Apocalipsis 1:6 - Nuevo Testamento Tzeltal de Amatenango

⁶ Y la yakꞌotikix ta ajwalil, sok la yakꞌotik ta saserdoteil ta abatinel yuꞌun te Dios te State. Te stukel ben tsaꞌam slekil sok yichꞌoj tulan yaꞌtel ta ora to y ta sbajtel kꞌinal. Jichuk.

Bible in Tzeltal Bachajón

⁶ soc te la yac'otic ta ajwalil soc ta sacerdotehil ta stojol Dios te State. Hichuc.

Bible in Tzeltal de Oxchuc y Tenejapa

⁶ soc la yac'otiquix ta ajwalil soc ta sacerdoteil te jich ya yabatinotic te Diose, ja' te Stat te Jesucristoe. Jelawenuc me yutsilal soc ayuc me tulan yat'el sbajt'el q'uinal stuquel. Jichuc.

Apocalipsis 1:6 ပူးပေါင်းရင်းမြစ်များ

San Mateo 6:13

Y ma me xaꞌwakꞌ mulawukotik. Koltayaotik me te ba tut ma tsaꞌamuke. Yuꞌun jaꞌat me ya xmantalajat, sok ay bayal apoder, sok ay alekilal ta sbajtel kꞌinal. Jichuk”, xaꞌex ta skꞌoponel te Diose.

San Juan 5:23

Yuꞌun me spisilik ya yakꞌik ta jkuenta a te Nichꞌanile, jich tutꞌil te aꞌbil ta jkuenta te Tatile. Te machꞌa ma xyakꞌ ta jkuenta te Nichꞌanile, jich ma xyakꞌ ta jkuenta a te Tatil te la stikon tale.

Romanos 11:36

Porke spisil te tutik aye ya xtal ta stojol Dios, y jaꞌ pastalanbil yuꞌun y stukel yuꞌun. Ben tsaꞌam slekil ta sbajtel kꞌinal te Diose. Jichuk.

Romanos 15:6

yuꞌun ta apisilik jun nax akꞌopik te ya awalik te ben tsaꞌam slekil te Dios te Stat te Kajwaltik Jesucristoe.

Filipenses 2:11

Y ta spisil ya me yalik te jaꞌ ajwalil stukel ta Jesucristo. Yuꞌun jich me ay slekilal ya xkꞌot a te Dios Tatile.

1 Timoteo 6:16

Stukel nax stalel ay, te ay ta jun sakil kꞌinal, te maꞌyuk machꞌa ya xtijilaj aye. Ni jtuluk winik yiloj ni ma sta ta ilel. Stukeluk me sil tiempo ya xꞌakꞌot ta jkuenta y sil tiempo ay ta ajwalinel. Jichuk.

Hebreos 13:21

Jaꞌ me ya stojutesex ta spasel spisil te tut lek ya apasike, jich tutꞌil ya skꞌan yoꞌtan stukele. Sok jaꞌ a spasbotik te tut ya skꞌan stukele, ta skuenta te Jesucristoe. ¡Ay slekilal sbajtel kꞌinal stukel te Cristoe! Jichuk.

1 Pedro 4:11

Te machꞌa ay smajtan te ya xkꞌopoje, a me yal te tut yaloj te Diose. Te machꞌa ya snaꞌ mantaltesele, a me yakꞌ sba ta mantaltesel sok te spuersa te ya xꞌaꞌbot yuꞌun te Diose. Spisil te tut ya apasike, pasaik skuenta yuꞌun jich me lek ya xꞌalbot skꞌoplal a te Diose ta skuenta te Jesucristoe. Jaꞌ te machꞌa ay slekilal sok te ay spoder sbajtel kꞌinale. Jichuk.

1 Pedro 5:11

Stukel ay spoder ta sbajtel qꞌuinal. Jichuk.

2 Pedro 3:18

Pero naꞌbeyaik sba lek te Kajwaltik Jesucristo te jKoltawanej kuꞌuntike. Y mukꞌubanik xan sok te slekil yoꞌtane. Ben tsaꞌam slekil stukel te ora to y sok ta sbajtel kꞌinal. Jichuk.

Apocalipsis 1:9

Joꞌon Juanon, joꞌon awermanoikon te pajal ay ta jkuentatik te wokole sok te pajal ay ta jkuentatik te ya joyintik ta ajwalil te Cristoe, sok te pajal ya yaꞌbotik jpuersatik te ya xkujch kuꞌuntik te wokoletike. Liꞌ aꞌbilon ba chꞌin luwar Patmos sbiil te joybil ta mare, jaꞌ ta skaj te yipalon ta yalel te skꞌop Diose te jamal ya yakꞌ ta naꞌbeyel sluwar te Jesuse.

Apocalipsis 20:6

Ben tsaꞌam slekilik te machꞌatik ay ta skuentaik te primero chaꞌkuxele, yuꞌun jaꞌik te yuꞌunik Dios stukelike. Te xchaꞌmelal lajele ma tut ya xꞌutotikix yuꞌun a. Sino ke jaꞌix saserdoteetik yuꞌun a te Diose y sok te Cristoe, y ya me sjoyinik ta ajwalil jmil jaꞌbil te Cristoe.

Apocalipsis 4:11

“Te jaꞌate Kajwaltikat, sok Diosat kuꞌuntik te ya skꞌan alel te alekilale, y te ya yakꞌelat ta jkuenta, y te ay apodere. Porke jaꞌat la apas spisil te tutik aye, yuꞌun jich a skꞌan awoꞌtan te aylan y te yichꞌoj pasele”, xchiik.

Apocalipsis 5:10

Y la awaꞌbeyik yaꞌtelik ta ajwalil sok ta saserdoteil yuꞌun te Dios kuꞌuntike. Y ya me xmantalajik ta balmilal”, xchiik ta kꞌayoj.