3 Juan 1:9 - Nuevo Testamento Tzeltal de Amatenango

⁹ Joꞌon a jtsꞌibay jun karta ta stojol te jtijk hermanoetike te ba ayate, pero te Diotrefese maꞌ yakꞌ ta jkuenta te ay kichꞌoj kꞌatele, porke la skꞌupin te stukel ya xꞌakꞌot ta jkuentae.

Bible in Tzeltal Bachajón

⁹ La jts'ihbabe te iglesia, pero te Diótrefes, te ya smulan te nahil ya xc'oht ta yohlilic, ma xyich'otcotic ta cuenta.

Bible in Tzeltal de Oxchuc y Tenejapa

⁹ Te jo'one la jpasbey scarta te jch'uunjeletic te banti ayate, ja'uc me to, te Diótrefes, ma ba ya yich'bon ta muc' te cat'el quich'oje, melel ja' ya smulan te stuquel ya x'ich'ot ta muc' ta yolil te quermanotactique.

3 Juan 1:9 ပူးပေါင်းရင်းမြစ်များ

San Mateo 7:8

Porke te machꞌa ay tut ya skꞌanbe te Diose, jich ya xꞌaꞌbot yuꞌun, sok te machꞌa ya sle te tut ya skꞌane, jich me ya sta ta leel, sok te machꞌa ya xkꞌopoj ta tiꞌpuertae, jich me ya xjeꞌbot.

San Marcos 9:34

Maꞌyuk machꞌa sjakꞌ tsꞌin, yuꞌun yipalik ta yaꞌbiyanel ta be te machꞌa ta spisilik te mukꞌ ya xkꞌote.

San Marcos 9:37

—Te machꞌa ya yikꞌ ta sna ta joꞌon jbiil jich tutꞌil alal to, joꞌon me la yikꞌonix abi. Te machꞌa ya yikꞌon ta snae ma joꞌokon nax te ya yikꞌone, jaꞌ la yikꞌix ekꞌa te Machꞌa la stikonon tale —xchi te Jesuse.

San Lucas 9:48

Jich a yaltalanbe: —Te machꞌa ya yikꞌ ta sna jich tut alal to, teme joꞌon ta jkuentae, joꞌon a yikꞌon abi. Y te machꞌa ya yikꞌon ta snae, jaꞌ a yikꞌix ta sna euk te machꞌa la stikonon tale. Jaꞌ yuꞌun te machꞌa chꞌin ay ta awolilike, jaꞌ me mukꞌ stukel —xchi te Jesuse. Te machꞌa makꞌ skontrainotike, joytik me abi —xchi.

Romanos 12:10

Kꞌux me xꞌawaꞌiy abaik jich tutꞌil te machꞌatik jun nax smeꞌ-statike. Talel bael akꞌa abaik me ta jkuenta, y chꞌuunbeya abaik amantalik.

Colosenses 1:18

Y sok xan te Cristoe jaꞌ jolol yuꞌun spisil te machꞌatik xchꞌuunejikixe. Stukel ay ta slijkibal, y stukel primero a chaꞌkux tal te ba ay te animaetike. Jich yuꞌun jaꞌ mukꞌ ay stukel yuꞌun spisil tutik aye.

2 Juan 1:9

Machꞌauk a te ya syanutes bael ta mas te nojpesel yuꞌun te Cristoe, maꞌyuk ta skuenta te Diose. Pero te machꞌa jmel nax a snop te nojpesel yuꞌun te Cristoe, ay ta skuenta te Tatile y jich euk te Nichꞌanile.

3 Juan 1:8

Jaꞌ yuꞌun te joꞌotike ya skꞌan ya jkuentaintik skoltayel, yuꞌun ya jkoltatik ta yalel te tut batsꞌi jiche.