Apocalipsis 12:4 - Nuevo Testamento Tzeltal de Amatenango

⁴ Sok te snee la smes xejtꞌ ta yoxxejtꞌel te ekꞌetik ta chꞌulchan y la xchꞌoj koel ta sba balmilal. Te mukꞌul chane la stejkꞌan sba ta stojol te ants te ya xpajtix yoꞌtan ae, yuꞌun ya stiꞌbey ta ora te kꞌalal ya xꞌayin te xchꞌin yale.

Bible in Tzeltal Bachajón

⁴ Jun ta yoxeht'el te eq'uetic ta ch'ulchan la swes cohel ta sne, la sch'oj cohel ta bahlumilal. Te dragón la stehc'an sba ta sit te ants ya x'ayinix yal, yu'un te c'alal ya x'ayin nax a te yale, ya sbic'be.

Bible in Tzeltal de Oxchuc y Tenejapa

⁴ Ta sne la smes coel jteb ma oliluc te eq'uetic ta ch'ulchane, soc la xch'oj coel ta balumilal. Te muc'ul chane la stejc'an sba ta stojol te ants te ya x'ayinix te yale, swenta yu'un ya me sbic'bey ta ora te c'alal ya x'ayine.

Apocalipsis 12:4 ပူးပေါင်းရင်းမြစ်များ

San Juan 8:44

Te atatik te jaꞌexe jaꞌ te pukuje; te jaꞌexe jaꞌ ya apasbeyik te tut ya skꞌan yoꞌtane. Te pukuje ja jmilaw kꞌalal ta slijkibal to tal. Makꞌ xtuun yuꞌun te tut batsꞌi jiche; maꞌyuk ya yal te tut batsꞌi jiche. Te kꞌalal ya sle lote, jaꞌ ya yal te tut stalel ay ta yoꞌtane. Porke loꞌlawane stukel y jaꞌ tatil yuꞌun te le-lote.

1 Pedro 5:8

Pꞌij me xꞌawakꞌ abaik y kuxuluk me awoꞌtanik. Porke te akontraike, jaꞌ te pukuje, jachik ay tut choj te ya xkꞌuxuxan ye, sok te yipal ta sleel te machꞌa ya sweꞌe.

Apocalipsis 12:7

Ta patil ay jajch tulan pleto ta chꞌulchan. Te jMiguel y sok te angeletik yuꞌune la yaꞌbe sbaik sok te mukꞌul chan te xiꞌbentik sbae. Te mukꞌul chan y sok te angeletik yuꞌune la yaꞌbe sbaik soke,

Apocalipsis 12:9

Jich a yichꞌik chꞌojel lokꞌel te mukꞌul chane. Jaꞌ te antibo chan te pukuj sbiil, sok Satanas sbiil ekꞌa. Jaꞌ te ya sloꞌlay spisil te genteetik ta balmilale. Te pukuje y sok te angeletik yuꞌune chꞌojtalanot tal koel ta balmilal.

Apocalipsis 13:2

Te chanbalam to te lom xiꞌbentik sba te la kile, pajal sok yilel te jkojt leopardoe. Te yok skꞌabe jachik tutꞌil yok skꞌab oso, y te stiꞌe jachik tutꞌil stiꞌ choj. Te mukꞌul chan la yaꞌbe spoder y sok snaktajib y bayal yaꞌtel.

Apocalipsis 13:4

La yichꞌik ta mukꞌ te mukꞌul chan, yuꞌun jaꞌ la yaꞌbe yaꞌtel te chanbalam te xiꞌbentik sbae, sok la yichꞌik ta mukꞌ euk te chanbalame. La yalik: “¿Machꞌa me pajal sok te chanbalam to te xibꞌentik sbae, y machꞌa kꞌan yaꞌbe sba sok ta skontrainel?” xchiik.

Apocalipsis 16:13

La kil te ta stiꞌ te chanbalam te xiꞌbentik sbae sok ta stiꞌ te chanbalam te lom yane y sok ta stiꞌ te palso jꞌalwanejetike, yipal ta lokꞌel oxeb espirituetik te ma lekuke te pajal yilel sok chꞌuchꞌetike.

Apocalipsis 17:18

Te ants te la awile jaꞌ seña te mukꞌul jtejklum te ya spas ta mantal te reyetik ta balmilale —xchi.

Apocalipsis 20:2

Te ángel to la stsak te chanbalam te xiꞌbentik sbae, jaꞌ te antibo chan te pukuj sok Satanas sbiile, y la xchuk ta kadena jmil jaꞌbil.

Apocalipsis 8:10

Te yoxebal ángel la yokꞌesin te skornetae, y ay jun mukꞌul ekꞌ, yipal ta tilel jachik tutꞌil jtuch-kꞌajkꞌ, tꞌuxaj tal koel ta chꞌulchan ta sba te yoxxejtꞌel te mukꞌul ukꞌumetike y ta sba te lokꞌib jaꞌetike.

Apocalipsis 8:11

Te sbiil te ekꞌe: “Chꞌa”, y ta yoxxejtꞌelal te ba ay jaꞌetike chꞌa a la sujt. Y ta skaj te chꞌaub te jaꞌetik, bayal gente a cham.

Apocalipsis 8:12

Te xchanebal ángel la yokꞌesin te skornetae. La yixlan xejtꞌ ta yoxxejtꞌel te kajkꞌale, y xejtꞌ ta yoxxejtꞌel te ue, y xejtꞌ ta yoxxejtꞌel te ekꞌetike. Yuꞌun jicha laj ijkꞌub xejtꞌ ta yoxxejtꞌelalik, y maꞌ sakub kꞌinal xejtꞌ ta yoxxejtꞌelal te jun kꞌaale ni ta ajkꞌubal.

Apocalipsis 8:7

Te primero ángel la yokꞌesin te skornetae, y chꞌojtalanot koel ta sba balmilal bat y kꞌajkꞌ kapal sok chꞌich. La xchikꞌ xejtꞌ ta yoxxejtꞌelal te teꞌtikile y spisil te yaxal wamaletike.

Apocalipsis 8:8

Te xchebal ángel la yokꞌesin te skornetae. Chꞌojot koel ta mar te jachik yilel tutꞌil jun mukꞌul wits te xlaplun ta tilele. Xejtꞌ ta yoxxejtꞌelal te mare kꞌajta ta chꞌichꞌ.

Apocalipsis 8:9

Cham xejtꞌ ta yoxxejtꞌelal ta spisil te tut kuxajtik te ba mare, y jim ta yoxxejtꞌelal te ba ay te barkoetike.

Apocalipsis 9:10

Te sneike, chapal te ya xtiꞌawan, pajal sok te tseke. Aꞌbot ta skuenta te sneike te ya yilbajinlan joꞌeb u te genteetike.

Apocalipsis 9:19

Porke te spoder te kaewuetike ay ta stiꞌik y ta sneik. Yuꞌun te sneike pajal sok chan yilel, y sok te sjolike ya xꞌilbajinwan.