌbe kastigoe, sok yorailix te ya awichꞌ jkuenta te machꞌatik chamenike. Sok ya awakꞌtalanbe smajtan te awaj-aꞌteltak: jaꞌ te jꞌalwanejetike, sok te machꞌatik ayik ta jtejklum awuꞌune, y sok te machꞌatik ya yakꞌ ta jkuenta te abiile, chikan me chꞌin ta mukꞌ. Sok ya ajim te machꞌatik ya yixlan te balmilale”, xchiik.

Apocalipsis 15:2

La kil xan te tut pajal yilel sok jun mar te xlemet sok te kapal sok kꞌajkꞌe. Te ba te mar te xlemete, teꞌ tekꞌajtik a te machꞌatik juꞌ yuꞌunik te maꞌ yichꞌik ta mukꞌ te chanbalam te xiꞌbentik sbae y sok te slokꞌol, y sok te snumeroil sbiile. Yichꞌojlan yarpaik te akꞌtalanbil yuꞌun Diose.

Apocalipsis 19:18

Yuꞌun ya aweꞌik te stiꞌbalul reyetike, sok te stiꞌbalul statal soltaroetike, y sok te stiꞌbalul te tulan genteetike. Sok te stiꞌbalul kawuetike y sok te stiꞌbalul te machꞌatik moem aye, sok stiꞌbalul spisil genteetik, me libre aylan o aylan ta mosoil, chꞌin ta mukꞌ —xchi.

Apocalipsis 19:20

Te chanbalam te xiꞌbentik sbae la yichꞌ tsakel, jun nax sok te palso alwanejetik te la yakꞌik ta ilel seña milagroetik ta stojole. Ta skuenta te señailetik abi, te palso jꞌalwanejetik juꞌ yuꞌun sloꞌlayel te machꞌatik la skꞌan a yichꞌbeyik te smarka te chanbalam te xiꞌbentik sbae y te la yichꞌbeyik ta mukꞌ te slokꞌole. Jich te chanbalam te xiꞌbentik sbae y sok te palso alwanejetike kuxul a chꞌojtalanot ochel ta kꞌajkꞌ te yipal ta tilel sok asufree.

Apocalipsis 19:5

Te ba ay te smukꞌul snaktajibe ay a chiknaj jun kꞌop te la yale: —Albeyaik slekilal te Dios kuꞌuntike ta apisilik, chꞌin ta mukꞌ, te jaꞌex te abatex y te ya awakꞌik ta jkuentae te Diose —xchi.

Apocalipsis 20:12

Y la kil te animaetike, chꞌin ta mukꞌ, tekꞌajtik ta sit te mukꞌul naktajibale. Y la yichꞌ jamel te libroetike, y sok te jun xan libro jaꞌ te slibroil te kuxlejale. Te animaetike ichꞌtalanot jkuenta chikan te tut spasojike y sok te tut tsꞌibabil te ba libroetike.

Apocalipsis 20:4

La kil mukꞌul naktajibaletik, y te machꞌatik nakajtik teꞌ ae, jaꞌ te machꞌatik yichꞌoj yaꞌtelik ta chapawe. Sok la kil xan te xchꞌulelik te machꞌatik te setꞌalanbot sjol yuꞌun te jun yoꞌtanik a yalik ta jamal te skꞌoplal Jesuse y sok te skꞌop Diose. Te stukelike maꞌyuk a yichꞌik ta mukꞌ te chanbalam te xiꞌbentik sbae ni te slokꞌole. Ni maꞌ skꞌan a yichꞌbeyik te smarka ta stiꞌsbaike o ta skꞌabike. Y la kil te chꞌakuxik xane, y la sjoyinik ta ajwalil jmil jaꞌbil te Cristoe.

Apocalipsis 6:15

Te machꞌa tulan yaꞌtelik ta balmilale la snakꞌ sbaik ta chꞌentikil y ta latsꞌ-tontikil ta witstikil, jun nax sok te machꞌatik mukꞌ ayike, sok te statal soltaroetike, sok te jkꞌulejetike, sok te machꞌatik beno spuersaike, y spisil te machꞌatik ayik ta mosoile, y sok te genteetik te libre aye.

Apocalipsis 7:3

Jich a yal: “Ma to awixlanik te balmilale ni te mare ni te teꞌetike, jaꞌ to teme la kaꞌbetik smarkaik ta stiꞌsbaik te machꞌatik jꞌaꞌteletik yuꞌun te Dios kuꞌuntike”, xchi.