Apocalipsis 11:18 - Nuevo Testamento Tzeltal de Amatenango

¹⁸ Te nasionetike ilinemik. Pero la staix skꞌaalel te ya awaꞌbe kastigoe, sok yorailix te ya awichꞌ jkuenta te machꞌatik chamenike. Sok ya awakꞌtalanbe smajtan te awaj-aꞌteltak: jaꞌ te jꞌalwanejetike, sok te machꞌatik ayik ta jtejklum awuꞌune, y sok te machꞌatik ya yakꞌ ta jkuenta te abiile, chikan me chꞌin ta mukꞌ. Sok ya ajim te machꞌatik ya yixlan te balmilale”, xchiik.

Bible in Tzeltal Bachajón

¹⁸ Ilin yo'tanic te nacionetic, pero hulemix te awilimba; ha yorahilix te ya x'ochic ta ich'el ta c'op te mach'atic chamenic, yorahilix te ya x'a'bot stojol sc'abic te a'batetic awu'un, ha te jalwanejetic, te mach'atic ch'uhltesbilic, te ya yich'ic ta muc' te abihile, muc' biq'uit, soc yorahilix te yac ajinticlan te mach'atic ya sjinic te bahlumilale, xchihic.

Bible in Tzeltal de Oxchuc y Tenejapa

¹⁸ Ilinix yo'tanic te nacionetique. Ja'uc me to, c'otix yorail te awilimbae, soc c'otix yorail te ya awilbey yat'elic te mach'atic lajemique, soc te ya awac'bey stojol sc'abic te abatetic awu'un te yacalic ta yaiyel j'alwaneje, soc te jayeb te mach'atic ch'ul lum yu'un te Diose, soc spisil mach'atic yich'oj ta muc' te abiile, chican teme muc' biq'uite, soc c'otix yorail te ya awac' ta lajel te mach'atic ya sboltesic te balumilale”, xiic ta yalel.

Apocalipsis 11:18 ပူးပေါင်းရင်းမြစ်များ

San Mateo 5:12

Junuk me awoꞌtanik, kontentoukex me, yuꞌun ya me awichꞌ amajtanik ta chꞌulchan. Jich me a kꞌax swokolik te jꞌalwanejetik yuꞌun Dios te nail a kꞌax ta balmilal awuꞌunike.

San Lucas 1:50

Ya me skꞌuxutay spisil ta jkaj te genteetik teme ya xꞌakꞌot ta jkuenta yuꞌune.

Hebreos 9:27

Jich tutꞌil jun nax buelta ya xlajik te genteetike, y patil ya xtal te ichꞌel ta kꞌope,

Apocalipsis 10:7

Yuꞌun te kꞌalal ya sta stiempoal te ya xlijk yokꞌesin te skornetae te sjukebal ángele, ya xkꞌot ta pasel a te tut mukul snopoj ta yoꞌtan te Diose, jachik tutꞌil yaloj te jꞌaꞌteletik yuꞌune, jaꞌ te jꞌalwanejetike”, xchi.

Apocalipsis 11:2

Pero ma me apꞌis stukel te yamakꞌul te temploe, porke jaꞌa aꞌbotix ta skuenta te machꞌatik ma xchꞌuunejuk te Diose. Jaꞌ te machꞌatik ya xba sjuꞌik ta tekꞌel te chꞌul mukꞌul jtejklum te ya xjalaj oxeb jaꞌbil sok olile.

Apocalipsis 13:10

Te machꞌatik ay ta skuenta ya yichꞌ chukele, ya me xbajtik ta chukel. Sok te machꞌatik ay ta skuenta ya yichꞌ milel ta puñal, ya me yichꞌ milel ta puñal”, xchi. Jaꞌ yuꞌun, te machꞌatik yuꞌunik te Diose, ya me skꞌan te ayuk spuersa yoꞌtan sok te junuk me yoꞌtan xchꞌuunej te Diose.

Apocalipsis 13:16

Sok la yal mantal te ya yakꞌtalanbe jun marka ta sbatsꞌil kꞌab o ta stiꞌsba ta spisilik, ta chꞌin ta mukꞌ, ta jkꞌulejetik y ta meꞌbaetik, ta libre aylan o ayik ta mosoil.

Apocalipsis 14:10

ya me yichꞌ te tulan kastigo yuꞌun Dios, te jich chapalix te maꞌyuk skꞌap te ayix ta yawil yuꞌun te kastigo yuꞌun Diose. Y ya me xꞌaꞌbot kꞌaxuk bayal swokolik ta kꞌajkꞌ y sok asufre ta stojol te chꞌul angeletik y sok te Chꞌin Karnerae.

Apocalipsis 15:1

La kil ta chꞌulchan jun xan mukꞌul señail te yan ta ilele: Jaꞌ te jukeb angeletik te yichꞌoj jukeb slajibal tulan wokole, te jaꞌ ya stsakay a te jayeb kastigo ya yakꞌ te Diose.

Apocalipsis 15:7

Jkojt te ta xchankojtol te tut kuxajtike la yakꞌtalanbe ta juju-tul te juktul angeletik jun baso pasbil ta oro, nojel ta tulan kastigo te ya xtal ta stojol Dios te stalel kuxul sbajtel kꞌinale.

Apocalipsis 18:6

Jich mismo a yichꞌ ekꞌa te tutꞌil a spasbe te yanetike. A me stoj chebuk buelta te tut spasoje. Aꞌ bayalejuk chaꞌmel ta mas tulan te wokol ya yichꞌe jich tutꞌil la yaꞌbe swokol te yanetike.

Apocalipsis 19:15

Ya xlokꞌ ta stiꞌ jun puñal te beno yee, yuꞌun ya yejchentes a te nasionetike. Ya spasawan ta mantal sok sbaston takꞌin ta stojolik. Ya me yaꞌbe yichꞌik kastigo, jachik tutꞌil ya spitsꞌot ta tekꞌel te yaꞌlel uvae. Y ya me yakꞌtalanbe yuchꞌik te bino yuꞌun te tulan wokole, jaꞌ te kastigo ya xtal ta stojol Dios te spisil ya xjuꞌ yuꞌune, yuꞌun ma xkujchix yuꞌun te tut ma lekuk ya spasike.

Apocalipsis 19:18

Yuꞌun ya aweꞌik te stiꞌbalul reyetike, sok te stiꞌbalul statal soltaroetike, y sok te stiꞌbalul te tulan genteetike. Sok te stiꞌbalul kawuetike y sok te stiꞌbalul te machꞌatik moem aye, sok stiꞌbalul spisil genteetik, me libre aylan o aylan ta mosoil, chꞌin ta mukꞌ —xchi.

Apocalipsis 19:5

Te ba ay te smukꞌul snaktajibe ay a chiknaj jun kꞌop te la yale: —Albeyaik slekilal te Dios kuꞌuntike ta apisilik, chꞌin ta mukꞌ, te jaꞌex te abatex y te ya awakꞌik ta jkuentae te Diose —xchi.

Apocalipsis 20:12

Y la kil te animaetike, chꞌin ta mukꞌ, tekꞌajtik ta sit te mukꞌul naktajibale. Y la yichꞌ jamel te libroetike, y sok te jun xan libro jaꞌ te slibroil te kuxlejale. Te animaetike ichꞌtalanot jkuenta chikan te tut spasojike y sok te tut tsꞌibabil te ba libroetike.

Apocalipsis 20:15

Y teꞌ chꞌojtalanot ochel a te machꞌatik ma tsꞌibalanbiluk sbiilik te ba libro yuꞌun kuxlejale.

Apocalipsis 22:12

Te Jesus la yal: —Jich. Ya me xtalon ta ora. Y ya kichꞌ tal te majtanil te ya kaꞌbe ta juju-tul chikan te tut spasoje.