2 Timoteo 2:3 - Nuevo Testamento Tzeltal de Amatenango

³ Te jaꞌate tsꞌika me te wokoletik jich tutꞌil lekil soltaro yuꞌun te Jesucristoe.

Bible in Tzeltal Bachajón

³ Cuhchuc me awu'un te wocol hich te bin ut'il lequil soldado yu'un Jesucristo.

Bible in Tzeltal de Oxchuc y Tenejapa

³ Soc ts'ica me awocol ta lequil soldadoil yu'un te Jesucristoe.

2 Timoteo 2:3 ပူးပေါင်းရင်းမြစ်များ

Hechos 23:31

Te soltaroetike jich la spasik te tutꞌil altalanbile. Ta ajkꞌubal a yikꞌik bael ta jtejklum Antipatris te jPabloe.

1 Corintios 13:7

Te xkꞌuxul-oꞌtanile spisil ya xkujch yuꞌun, spisil ya xchꞌuun, spisil ya smaliy, sok ya stsꞌijk yuꞌun spisil.

1 Corintios 9:7

Jich tutꞌil te machꞌa ay ta soltaroile, ¿me yuꞌun stukel ya sman te tut ya xtuun yuꞌune? Sok te machꞌa ya stsꞌun yubae, ¿meꞌn ma teyuk ya sta sweꞌel a? Sok te machꞌa ya smakꞌlin te skarneraetike, ¿me ma jaꞌuk ya xtuun yuꞌun te xlech ya yakꞌe?

2 Corintios 1:6

Yuꞌun teme ay jwokoltike, jaꞌ yuꞌun jich me ay spuersa awoꞌtanik te jaꞌexe y sok ya ataik te kolele. Y teme Dios ya yaꞌbotik spuersa koꞌtantike, yuꞌun jich me ay spuersa awoꞌtanik ekꞌa. Ya skꞌan sok spuersa awoꞌtanik ya atsꞌik awokolik, te pajal sok te jwokoltik te kꞌaxem kuꞌuntike.

1 Timoteo 1:18

Jaꞌat jTimoteo, te jnichꞌanat ta koꞌtane, ya kaꞌbeyat ta akuenta te aꞌtel to, yuꞌun jich me ya xjuꞌ awuꞌun tsalaw ta skuenta te xchꞌuunel awoꞌtane y ta skuenta te toj awoꞌtane. Jich tutꞌil te nail yaloj te hermanoetik te la yalik te akꞌoplale ta skuenta te Diose.

2 Timoteo 1:1

Joꞌon jPabloon, te apostolon yuꞌun te Jesucristoe te stikonejon ta skꞌanojel yoꞌtan te Diose ta spukel te tutꞌil yaloje te ay kuxlejal ta skuenta te Cristo Jesuse.

2 Timoteo 1:8

Ma me kꞌexawan yuꞌun ta yalel te skꞌoplal te Kajwaltike, ni ma me kꞌexawan kuꞌun te ayon ta prexo ta skaje. Tsꞌijkuk me awuꞌun te wokoletik te ya ata ta skuenta te lek achꞌ kꞌop yuꞌun kolele. Ya me skoltayat ta spoder te Diose.

2 Timoteo 2:10

Jaꞌ yuꞌun ya xkujch kuꞌun spisil, yuꞌun jich ya staik slekilik te machꞌatik tꞌujbilik yuꞌun te Diose. Yuꞌun jich me ya staik skolelik ekꞌa te ben tsaꞌam sok te sbajtel kꞌinal ay ta skuenta te Cristo Jesuse.

2 Timoteo 2:9

Y ta skaj te lek yachꞌil kꞌop to te ay kuꞌun te wokoletike. Asta chukulon ta kadena jich tutꞌil te jtul jmulawil te lom tulan smule. Pero te skꞌoplal te Diose ma chukuluk ta kadena stukel.

2 Timoteo 3:11

sok te ikꞌtinele y sok te wokoletike. Anaꞌoj spisil te tutiꞌ spasbelon ta Antioquia, ta Iconio y ta Listra sok te ikꞌtinel te kꞌax jwokol yuꞌune. Pero te Kajwaltike la yakꞌon ta libre ta spisil.

2 Timoteo 4:5

Pero te jaꞌate, pꞌij me xꞌanat sil tiempo. Kujchuk me awuꞌun te wokoletike. Aꞌtelina me yalel te skꞌoplal kolele. Juꞌutesa me lek te awꞌatele.

Filemón 1:2

Sok albeya xkoltanuk te hermanoetik te ya stsob sbaik ta anae, jich tutꞌil te kermanatik xꞌApia y sok te kermanotik Arquipo te joy jbajtik sok ta stsalel te pukuje.

Hebreos 10:32

Pero naꞌaik me te jaꞌexe te tiempo a kꞌaxixe, te kꞌalal la awichꞌik te sakil kꞌinale. Naꞌaik me tutꞌil kujch awuꞌunik te tulan wokoletik te tulan la awichꞌik kontrainele.

Hebreos 11:27

Ta skuenta xchꞌuunel yoꞌtan, te jMoises lokꞌ bael te ba slum Egiptoe. Ni ma xiꞌ yuꞌun teme ya xꞌilin te reye, yuꞌun jaꞌ yipinej yoꞌtan te Diose, te ya sta ta ilel ya yaꞌiy aunke ma chikanuk ta ilele.

Hebreos 6:15

Te jAbrahame jun yoꞌtan a smaliy, y la yichꞌ te tut albil yuꞌun te Diose.

Santiago 1:12

Ben tsaꞌam slekil te machꞌa jun yoꞌtan ya xkujch yuꞌun te prewae, porke teme juꞌ yuꞌune, ya me yichꞌ smajtan korona, jaꞌ te kuxlejale te Dios yaloj te ya yaꞌbe te machꞌatik kꞌux ta yoꞌtanik te Diose.