3 Juan 1:11 - Nuevo Testamento Tzeltal de Amatenango

¹¹ Hermano te kꞌuxat ta koꞌtane, ma me jaꞌuk xꞌatsꞌakliy te tut ma lekuk ya spase; jaꞌuk me xꞌatsꞌakliy te tutik leke. Te machꞌa lek te tut ya spase, jaꞌ yuꞌun te Diose; pero te machꞌa ya spas te tut ma lekuke, yuꞌun ma snaꞌbe sba te Diose.

Bible in Tzeltal Bachajón

¹¹ Hermano te c'uxat ta co'tan, ma me xanop spasel te bin chopol, ha me xanop spasel te bin leque. Te mach'a ya spas te bin lec, ha me yu'un Dios stuquel, yan te mach'a ya spas te bin chopol, ma ba yiloj te Diose.

Bible in Tzeltal de Oxchuc y Tenejapa

¹¹ Te ja'at te c'uxat ta co'tane, ma me xac'ain te bila amene. Ja' me xapas a te bila leque. Te mach'a ya spas te bila leque, ja' me yu'un Dios abi. Yan te mach'a ya spas te bila amene, yu'un nanix ma yilojuc a te Diose.

3 Juan 1:11 ပူးပေါင်းရင်းမြစ်များ

San Juan 10:27

Te jkarnera ya snaꞌbonik sba te jkꞌope, y te joꞌone ya jnaꞌbe sba, y ya stsꞌakliyikon.

San Juan 12:26

Teme ay machꞌa ya skꞌan yakꞌ sba ta tuuntesel kuꞌune, a me stsꞌakliyon te ba ya xboone. Y te ba ya xkꞌoone, te ya xkꞌot ekꞌa te machꞌa ya xtuun kuꞌune. Te machꞌa ya yakꞌ sba ta tuuntesel kuꞌune kꞌanbil me yuꞌun te jTate.

San Juan 3:20

Spisil te machꞌatik ma tsaꞌamuk te tut ya spasike, ya spꞌajik te machꞌa ya sakub kꞌinal yuꞌune. Y ma xtijilajik te ba sakil kꞌinale, yuꞌun ma xyakꞌ chiknajuk te tut ma tsaꞌamuk yipalik ta spasele.

1 Corintios 11:1

Te jaꞌexe jaꞌ me xꞌanopik te tut ya kakꞌ awilike, jich tutꞌ joꞌon te jaꞌ jnopojbe tutꞌ ay te Cristoe.

1 Corintios 4:16

Jich yuꞌun ya kalbeyex te ya me anopik te tutꞌ ayone.

Efesios 5:1

Jaꞌex te yal-xnichꞌanex Dios te lek skꞌanojexe, nopaik te tutꞌil ay stukele.

Filipenses 3:17

Kermanotak, sigue me xꞌanopik te tutꞌ ayone, y jaꞌ me xꞌatꞌumik te machꞌatik jich stꞌumojik te tutꞌil la kakꞌtik awilike.

1 Tesalonicenses 1:6

Te jaꞌexe jaꞌ la anopik te tutꞌil ayotike y sok te tutꞌil ay te Kajwaltike. Y la awichꞌik ta jkuenta te skꞌop Diose sok te sbujtsꞌ awoꞌtanik te la yaꞌbeyex te Chꞌul Espiritue, aunke la ataik bayal awokolik ta ilbajinel yuꞌun.

1 Tesalonicenses 2:14

Kermanotak, kꞌalal kꞌax awokolik yuꞌun tenel ta skꞌab te alumalike, jich mismo a kꞌot ta pasel ta stojol te hermanoetik yuꞌun Dios te aylan ta Judea te jaꞌ yuꞌunix te Cristo Jesuse. Yuꞌun jich a yichꞌik tenel euk yuꞌun te slumal juriyoetike.

2 Timoteo 3:10

Pero te jaꞌate, la achꞌuunix te tutiꞌ jnojpesate. Awilojix te tutꞌil kuxulone sok ya anaꞌ te tut mukꞌ skꞌoplal ta koꞌtane. Awilojix te xchꞌuunel koꞌtane sok te ya stsꞌijk kuꞌune, sok te skꞌuxul koꞌtane, sok te tutꞌil ya xkujch kuꞌune,

Hebreos 6:12

Ma jkꞌantik te ya xchꞌajubexe. Jaꞌ ya jkꞌantik te ya atsꞌakliyik te machꞌatik jun yoꞌtanik ta xchꞌuunel te Diose, y te jun yoꞌtan ya smaliyik te tut ya xꞌaꞌbot yuꞌun Dios te sjapoj jilele.

1 Pedro 3:11

Jilesaik te tut ma lekuke, y pasaik te tut leke. Ja xꞌaleik te bujtsꞌan kꞌinale, y jich xꞌapasik bael.

1 Pedro 3:13

¿Machꞌa kꞌan juꞌuk yuꞌun te ay tut ma tsaꞌamuk spasbelex teme jaꞌex sil tiempo jaꞌ ya apasik te tut leke?

1 Juan 2:29

Te jaꞌexe anaꞌojikix te Jesucristoe toj stukel, sok ya skꞌan ya anaꞌik euk te jaꞌ yal-xnichꞌan Dios spisil te machꞌatik toj te tutꞌ ya spasike.

1 Juan 3:10

Chikan ta ilel machꞌatik te yuntikil te Diose y te machꞌatik yuntikil te pukuje. Porke machꞌauk te ma jaꞌuk ya spas te tut leke o teme ma kꞌuxuk ta yoꞌtan te yermanoe, ma jaꞌuk yuꞌun Dios abi.

1 Juan 4:1

Kermanotak te kꞌuxex ta koꞌtane, ma me achꞌuunik ta spisil te machꞌatik ya yalik te yikꞌojik te Espíritu yuꞌun te Diose. Aꞌiya awaꞌiyik nailuk teme jaꞌ te Espíritu yuꞌun Dios te ay ta stojolike o ma jaꞌuk. Porke nojel te balmilale te jloꞌlawanejetik te ya yalik te jaꞌ ta skuenta Dios te tut ya yalike.