Apocalipsis 12:5 - Nuevo Testamento Tzeltal de Amatenango

⁵ Te antse pajt yoꞌtan, kerem te xchꞌin yale, jaꞌ te ya sjapuy ta spisil te nasionetik sok te sbaston takꞌine. Pero te xchꞌin yale ikꞌot bael ta stojol Dios te ba ay te smukꞌul naktajibale.

Bible in Tzeltal Bachajón

⁵ Ayin squerem-al te antse, ha te mach'a tulan ya xpasawan ta mandar spisil ta chahp nacionetic ta sbaston-taq'uin. Te yal te antse toj ic'ot mohel ta stojol Dios soc ta stojol te smuc'ul-huctajib.

Bible in Tzeltal de Oxchuc y Tenejapa

⁵ Ayin squerem-al te antse, te ja' tulan ya xmandalaj soc sbastón-taq'uin ta stojol spisil ta jchajp te nacionetique. Ic'ot moel yu'un Dios ta ch'ulchan ta ora nax te yale, ta bay te smuc'ul nactijib te Diose.

Apocalipsis 12:5 ပူးပေါင်းရင်းမြစ်များ

San Mateo 1:25

Pero ma orauk la sta sbaik jaꞌ to te tut ora ayin te sba yale. Jesus sbiil a kꞌot yuꞌun te Josee.

San Marcos 16:19

Lajix yoꞌtan ta skꞌoponel a te jnopojeletik yuꞌune, te ikꞌot moel ta chꞌulchan te Kajwaltik Jesuse. Kꞌo nakajuk ta sbatsꞌil skꞌab te Diose.

2 Corintios 12:2

Ya jnaꞌbe sba jtul winik te ay ta skuenta Cristoe te ayix katorse jaꞌbil te ikꞌot moel ta yoxkajal te chꞌulchane. Ma jnaꞌ me ikꞌot bael sok stiꞌbalul o xchꞌulel nax. Jaꞌ nax snaꞌoj te Diose.

2 Corintios 12:4

Teꞌ ta utsilal la yaꞌiy kꞌopetik te mukul nax te ma spas ya yal ni jtuluk winik.

Apocalipsis 11:12

Jich te cheb testigoetike ya me yaꞌiyik jun tulan kꞌop ta chꞌulchan te jicha altalanbot yuꞌune: “¡Moanik tal liye!” xchi. Jich ya xmoik bael ta chꞌulchan sok tokal y te skontraike ya me yilik.

Apocalipsis 12:13

Te kꞌalal la yil te mukꞌul chan te chꞌojot tal koel ta balmilale, la snuts te ants te ay ayinem te xchꞌin kereme.

Apocalipsis 12:2

Te antse ay tut staoj, y xꞌawet yuꞌun xkꞌuxul te swokole, yuꞌun ay swokol te ya xpajt yoꞌtane.

Apocalipsis 19:15

Ya xlokꞌ ta stiꞌ jun puñal te beno yee, yuꞌun ya yejchentes a te nasionetike. Ya spasawan ta mantal sok sbaston takꞌin ta stojolik. Ya me yaꞌbe yichꞌik kastigo, jachik tutꞌil ya spitsꞌot ta tekꞌel te yaꞌlel uvae. Y ya me yakꞌtalanbe yuchꞌik te bino yuꞌun te tulan wokole, jaꞌ te kastigo ya xtal ta stojol Dios te spisil ya xjuꞌ yuꞌune, yuꞌun ma xkujchix yuꞌun te tut ma lekuk ya spasike.