Apocalipsis 1:2 - Nuevo Testamento Tzeltal de Amatenango

² Te Juane la yalix ta jamal ta spisil te tut la yile. Jaꞌ stukel testigo yuꞌun te skꞌop Dios y sok te tut ya yal te Jesucristoe.

Bible in Tzeltal Bachajón

² te la yal ta testigo-c'op te sc'op Dios soc te bin la yal ta testigo-c'op te Jesucristo, ta spisil te bintic yiloje.

Bible in Tzeltal de Oxchuc y Tenejapa

² Ja' la yal ta testigo te Sc'op Diose. Ja' testigo yu'un uuc te Jesucristo ta swenta te bila ac'bot yile.

Apocalipsis 1:2 ပူးပေါင်းရင်းမြစ်များ

San Juan 1:32

Te Juane jich a yal xan: —La kil te Chꞌul Espíritu te koj tal ta chꞌulchane, jich yilel te tutꞌil palomae.

San Juan 12:17

Te genteetik te teꞌeyik sok a te Jesus te kꞌalal la yikꞌ tal lokꞌel te jLazaroe te ba mukꞌul y te la xchaꞌkuses tal te ba animaetike, jaꞌ a ba yalik te tutiꞌ yilike.

San Juan 19:35

Te machꞌa la yil te jicha kꞌot ta pasele jaꞌ testigo yuꞌun. Ma slotuk te tut ya yale. Sok snaꞌoj te batsꞌi jich te tut ya yale, yuꞌun jich me ya achꞌuunik a te jaꞌexe.

San Juan 21:24

Jaꞌ mismo te jnopojel to te la yalix tal ta spisile y te stsꞌibayojix ta june. Y jnaꞌotik te tut ya yale batsꞌi jich te tuti stsꞌibaye.

San Juan 3:11

Jamal ya kalbeyat, te joꞌotike jaꞌ ya kaltik te tut jnaꞌojtike, y joꞌotik testigootik yuꞌun te tut kilojtike. Pero te jaꞌexe ma xꞌachꞌuunik te tut ya kaltike.

Hechos 22:15

Yuꞌun jaꞌat testigo ya xkꞌoat yuꞌun ta stojol spisil te balmilale y jaꞌ ya awal te tut la awil sok te tut la awaꞌiye.

Hechos 26:16

Pero jajchan, tekꞌlan. Porke la kakꞌ jba ta ilel ta atojol yuꞌun ya xtuunat kuꞌun. Yuꞌun jaꞌat testigo ya xkꞌoat te tut la awil te ora to y sok te tut ya awil xan ta jkuentae.

Hechos 4:20

Te joꞌotike ma xjuꞌ ya jkom jbatik ta yalel te tut kilojtike sok te tut kaꞌiyejtike —xchiik.

1 Corintios 1:6

Komo kꞌoemix ta awoꞌtanik te tutꞌ la awaꞌibeyik skꞌoplal te Cristoe.

1 Corintios 2:1

Pero kermanotak, te kꞌalal tal kalbeyex awaꞌiyik te tutꞌ batsꞌi jich snopoj te Diose, ma jaꞌuk a kal te spꞌijil jkꞌop naxe sok ma yuꞌunuk mukꞌ a kakꞌ jba.

1 Juan 1:1

Te tut ya jtsꞌibabetikex a, jaꞌ skꞌoplal te Machꞌa ayix a desde slijkibale, te kaꞌiyejtik te skꞌope y te kilojtik ta sitike. Porke la kiltik y la jpiktik ta jkꞌabtik. Ja xyal te Machꞌa Kꞌop yuꞌun te Kuxlejale.

1 Juan 4:14

Te joꞌotike kilojtik te Jesucristoe, y ya kaltik ta jamal te Tatile la stikon tal te Xnichꞌan yuꞌun tal skoltay te machꞌatik ayik ta balmilale.

3 Juan 1:12

Spisilik lek skꞌoplal yuꞌunik te jDemetrioe, yuꞌun jaꞌ ya yal te tut batsꞌi jiche. Y jich euk te joꞌotike ya kaltik te lek akꞌoplalike, y te jaꞌate anaꞌoj te jaꞌ ya kaltik te tut batsꞌi jiche.

Apocalipsis 1:11

te la yalbone: —Tsꞌibaya ta jun libro te tut ya awile, y tikonbeya bael te juktijkꞌ hermanoetik te aylan ta estado Asiae: Ta Efeso, ta Esmirna, ta Pergamo, ta Tiatira, ta Sardis, ta Filadelfia, y ta Laodicea —xchi.

Apocalipsis 1:19

Tsꞌibaya te tutik la awile sok te tut ay ta ora to y sok te tut ay ta patile.

Apocalipsis 1:9

Joꞌon Juanon, joꞌon awermanoikon te pajal ay ta jkuentatik te wokole sok te pajal ay ta jkuentatik te ya joyintik ta ajwalil te Cristoe, sok te pajal ya yaꞌbotik jpuersatik te ya xkujch kuꞌuntik te wokoletike. Liꞌ aꞌbilon ba chꞌin luwar Patmos sbiil te joybil ta mare, jaꞌ ta skaj te yipalon ta yalel te skꞌop Diose te jamal ya yakꞌ ta naꞌbeyel sluwar te Jesuse.

Apocalipsis 12:11

Te kermanotaktike la tsalikix jilel ta skuenta xchꞌichꞌel te la smal te Chꞌin Karnerae, y sok ta skuenta te skꞌop Dios te la yalik ta jamale. Maꞌ xiꞌik yuꞌun teme ya xlaj xkuxlejalik aye, sino ke spꞌejel yoꞌtanik la yakꞌ sbaik ta milel.

Apocalipsis 12:17

Jich mas a ilin te mukꞌul chan ta skontrainel te antse, y ba yaꞌbe sba sok ta skontrainel te jayeb xan stsꞌumbal jilem te antse. Jaꞌ te machꞌatik ya xchꞌuunbeyik te mantaliletik yuꞌun te Diose, y sigue ben jun yoꞌtanik sok te tut batsꞌi jich yaloj te Jesucristoe.

Apocalipsis 20:4

La kil mukꞌul naktajibaletik, y te machꞌatik nakajtik teꞌ ae, jaꞌ te machꞌatik yichꞌoj yaꞌtelik ta chapawe. Sok la kil xan te xchꞌulelik te machꞌatik te setꞌalanbot sjol yuꞌun te jun yoꞌtanik a yalik ta jamal te skꞌoplal Jesuse y sok te skꞌop Diose. Te stukelike maꞌyuk a yichꞌik ta mukꞌ te chanbalam te xiꞌbentik sbae ni te slokꞌole. Ni maꞌ skꞌan a yichꞌbeyik te smarka ta stiꞌsbaike o ta skꞌabike. Y la kil te chꞌakuxik xane, y la sjoyinik ta ajwalil jmil jaꞌbil te Cristoe.

Apocalipsis 22:21

Te Kajwaltik Jesuse a me yaꞌbeyex te slekilal ta atojolik ta apisilik te jaꞌexe. Jichuk.

Apocalipsis 6:9

Te kꞌalal la xchꞌiꞌ te sjoꞌebal seyoe te Chꞌin Karnerae, la kil te ba yeꞌtal altare te machꞌatik yichꞌojik milel ta skaj te la yalik te skꞌop Diose.