Apocalipsis 12:12 - Nuevo Testamento Tzeltal de Amatenango

¹² Jaꞌ yuꞌun kontentoukex me te jaꞌex te kuxajtikex te ba chꞌulchane. Pero oꞌol me sbaik te machꞌatik kuxajtik ta balmilale y sok ta mare. Porke te pukuje, te lom ilineme, snaꞌoj te ma jalukix ay skꞌaalel, sok koem tal te ya skontrainex”, xchi.

Bible in Tzeltal Bachajón

¹² Ha yu'un tse'eluc me awo'tan, ha'at ch'ulchan, soc ha'ex te nahinemex tey a. ¡Pero ay me swocolic te mach'atic nahinemic ta bahlumilal soc ta mar! Como te pucuje, soc bayel yilimba cohemix tal ta atojolic, yu'un ya sna' te nopol ya xlaj ora yu'un, xchi.

Bible in Tzeltal de Oxchuc y Tenejapa

¹² Jich yu'un bayaluc me sbujts' awo'tanic, ja'ex te ainemex ta ch'ulchane. ¡Ay, ja'ex te nainemex ta balumilal soc ta bay te mare ya me awil awocolic! Yu'un coix tel ta banti ayex te Pucuje. Bayal lijq'uem sjol, yu'un sna'ojix stojol te ma'yuquix bayal c'aale”, xi'.

Apocalipsis 12:12 ပူးပေါင်းရင်းမြစ်များ

San Lucas 15:10

Ya kalbeyex, jich me ben jun yoꞌtan yuꞌun te chꞌul angeletik yuꞌun Dios ta chꞌulchane teme ya sujtes yoꞌtan yuꞌun smul te jtul jmulawile —xchi te Jesuse.

San Lucas 2:14

“¡Ben tsaꞌam slekil te Dios te ay ta chꞌulchane! Ya yakꞌ bujtsꞌan kꞌinal ta balmilal ta stojol te machꞌatik ayik ta kꞌuxutayel yuꞌune”, xchiik.

Hebreos 10:37

Yuꞌun te Sjun Diose jich ya yal: “Ora me, batsꞌi ora me ya xtal te machꞌa ya xtale, ma jalukix.

2 Pedro 3:8

Sok xan, kermanotak te kꞌuxex ta koꞌtane, ma me xchꞌay ta awoꞌtanik yuꞌun te Kajwaltike te jun kꞌaale jachik kꞌoem yuꞌun te jmil jaꞌbile, y te jmil jaꞌbile jachik kꞌoem te tutꞌil jun kꞌaale.

Apocalipsis 10:6

Y la yal ta jamal ta stojol te Machꞌa kuxul ta sbajtel kꞌinale te la spas chꞌulchan, balmilal, sok mar, y ta spisil te tutik aylan aye. La yal: “Maꞌyukix jal tiempo.

Apocalipsis 11:10

Te machꞌatik kuxajtik ta balmilale lom kontentoik yuꞌun te chamike. Batsꞌi lom kontentoik, talel bael ya yaꞌbe sbaik smajtanik yuꞌun. Porke lom bayal a kꞌax swokolik yuꞌun te chꞌatul jꞌalwanejetike.

Apocalipsis 11:14

Jich ya xkꞌax te xchebal tulan wokole. Pero ya xtalix te yoxebale.

Apocalipsis 12:9

Jich a yichꞌik chꞌojel lokꞌel te mukꞌul chane. Jaꞌ te antibo chan te pukuj sbiil, sok Satanas sbiil ekꞌa. Jaꞌ te ya sloꞌlay spisil te genteetik ta balmilale. Te pukuje y sok te angeletik yuꞌune chꞌojtalanot tal koel ta balmilal.

Apocalipsis 13:6

Y jich jajch skontrain te Diose, y la skontra-kꞌoptay Dios sok te templo yuꞌune y sok te machꞌatik te ayik ta chꞌulchane.

Apocalipsis 18:20

Jaꞌex te ayex ta chꞌulchane, kontentoukex me yuꞌun te jimix te mukꞌul jtejklum to; y kontentoukex me jaꞌex te machꞌatik ayex ta jtejklum yuꞌun te Diose, sok te machꞌatik apostoletike y te machꞌatik jꞌalwanejetike. Porke Dios la yaꞌbeyix stoj te tut ma lekuk a spasbeyex te jaꞌexe.

Apocalipsis 8:13

Teꞌ nax a la kil, y la kaꞌiy tulan yipal ta kꞌop jkojt aguila te yipal ta wilel ta yolil chꞌuchan. Jich a yal: “¡Ay! ¡Ay! Oꞌol me sbaik te machꞌatik aylan ta balmilale te kꞌalal ya xꞌokꞌ te kornetaetik te ya xba yokꞌesinik te oxtul xan angeletike”, xchi.

Apocalipsis 9:12

Kꞌaxix te primero tulan wokole; pero ay to xan cheb.