Apocalipsis 1:10 - Nuevo Testamento Tzeltal de Amatenango

¹⁰ Y kꞌot ta pasel jun kꞌaal yuꞌun te Kajwaltike la sjapuyon ta spoder te Espiritue, y la kaꞌiy a kꞌopoj tal ta jpat jun tulan kꞌop, jachik tutꞌil ya xꞌokꞌ korneta,

Bible in Tzeltal Bachajón

¹⁰ Ta sc'ahc'alel te Cajwaltic cuentahimbilon yu'un a te Espíritu, la jca'iy ay mach'a tulan c'opoj ta jpat hich te bin ut'il yoq'uel corneta,

Bible in Tzeltal de Oxchuc y Tenejapa

¹⁰ Te bit'il ayon ta wentainel yu'un te Espiritue, ja' c'ot ta pasel a te bi c'aalil yu'un te Cajwaltique. Jich la caiy stojol te ay mach'a tulan yac ta c'op ta jpat. Jich sc'op la caiy te bit'il sc'op te oq'uese.

Apocalipsis 1:10 ပူးပေါင်းရင်းမြစ်များ

San Mateo 22:43

Te Jesuse la yaltalanbe: —¿Tutꞌil ay te la yal te Davide: “Kajwal” xchi me, te jicha albot yuꞌun te Chꞌul Espiritue? Yuꞌun jich a yal te jDavide:

San Juan 20:19

Xꞌijkꞌubix kꞌinal a, mismo primero kꞌaal yuꞌun a te semanae, te jnopojeletike stsꞌusoj sbaik ta na yuꞌun ya xiꞌik te statal juriyoetike. Te Jesuse och kꞌoel y xtekꞌlo kꞌoel ta yolil te jnopojeletike. La spatalanbe yoꞌtanik y jich a yal: —Junuk me awoꞌtanik —xchi.

San Juan 20:26

Waxkeꞌ kꞌaal ta patil te jnopojeletike la stsob sbaik xan ta jpꞌej na, y teꞌeyix ekꞌa te jTomase. Lek tsꞌusajtik yuꞌunik te tiꞌ puertaetike, pero te Jesuse och bael xtekꞌlo kꞌoel ta yolilik. La spatalanbe yoꞌtan y la yaltalanbe: —Junuk me awoꞌtanik —xchi.

Hechos 20:7

Te primero kꞌaal yuꞌun te semanae la jtsob bajtik sok te hermanoetik ta sweꞌel waj ta skꞌuenta te Kajwaltike. Te jPabloe lijk spꞌijutes te hermanoetike. La snaꞌ te pajel xanix ya xlokꞌ baele, jaꞌ yuꞌun jalaj ta kꞌop asta la sta olil ajkꞌubal.

1 Corintios 12:3

Jaꞌ yuꞌun, te ora to ya jkꞌan ya anaꞌik te maꞌyuk machꞌa xjuꞌ ya yal te ma tsaꞌamuk te Jesuse teme jaꞌ ya xkꞌopoj ta spoder te Espíritu yuꞌun te Diose. Y sok maꞌyuk machꞌa ya xjuꞌ ya yal: Te Jesuse ja Kajwal”, teme ma jaꞌuk ya xkꞌopoj ta spoder te Chꞌul Espiritue.

1 Corintios 16:2

Ta primero kꞌaal yuꞌun te semanae ta juju-tulex ya me apitik chꞌinuk te jayeb ya ataike, y kꞌejaik me. Yuꞌun te kꞌalal ya xkꞌoone, maꞌyukix ya atsobik a te majtanile.

Apocalipsis 17:3

Te nax a, ay tut la yaꞌbon kil te Espiritue. Te ángele la yikꞌon bael ta jojchol tꞌantꞌan luwar. Teꞌ kil jtul ants a te kajal ta jkojt tsajal chanbalam te lom yane. Te skojtol stsꞌibabil biililetik te puru toyba-kꞌopetik ta stojol te Diose. Y ay jukeb sjol y lajuneb xulbal.

Apocalipsis 21:10

Y te tut la yaꞌbon kil te Espiritue, jaꞌ te la yikꞌon bael te ángel ta jun mukꞌul wits te lom toyole. Y la yaꞌbon kil te mam mukꞌul jtejklum, jaꞌ te Chꞌul Jerusalene, te yipal tal ta koel ta chꞌulchan ta stojol te Diose.