Apocalipsis 12:15 - Nuevo Testamento Tzeltal de Amatenango

¹⁵ Te chane la xchꞌoj lokꞌel jaꞌ ta stiꞌ yuꞌun ya skꞌajtates ta mukꞌul ukꞌum yuꞌun ya xbajt ta jaꞌa te antse.

Bible in Tzeltal Bachajón

¹⁵ Te chan la smal loq'uel ha' ta ye hich te bin ut'il muc'ul-ha', ta banti baht te ants, yu'un yacuc xbaht ta ehanel ta ha'.

Bible in Tzeltal de Oxchuc y Tenejapa

¹⁵ Te chane la smal loq'uel ja' ta ye. Jich c'ot te bit'il muc'ja', yu'un ya me xlicot bael yu'un te antse.

Apocalipsis 12:15 ပူးပေါင်းရင်းမြစ်များ

2 Corintios 11:3

Pero ya xiꞌon yuꞌun, te jich tutꞌil te chan te ben maño la sloꞌlay te xꞌEvae, teme jich ya sloꞌlayex ekꞌa te jaꞌexe. Y teme te ya xchꞌay ta apensarik te tut lek anopojik ta stojol te Cristoe.

Apocalipsis 12:16

Pero te lume la skoltay te antse. Yuꞌun te lume la sjam te stiꞌe, y la yuchꞌ koel te mukꞌul ukꞌum te xchꞌojoj lokꞌel ta stiꞌ te mukꞌul chan te xiꞌbentik sba ta ilele.

Apocalipsis 12:9

Jich a yichꞌik chꞌojel lokꞌel te mukꞌul chane. Jaꞌ te antibo chan te pukuj sbiil, sok Satanas sbiil ekꞌa. Jaꞌ te ya sloꞌlay spisil te genteetik ta balmilale. Te pukuje y sok te angeletik yuꞌune chꞌojtalanot tal koel ta balmilal.

Apocalipsis 17:15

Te ángele jich a yalbon euk: —Te jaꞌetik la awile te jaꞌ nakal a te jmulawil antse, jaꞌ seña jtejklumetik, genteetik, y yanetik skꞌop y yanetik nasionetik.

Apocalipsis 20:2

Te ángel to la stsak te chanbalam te xiꞌbentik sbae, jaꞌ te antibo chan te pukuj sok Satanas sbiile, y la xchuk ta kadena jmil jaꞌbil.