Apocalipsis 1:18 - Nuevo Testamento Tzeltal de Amatenango

¹⁸ Jtalel kuxulon. Chamon, pero te ora to kuxulonix sbajtel kꞌinal. Joꞌon kichꞌojbe te syaweal te lajele y sok te yawil te ba ya stsobot te animaetike.

Bible in Tzeltal Bachajón

¹⁸ te mach'a cuxul. Lajon, pero cuxulonix sbahtel q'uinal. Quich'oj te llave yu'un lajel soc yu'un te yawil mach'atic chamenic.

Bible in Tzeltal de Oxchuc y Tenejapa

¹⁸ Jtalel cuxulon. Lajon, ja'uc me to, cuxulonix sbajt'el q'uinal. Jichuc. Quich'oj te sllaveil te lajele soc uuc te stsojbjibal animaetique.

Apocalipsis 1:18 ပူးပေါင်းရင်းမြစ်များ

San Mateo 11:23

Y jaꞌat jtejklum Capernaum, akuyojik te aꞌbilex ta jkuenta ya kꞌoex ta chꞌulchane. Jaꞌ tsꞌin to ya me awichꞌik chꞌojel ochel kꞌalal ta infierno. Te teꞌuk la yichꞌ pasel a te milagroetike te ba ay jtejklum Sodomae jich tutꞌil te la yichꞌ pasel ta awolilike, chikan to ta balmilal ta ora to te jichuke.

San Mateo 16:19

Joꞌon ya kaꞌbeyat te syaweul te ba ay ta mantal te jTatik Dios te ay ta chꞌulchane. Te tut ya akom ta pasel ta balmilale, jich albilix skꞌoplal ta chꞌulchan abi. Sok te tut ya awakꞌ ta pasel ta balmilale, jich albilix skꞌoplal te chꞌulchan abi —xchi te Jesuse.

San Lucas 24:5

Te antstike la skejan sbaik ta lum yuꞌun xiꞌel. Pero te winketike altalanbot yuꞌun: —¿Tuꞌun ya aleik te ba animaetik te machꞌa kuxulixe?

San Juan 11:25

Te Jesuse jich a yalbe xan: —Joꞌon ya kakꞌ chaꞌkuxel sok kuxlejal. Te machꞌa ya xchꞌuunone manchuk me ya xcham, pero ya xchaꞌkux tal.

San Juan 14:19

Liꞌ xanix ta jtsꞌine, te machꞌatik ayik ta skuenta balmilale makꞌ me yilbikonix jsit. Pero te jaꞌexe ya to awilikon; y ya xkuxuyinex porke kuxulon.

Romanos 6:9

Jnaꞌojtik te Cristoe, te chaꞌkuxemix tale, ma yauk xcham xan. Te lajele maꞌyukix spoder te ya smil xane.

2 Corintios 13:4

Jich te la yichꞌ jijpanel ta krus te maꞌyuk spuersa yilele, pero kuxulix ta spoder te Diose. Jich mismo euk te joꞌotike pajal maꞌyuk jpuersatik sok yilel. Pero te tutꞌil jun nax ayotik soke, jich kuxulotik ta spoder Dios yuꞌun te yipalotik ta aꞌtel ta atojolike.

Gálatas 2:20

Sok te Cristoe pajal jojkꞌajemon sok ta krus. Y ma joꞌukon xanix ta jkuenta kuxulon, jaꞌix ta skuenta Cristo te kuxulone. Y ta ora to te tutꞌil kuxulon sok te jtiꞌbalule, jaꞌ kuxulonix ta xchꞌuunel koꞌtan ta skuenta te Xnichꞌan Diose. Jaꞌ la xkꞌuxutayon y la yakꞌ sba entregal ta milel ta joꞌon ta jkaj.

Colosenses 3:3

Yuꞌun te jaꞌexe chamex, y te ora to tey mukul ay te akuxlejalik sok Cristo ta stojol Diose.

Hebreos 1:3

Stukel yichꞌojbey stsaꞌamul slekil te Diose, sok jaꞌ mismo ya yakꞌ ta naꞌel tut yilel te Diose. Ta skuenta skꞌop te bayal spodere, jaꞌ te yipajtesej spisil te tutik aye. Ta patil te la spokotik yuꞌun te jmultike, la snajkan sba ta chꞌulchan ta sbatsꞌil te ba nakal te Diose.

Hebreos 12:2

Ya me jtojlitik ta kꞌeluyel te Jesuse, yuꞌun stukel la yakꞌ ta ilel te tutꞌil ay ta chꞌuunel te Diose, sok tsꞌakal juꞌ yuꞌun xchꞌuunel. Te Jesuse kꞌax swokol ta krus, sok maꞌyuk skꞌoplal ta yoꞌtan te tutꞌil kꞌexlaltik sba te milel ta kruse. Porke snaꞌoj, teme kꞌax te swokole, ta patil ya me sta sbujtsꞌ yoꞌtan y ben kontento. Y kꞌo najkajuk ta sbatsꞌil snaktajib te Diose.

Hebreos 7:16

Yuꞌun ma jaꞌuk a yichꞌ yaꞌtel ta saserdoteil yuꞌun te tutꞌil tsꞌibabil skꞌoplal sok stsꞌumbal ta mantaliletike. Jaꞌ a yichꞌ yaꞌtel yuꞌun te ay spoder stukel te stalel kuxul te ma xlaje.

Hebreos 7:25

Jaꞌ yuꞌun ya xjuꞌ ya xkoltawan sbajtel kꞌinal yuꞌun te machꞌatik ya xtijilajik ta stojol Dios ta skuentae. Yuꞌun kuxul sbajtel kꞌinal, yuꞌun ya skꞌanulanbe Dios ta skuentaik.

Apocalipsis 10:6

Y la yal ta jamal ta stojol te Machꞌa kuxul ta sbajtel kꞌinale te la spas chꞌulchan, balmilal, sok mar, y ta spisil te tutik aylan aye. La yal: “Maꞌyukix jal tiempo.

Apocalipsis 15:7

Jkojt te ta xchankojtol te tut kuxajtike la yakꞌtalanbe ta juju-tul te juktul angeletik jun baso pasbil ta oro, nojel ta tulan kastigo te ya xtal ta stojol Dios te stalel kuxul sbajtel kꞌinale.

Apocalipsis 2:8

Sok la yalbon: —Tsꞌibabeya ta sjun te ángel te ba ay jtijkꞌ hermanoetik te aylan ta Esmirnae: “Jaꞌ to jaꞌ a yal te Machꞌa ay ta slijkibale y sok te ay ta slajibale, te Machꞌa cham y te chꞌakux xane.

Apocalipsis 20:13

Te mare la yakꞌ entregal te machꞌatik te chamenik aye. Te lajele y sok te yawil animaetike la yakꞌ entregal te machꞌatik teꞌeyik aye. Y spisilik a ichꞌtalanot jkuenta ta juju-tul, chikan te tut spasojike.

Apocalipsis 20:14

Te nax a te lajele sok te yawil animaetike la yichꞌik chꞌojel ochel ta kꞌajkꞌ te ba yipal ta tilele. Te kꞌajkꞌ te yipal ta tilele jaꞌ te xchaꞌmelal lajele.

Apocalipsis 3:7

Sok la yalbon: —Jich me xꞌatsꞌibabe xan ta sjun te ángel te ba ay te juju-tijkꞌ hermanoetik ta Filadelfiae: “Jaꞌ to jich ya yal te Machꞌa tojix aye y te batsꞌi jiche, jaꞌ te Machꞌa yichꞌoj syawe te rey Davide, te stukele te kꞌalal ya sjeꞌe maꞌyuk machꞌa ya xjuꞌ ya stsꞌus, te kꞌalal ya stsꞌuse maꞌyuk machꞌa ya xjuꞌ yuꞌun sjeꞌel.

Apocalipsis 4:9

Te tut kuxajtik ya yalbeyik slekil te Machꞌa nakal ta mukꞌul naktajibal te stalel kuxul sbajtel kꞌinale, sok ya yakꞌik ta jkuenta, y ya yalbeyik kola yal.

Apocalipsis 5:14

Te chaneb te tutik kuxajtike ya sjakꞌik: “Jichuk”, xchiik. Y te beintikuatro ta jtul te lom mamalikixe la skejan sbaik y la yichꞌik ta mukꞌ.

Apocalipsis 6:8

La kil y la jta ta ilel jkojt kawu yax-yaxtik ta ilel y te machꞌa moem aye, “Lajel” xchi te sbiile. Tsꞌakal tal ta spat te machꞌa skuentainej te yawil te animaetike. Y aꞌbot spoder ta xejtꞌuk te xchanxejtꞌel te balmilale, yuꞌun ya smil ta guerra, ta wiꞌnal, ta chamel, y sok ta tiꞌel ta chanbalametik te aylan ta balmilale.

Apocalipsis 9:1

Te yoꞌebal ángel la yokꞌesin te skornetae, y la kil jun ekꞌ te chꞌay tal koel ta chꞌulchan jul ta balmilal. Te ekꞌe aꞌbot te syaweul te chꞌen te lom toyole.