2 Pedro 3:9 - Nuevo Testamento Tzeltal de Amatenango

⁹ Ma yuꞌunuk yokelaluk ya yakꞌ kꞌouk ta pasel te Kajwaltik te tut yaloje, jich tutꞌil te ay machꞌatik jich skuyojike, sino ke jun yoꞌtan ya smaliyex te jaꞌexe. Yuꞌun ma skꞌan teme ay machꞌa chꞌayel ya xbajte, sino ke jaꞌ ya skꞌan te spisil ya sujtes yoꞌtanik ta stojol Diose.

Bible in Tzeltal Bachajón

⁹ Ma ba hal ya xc'oht ta pasel te bin yaloj te Cajwaltic, hich te bin ut'il ay ya scuyic te ya xhalaje, pero yac smahliybelex, ma sc'an te ay mach'a ch'ayel ya xbaht, ha ya sc'an te yacuc suhtes yo'tanic spisilic.

Bible in Tzeltal de Oxchuc y Tenejapa

⁹ Ma yu'unuc jal c'aal xan ma xc'ot sc'op yaloj te Cajwaltique, jich bit'il ay mach'atic te jich scuyojique. Scaj nax yu'un te ya smaliyotique, melel ma sc'an teme ay mach'a ch'ayel ya xbajt'e. Ja' ya sc'an te yacuc sujt'es yo'tanic ta stojol te Diose.

2 Pedro 3:9 ပူးပေါင်းရင်းမြစ်များ

Romanos 13:11

Spisil ito ya skꞌan ya jnaꞌtik te tiempo kuxulotik toe. A me jnaꞌtik te jaꞌ yorailix te ya jkux koꞌtantik yuꞌun te wayele, porke te jkoleltike tijilix ay te ora to. Ma jachikuk te tut nail toe te kꞌalal la jchꞌuuntik te skꞌop Diose.

Romanos 13:12

Te ajkꞌubale lom kꞌaxemix bael y tijilix ay tal te kꞌajkꞌaltike. Jaꞌ yuꞌun ya skꞌan ya jilestikix te tutik ay ta pasel ta ijkꞌal kꞌinale. Ya skꞌan ya jchap jbajtik yuꞌun te sakil kꞌinale jich tutꞌil jtul soltaro te lek xchapoj sba sok te smajkile sok yaꞌtajibe.

Romanos 2:4

¿Me ya apꞌaj te lom bayal slekil te xkꞌuxutayejat te Diose sok te ya to smaliyate? ¿Meꞌn ma xꞌanaꞌ te puersa ya kichꞌbetik slekil yoꞌtan te ya sujtes koꞌtantik ta skuentae?

Romanos 9:22

Jachik nix te Diose, ya skꞌan ya yakꞌ jun seña tutꞌil ay te kastigoe y sok ya yakꞌ ta ilel te spodere. Juꞌ yuꞌun bayal kꞌaal ta smaliyel te machꞌatik ya skꞌanik te kastigo te teꞌ ya xla lajik aye.

1 Timoteo 1:16

Jaꞌ yuꞌun Dios la yaꞌbon bayal slekil yoꞌtan, skuenta yuꞌun jich me ya xchiknaj ta jtojol te ay bayal perdon ta yoꞌtan te Jesucristoe. Yuꞌun joꞌon seña ya yilik a te machꞌatik patil ya xchꞌuunik te Kajwaltike yuꞌun ya staik a te kuxlejal sbajtel kꞌinale.

1 Timoteo 2:4

Yuꞌun stukel ya skꞌan te spisil ya xkole y te ya xkꞌot ta yoꞌtanik te tut batsꞌi jiche.

Hebreos 10:37

Yuꞌun te Sjun Diose jich ya yal: “Ora me, batsꞌi ora me ya xtal te machꞌa ya xtale, ma jalukix.

1 Pedro 3:20

Ja te maꞌ xchꞌuunik mantal te nameye te kꞌalal ay ta balmilal a te jNoee. Ja te kꞌalal jun yoꞌtan a maliyot yuꞌun Dios te yipal ta spasel a te barkoe. Ma ba yalikuk, waxaktulik nax te kolik te maꞌ lajik ta jaꞌe.

2 Pedro 1:4

Ta skuenta te tutik to, la yalbotik te tut ya yaꞌbotik ta patile, te kꞌax lom tsaꞌam y lom mukꞌe. Yuꞌun jich pajal kileltik ya xkꞌootik sok te tutꞌil ay te Diose, sok te libre ya xjilotik yuꞌun spisil te tutik ma lekuk te kꞌayemik ta spasel liꞌ ba balmilale.

2 Pedro 3:15

Naꞌbeyaik me sluwar te jun yoꞌtan ya xmaliwan te Kajwaltike te yuꞌun ya yaꞌbotik te jkoleltike. Jich tutꞌil te la stsꞌibabeyex te kermanotik jPablo te kꞌux ta koꞌtantike. Chikan te spꞌijil a aꞌbot yuꞌun te Diose.

Apocalipsis 2:21

La kaꞌbeyix bayal tiempo yuꞌun te ya sujtes yoꞌtan ta stojol Dios, pero ma skꞌan ya sujtes yoꞌtan y ma xyijkitay te kremiwejele.