Apocalipsis 12:9 - Nuevo Testamento Tzeltal de Amatenango

⁹ Jich a yichꞌik chꞌojel lokꞌel te mukꞌul chane. Jaꞌ te antibo chan te pukuj sbiil, sok Satanas sbiil ekꞌa. Jaꞌ te ya sloꞌlay spisil te genteetik ta balmilale. Te pukuje y sok te angeletik yuꞌune chꞌojtalanot tal koel ta balmilal.

Bible in Tzeltal Bachajón

⁹ La yich' ch'ojel cohel te muc'ul dragón, ha te antiguo chan, te Pucuj soc Satanás sbihil, ha te ya slo'loy spisil te bahlumilale. Ch'ojot cohel ta bahlumilal soc te a'batetic yu'une.

Bible in Tzeltal de Oxchuc y Tenejapa

⁹ Jich la yich' ch'ojel loq'uel ta fuera te muc'ul chan te xi'bantic sbae. Ja' te namey q'uinal muc'ul chan te Pucuj sbiil soc Satanás sbiil te ya slo'lay spisil te mach'atic ainemic ta balumilale. Te Pucuje soc te abatetic yu'une, la yich'ic ch'ojel coel ta balumilal.

Apocalipsis 12:9 ပူးပေါင်းရင်းမြစ်များ

San Mateo 13:39

Te jkontra te la stsꞌun te ak te maꞌ tsaꞌamuke, jaꞌ te pukuje. Te yorail kꞌajoje jaꞌ te slajibal kꞌaale. Te jkꞌajojetike jaꞌ te chꞌul angeletik yuꞌun te Diose.

San Mateo 24:24

Ay me ya xtal lotil Cristoetik sok lotil jꞌalwanejetik. Ya me yakꞌ ta ilel mukꞌ señaetik sok milagroetik. Ya me sloꞌlayik euk te machꞌatik tꞌujbilik yuꞌun Dios te yauk xjuꞌ yuꞌunike.

San Mateo 25:41

“Te ajwalile te nax a ya yalbe te machꞌatik ayik ta xkexom skꞌabe: “Kꞌeja abaik ta jtojol, jaꞌex te ma tsaꞌamukexe. Baanik te ba kꞌakꞌ te ma xtupꞌ sbajtel kꞌinal te chapbil te ba ya xkꞌot te pukuje sok spisil te angeletik yuꞌune.

San Mateo 4:1

Te Jesuse ikꞌot bael ta tꞌantꞌan kꞌinal yuꞌun te Espiritue, yuꞌun ya xꞌilbot yoꞌtan yuꞌun te pukuje.

San Mateo 4:10

La yal te Jesuse: —Baan, kꞌeja aba Satanas. Jich tsꞌibabil: “Jaꞌ nax me ya akejan aba ta stojol te Kajwaltik Dios awuꞌune sok jaꞌ nax me ya awakꞌ aba ta abatinel ta skuenta stukel”, xchi me —xchi.

San Mateo 4:5

Te pukuje la yikꞌ bael te ba chꞌul jtejklum Jerusalen te Jesuse. Kꞌo stejkꞌan ta jol mukꞌul templo,

San Mateo 4:8

Ta último te pukuje la yikꞌ bael te Jesuse ta jun toyol wits. Teꞌ la yaꞌbe yil a spisil sjoylejal te balmilale sok te stsaꞌamul te tutik ay yuꞌunik.

San Lucas 10:18

Te Jesuse la yaltalanbe: —Laꞌ nix a. Yuꞌun yipalon ta yilel te chꞌay ta koel ta chꞌulchan te Satanase. Jich xlemeta koel tutꞌil te chawuke.

San Lucas 13:16

Yuꞌun te ants to, te jaꞌ stsꞌumbal te jꞌAbrahame, ayix diesiocho jaꞌbil te chukbil ta chamel yuꞌun te pukuje. ¿Meꞌn ma wan lekuk te la yichꞌ koltayel te skꞌaal kuxo-oꞌtane? —xyut.

San Lucas 22:3

Jich te pukuje och ta yoꞌtan te Judas te Iscariote xꞌalbote. Jaꞌ jtul te ta xlajchaytulul te jnopojeletike.

San Lucas 22:31

La yal xan te Kajwaltike: —Simon, Simon, aꞌiya awaꞌi. Te pukuje la skꞌanix permiso te ya yikꞌayex jich tutꞌil te ya xꞌikꞌayot te triwue.

San Lucas 8:12

Te tsꞌunubil te kꞌot ta bee jaꞌ skꞌoplal te machꞌatik ya yaꞌibe sluwar te skꞌop Diose, pero ya xtal te pukuje, ya slokꞌeslambe ta yoꞌtanik. Jich ma xchꞌuunik sok ma xkolik.

San Juan 12:31

Te ora to jaꞌix yorail te ya xꞌichꞌbot jkuenta smulik spisil te genteetike. Y te ora to yorailix te ya xchꞌojot lokꞌel te machꞌa ya spas mantal liꞌ ba balmilale.

San Juan 14:30

“Ma spasix te jal ya xꞌaꞌabiyanotike, porke talix te machꞌa ya spas mantal liꞌ ba balmilale. Maꞌyuk tut ya xjuꞌ te ya spasbon ta jtojole.

San Juan 16:11

Sok ya me yaꞌbe snaꞌ te Dios ya xꞌilbot yaꞌtelilk yuꞌune, yuꞌun ya yichꞌix kastigo te machꞌa ya xmantale liꞌ ba balmilal to.

San Juan 8:44

Te atatik te jaꞌexe jaꞌ te pukuje; te jaꞌexe jaꞌ ya apasbeyik te tut ya skꞌan yoꞌtane. Te pukuje ja jmilaw kꞌalal ta slijkibal to tal. Makꞌ xtuun yuꞌun te tut batsꞌi jiche; maꞌyuk ya yal te tut batsꞌi jiche. Te kꞌalal ya sle lote, jaꞌ ya yal te tut stalel ay ta yoꞌtane. Porke loꞌlawane stukel y jaꞌ tatil yuꞌun te le-lote.

Hechos 26:18

Yuꞌun ya xba awikꞌtalanbe sit, jich makꞌ xbeenikix ta ijkꞌal kꞌinal a, ta sakil kꞌinal xlaj beenix a. Yuꞌun ma sigueuk ya xjapuyot yuꞌun a te pukuje, jaꞌ ya xjapuyotix yuꞌun a te Diose. Yuꞌun teme la xchꞌuunikone, jich me ya staik perdon yuꞌun a te smulike. Sok ya me kakꞌ ayinuk te ba aylan te chꞌul jtejklum yuꞌun Diose”, xyuton te Jesuse.

Hechos 5:3

Te jPedroe la yalbe: —Ananias, ¿tuꞌun te och pukuj ta awoꞌtane? Yuꞌun la apasix ta lot te Chꞌul Espiritue te tutꞌil la akꞌej jilel oliluk te stojol alume.

Romanos 16:18

Porke ma xtuunik yuꞌun te Kajwaltik Jesucristoe, yuꞌun jaꞌ nax baem ta yoꞌtanik te tut ya skꞌupin te stiꞌbalule. Te skꞌopike ben tsaꞌam ta aꞌiyel y lek yaꞌiyel, pero jaꞌ ya yixlanbe yoꞌtanik te gente te maꞌyuk spꞌijilike.

Romanos 16:20

Te Dios te ay bujtsꞌan kꞌinal ta skuentae, nopolix te ya yaꞌbeyex apuchꞌik ta tekꞌel te pukuje. Te Kajwaltik Jesucristoe a me yaꞌbeyex bendision.

2 Corintios 11:14

¿Tuꞌun wan ma jichuk ya spasike?, yuꞌun te pukuje ya skuy sba te jaꞌ ángel yuꞌun te sakil kꞌinale.

2 Corintios 11:3

Pero ya xiꞌon yuꞌun, te jich tutꞌil te chan te ben maño la sloꞌlay te xꞌEvae, teme jich ya sloꞌlayex ekꞌa te jaꞌexe. Y teme te ya xchꞌay ta apensarik te tut lek anopojik ta stojol te Cristoe.

2 Corintios 12:7

Para ke makꞌ jtoy jba a yuꞌun te tut lom mukꞌ a yaꞌbelon jnaꞌe, la yaꞌbelon jun wokole, pajal sok jun chꞌix te tsꞌapal ta jtiꞌbalule, te jachik tutꞌil jun yaꞌtajib pukuj te tal yilbajinone.

2 Corintios 2:11

Jich te pukuje makꞌ stsalotik yuꞌun a, yuꞌun kilojtik lek tutꞌ ay te smañoe.

2 Corintios 4:4

Yuꞌun te tutꞌil ma xchꞌuunike, jaꞌ chokuteslanbil yuꞌun te dios yuꞌun te balmilale, y jich ma snaꞌbeyik sluwar. Yuꞌun jich me ma staik ta ilel te sakilal te lus yuꞌun te lek achꞌ kꞌop yuꞌun te Cristo te ben tsaꞌame, te jaꞌ steklejal kꞌoem te Diose.

Efesios 4:14

Ma me jichukotikix tutꞌil untik te jtsꞌin nax ya xyanej sok te bayuk nax ya xꞌikꞌot bael jich tutꞌil ikꞌ ta xchꞌuunel achꞌ nojpesele. Asta ya xloꞌlayot bael yuꞌun gente te ya xloꞌlaywan te ya xbeenik te ba sbelel te chꞌayele.

2 Tesalonicenses 2:3

Ma me awakꞌ abaik ta loꞌlayel. Yuꞌun puersa nail ya xkꞌot ta pasel te ay ipal jchꞌuunjeletik te ya xjajch skontrainik te Diose. Sok ya xchiknaj te mulawil winik te ya xbajt ta chꞌayele.

1 Timoteo 2:14

Y te jꞌAdane ma jaꞌuk a loꞌlayot, sino ke jaꞌ te antse. Y te kꞌalal loꞌlayot, yal ta mulil.

2 Timoteo 3:13

Pero te machꞌatik ma lekikuke y sok te jloꞌlawanejetike yanyan ta ixtaꞌajel stukelik. Ya xloꞌlawanik y ya xloꞌlalanot euk.

Hebreos 2:14

Jich tutꞌil jun nax stiꞌbalul te yuntikil te jwol nae, jich euk te Jesuse la yichꞌ stiꞌbalul y xchꞌichꞌel jich tutꞌi gente, yuꞌun ta skuenta te ya xchame jich ya slajinbey spoder te machꞌa ya xmilawane, jaꞌ bi, jaꞌ te pukuje.

1 Pedro 5:8

Pꞌij me xꞌawakꞌ abaik y kuxuluk me awoꞌtanik. Porke te akontraike, jaꞌ te pukuje, jachik ay tut choj te ya xkꞌuxuxan ye, sok te yipal ta sleel te machꞌa ya sweꞌe.

1 Juan 5:19

Jnaꞌojtik te jaꞌ yuꞌunotik te Diose. Yan te balmilale spisil ay ta skꞌab te pukuje.

Judas 1:9

Mismo te statal ángel Miguel, te kꞌalal tulan akꞌopoj te la yut sba sok pukuj ta skuenta te stiꞌbalul jMoisese, maꞌ kꞌax skꞌop te Miguele, sok ma la yalbe te chꞌayel ya xbajt te pukuje. Sino ke jaꞌ nax te la yalbe: “Te Kajwaltik ya yaꞌbat kastigo”, te xchie.

Apocalipsis 12:12

Jaꞌ yuꞌun kontentoukex me te jaꞌex te kuxajtikex te ba chꞌulchane. Pero oꞌol me sbaik te machꞌatik kuxajtik ta balmilale y sok ta mare. Porke te pukuje, te lom ilineme, snaꞌoj te ma jalukix ay skꞌaalel, sok koem tal te ya skontrainex”, xchi.

Apocalipsis 12:3

Te nax a chiknaj ta chꞌulchan jun xan señail: jun mam mukꞌul chan te xiꞌbentik sbae. Tsaj te skolorile sok ay jukeb sjol, lajuneb xulbal, y jujun skorona te jujun sjole.

Apocalipsis 12:7

Ta patil ay jajch tulan pleto ta chꞌulchan. Te jMiguel y sok te angeletik yuꞌune la yaꞌbe sbaik sok te mukꞌul chan te xiꞌbentik sbae. Te mukꞌul chan y sok te angeletik yuꞌune la yaꞌbe sbaik soke,

Apocalipsis 12:8

maꞌ juꞌ yuꞌunik stsalel y maꞌ staix sluwarik a te ba chꞌulchane.

Apocalipsis 13:14

Y ta skuenta te tutꞌil ay señaetike te jich ya xꞌaꞌbot spas ta stojol te primero chanbalam te xiꞌbentik sbae, la sloꞌlay te machꞌatik aylan ta balmilale. Sok la spastalan ta mantal te ya spasbeyik jun slokꞌol te chanbalam te xiꞌbentik sbae te la yichꞌ ejchꞌentesel ta puñal te ma ba cham yuꞌune.

Apocalipsis 16:14

Jaꞌ espirituetik yuꞌun te pukujetike te ya spasik señailetik sok milagroetik. Y lijkik bael ta stsobel ta spisil te reyetik ta balmilale yuꞌun ya yaꞌbe guerra te jun kꞌaal te lom tulan skꞌoplal yuꞌun te Dios te spisil ya xjuꞌ yuꞌune.

Apocalipsis 18:2

Sok tulan skꞌop xꞌawet: —¡Jimix, jimix te mukꞌul jtejklum Babiloniae! Sujtemix ta sna pukujetik. Jaꞌ xchꞌenikix spisil ta jkaj te pukujetik te ma lekuke. Xluchtajibix spisil ta jkaj te mutetik te ma lekuke y te pꞌajbile.

Apocalipsis 18:23

Sok ma xojobin xan ta atojol te lus yuꞌun te jun lamparae. Sok makꞌ me xꞌaꞌiyotix ta atojol te xniket kꞌin yuꞌun te nujpunele. Aunke te bayal yipik ta balmilal te jchonbajeletik awuꞌune, sok la aloꞌlay ta spisil te nasionetik sok te ma lekuk poxetik yuun pukuje —xchi me.

Apocalipsis 19:20

Te chanbalam te xiꞌbentik sbae la yichꞌ tsakel, jun nax sok te palso alwanejetik te la yakꞌik ta ilel seña milagroetik ta stojole. Ta skuenta te señailetik abi, te palso jꞌalwanejetik juꞌ yuꞌun sloꞌlayel te machꞌatik la skꞌan a yichꞌbeyik te smarka te chanbalam te xiꞌbentik sbae y te la yichꞌbeyik ta mukꞌ te slokꞌole. Jich te chanbalam te xiꞌbentik sbae y sok te palso alwanejetike kuxul a chꞌojtalanot ochel ta kꞌajkꞌ te yipal ta tilel sok asufree.

Apocalipsis 2:13

“Te joꞌone jnaꞌoj te teꞌ anat te ba ay snaktajib te pukuje. Pero sigueuk me junuk awoꞌtan ta jkuenta. Ma jilesejuk te tutꞌi achꞌuuneje, ni jaꞌuk te tut kꞌaalil yuꞌun te jꞌAntipas te jun yoꞌtan a yalbon jkꞌoplal, te la smilik te ba mukꞌul jtejklum te ba ay te Satanase.

Apocalipsis 2:24

“Pero te jaꞌex te aylan ta Tiatirae te ma xꞌanaꞌik te tut ya yakꞌ ta nopele, sok te ma jaꞌuk bajt ta awoꞌtanik snopel te tutik mukul nax ya yalik te jaꞌ yuꞌun te pukuje, ya kalbeyex te maꞌyuk yan mantal ya kaꞌbeyex achꞌuunike.

Apocalipsis 2:9

“Joꞌon jnaꞌoj te awokol sok te ameꞌbaale. Pero te jaꞌate jkꞌulejat. Y jnaꞌoj te ma lekuk akꞌoplal ya yalbelat yuꞌun te machꞌatik ya yalik te juriyoike pero ma jaꞌuklan. Jaꞌik jtijkꞌ yuꞌun Satanas.

Apocalipsis 20:10

Y te pukuje, te loꞌlaylanbil yuꞌune, chꞌojot ochel te ba yipal ta tilel kꞌajkꞌ sok asufree, teꞌ ba chꞌojtalanbil ochel euk te chanbalam te xiꞌbentik sbae y sok te palso jꞌalwanejetike. Teꞌ me ya yilik swokolik a kꞌajkꞌal ajkꞌubal ta sbajtel kꞌinal.

Apocalipsis 20:8

Y ya xlijk sloꞌlay te nasionetik ta spisil te balmilale, jaꞌ te Gog y Magog sbiilike. Sok ya me stsob tal ta guerra te soltaroetik yuꞌune, te lom bayal te jachik tutꞌil sjiꞌal te mare.

Apocalipsis 3:9

Joꞌon me ya kakꞌ te ya xtal skejan sbaik ta atojol te machꞌatik jtsobaw yuꞌun te pukuje, jaꞌik te jloꞌlawanejetike te ya yalik te juriyoetiklane y ma jaꞌikuk. Yuꞌun jich me ya snaꞌik a te kꞌuxat ta koꞌtane.

Apocalipsis 9:1

Te yoꞌebal ángel la yokꞌesin te skornetae, y la kil jun ekꞌ te chꞌay tal koel ta chꞌulchan jul ta balmilal. Te ekꞌe aꞌbot te syaweul te chꞌen te lom toyole.

Apocalipsis 9:20

Pero te jayeb xan sobra te gente, te machꞌatik maꞌ chamik yuꞌun te wokoletik to, ni maꞌ sujtes yoꞌtanik yuꞌun te tut ma lekuk spasojik ta skꞌabike. Ni maꞌ yijkitayik yichꞌel ta mukꞌ te pukujetike y sok te lotil diosetik te pasbil ta oro sok ta plata sok ta bronse sok ta ton sok ta teꞌ, te ma xjuꞌ ya yilik kꞌinal ni ma xyaꞌi kꞌop ni ma spas xbeen.