2 Pedro 3:7 - Nuevo Testamento Tzeltal de Amatenango

⁷ Pero te chꞌulchane y sok te balmilal te chikan ora to, chapalix yuꞌun ya xlaj ta kꞌajkꞌ, yuꞌun jaꞌ mismo smantal te Diose. Jaꞌ ya xlaj ta kꞌajkꞌ te tut ora ya sta skꞌaalel te ya yichꞌ chapel te machꞌatik ma lekikuke sok te ya xꞌakꞌtalanot bael ta chꞌayele.

Bible in Tzeltal Bachajón

⁷ Yan te ch'ulchan soc bahlumilal te ay ta ora ini, ha nix ta scuenta te sc'op Dios quechel te ya xlajic ta c'ahc', ha quechelic yu'un te yorahil ich'el ta c'op soc sjinel te chopol ants-winiquetique.

Bible in Tzeltal de Oxchuc y Tenejapa

⁷ Yan ta ora to, te ch'ulchan balumilal te chicane, quechelic ta lajel ta c'ajq'uel. Ya me xlaj ta c'ajq'uel te bi ora ya x'ich'otic ta c'op te mach'atic ma la xch'uunic te Diose, te jich ya x'ac'otic bael ta lajele.

2 Pedro 3:7 ပူးပေါင်းရင်းမြစ်များ

San Mateo 10:15

Jamal ya kalbeyex te tut ora ya sta yorail yuꞌun Dios te ya yilbe yaꞌtelik spisil te genteetike, te kastigo ya yichꞌ te jtejklum me to mas tulan ke te ya yichꞌ te jtejklum Sodoma sok Gomorrae.

San Mateo 11:22

Pero ya kalbeyex: Tulan me kastigo ya yichꞌ te jtejklum Corazin sok te jtejklum Betsaida te tut ora ya xꞌilbot yaꞌtelik yuꞌun Dios te genteetike. Yan te jtejklum Tiro sok Sidon ma sta jich kastigo ya yichꞌ stukelik.

San Mateo 11:24

Ya kalbeyex te tulan me kastigo ya yichꞌ te jtejklum Capernaum te tut ora Dios ya yilbe yaꞌtelik spisil genteetike. Yan te jtejklum Sodoma ma sta jich kastigo ya yichꞌ stukel —xchi te Jesuse.

San Mateo 12:36

Sok ya kalbeyex awaꞌiyik, spisil ta jpꞌal kꞌop te ma xtuun te yaloj ta stiꞌ te genteetike ya me xjojkꞌobot te tut ora ya sta yorail yuꞌun Dios te ya xꞌilbot yaꞌtelike.

San Mateo 24:35

Te chꞌulchane sok te balmilale ya me xlaj stukel. Yan te jkꞌope ma xlaj skꞌoplal stukel.

San Mateo 25:41

“Te ajwalile te nax a ya yalbe te machꞌatik ayik ta xkexom skꞌabe: “Kꞌeja abaik ta jtojol, jaꞌex te ma tsaꞌamukexe. Baanik te ba kꞌakꞌ te ma xtupꞌ sbajtel kꞌinal te chapbil te ba ya xkꞌot te pukuje sok spisil te angeletik yuꞌune.

San Marcos 6:11

Teme ay jtejklum te ma skꞌan yikꞌexe sok ma skꞌan yaꞌiyik te tut ya awalike, lokꞌanik bael tsꞌin teꞌa. Sok tijtina jilel te stanil awoke. Jaꞌ seña ya yilik te ay ta skuentaik te ma skꞌan xchꞌuunike —xchi te Jesuse.

San Juan 12:48

Te machꞌa ya spꞌajone y teme ma xyakꞌ ta jkuenta te jkꞌope, ay me machꞌa te ya xꞌakꞌot bael ta chꞌayel yuꞌune: Te jkꞌop te la kalixe jaꞌ ya xꞌakꞌot bael ta chꞌayel yuꞌun ta slajibal kꞌaal.

Romanos 2:5

Pero te jaꞌate, lom tulan awoꞌtan, y ma xꞌakꞌan ya asujtes awoꞌtan ta stojol Dios. Jaꞌat mismo yipalat ta sleel mas kastigo ta atojol te ya sta skꞌaalel te kastigoe, te kꞌalal ya xchiknaj te Diose, ya xtal yalbe ta jamal te machꞌa ya yichꞌ kastigoe,

1 Corintios 3:13

Pero te yaꞌtel ta juju-tule ya xkꞌo chiknajuk ta jamal te tut kꞌaalil ya xꞌichꞌot jkuentae. Porke te kꞌaal abi ya xtal sok kꞌajkꞌ. Y te kꞌajkꞌe jaꞌ ya spasot prewa a te tut aꞌtelil a spas te juju-tule.

Filipenses 1:28

Sok te ni makꞌ ya xiꞌex yuꞌun te machꞌa ya skontrainexe. Jaꞌ to jaꞌ jun seña te ya yilik te chꞌayel ya xlaj jbajt stukelike. Y mismo tiempo a, jaꞌ seña te ya xkolex te jaꞌexe, yuꞌun jich nix yaloj te Diose.

2 Tesalonicenses 2:3

Ma me awakꞌ abaik ta loꞌlayel. Yuꞌun puersa nail ya xkꞌot ta pasel te ay ipal jchꞌuunjeletik te ya xjajch skontrainik te Diose. Sok ya xchiknaj te mulawil winik te ya xbajt ta chꞌayele.

1 Timoteo 6:9

Yan te machꞌatik ya skꞌan xkꞌulejibe, ya xyalik ta mulil y ya me xkꞌo yaluk ta strampa. Bayal tut ya xbikꞌtaj yoꞌtan yuꞌun te tut ma xtuune sok te ya xꞌixlanot yuꞌune. Ya me xmetꞌot te gente yuꞌun y sok chꞌayel ya xbajtik yuꞌun.

Hebreos 12:29

Porke te Dios kuꞌuntike jachik tutꞌil kꞌajkꞌ te spisil ya slajine.

2 Pedro 2:9

Te Kajwaltike snaꞌoj tutꞌil ya skoltay te machꞌatik ya xtal ta sujel ta mulile te jun yoꞌtan xchꞌuunej Diose. Y snaꞌoj tutꞌil ya skꞌej te machꞌatik ma lekikuke te ya yichꞌik kastigo yuꞌun te tut kꞌaalil ya xkꞌot te chapele.

2 Pedro 3:10

Pero te tut kꞌaalil ya xtal te Kajwaltike, ya xtal jichuk jꞌelekꞌ ta ajkꞌubal. Jich ora ya xlaj te chꞌulchane, te xiꞌxiꞌtik ta aꞌiyele. Te tutik pasbile ya me xlaj ta kꞌajkꞌ, y te balmilale sok spisil te tutik ay ae ya me xlaj ta chikꞌel.

2 Pedro 3:12

Maliyaik te tut kꞌaalil ya xtal te Diose, y pasaik me te tut ya yakꞌ te ya xtal yuꞌun ta orae. Te kꞌaal abi, te chꞌulchane ya me xlajinot ta kꞌajk, y te tutik pasbil ae ya me xꞌul ta kꞌajkꞌ.

1 Juan 4:17

Jaꞌ yuꞌun te batsꞌi jich ay te xkꞌuxul koꞌtantike yuꞌun ay me smukꞌul koꞌtantik te tut kaalil te ya yichꞌelotik ta jkuentae. Porke te joꞌotike yipalotik ta aꞌtel ta balmilal jich tutꞌil aꞌtej te Jesucristoe.

Judas 1:7

Jich mismo sok te angeletik abi, jich mismo te Sodoma y Gomora y sok te jtejklum tijajtik ay ae. Jaꞌ a akꞌot ta lajel yuꞌun te tut ma tojuk a spasike te kꞌayik ta spasel mulil ta stiꞌbalulik te sjoy sbaik ta winikile. Jaꞌ yuꞌun la sta swokolik ta kastigo ta kꞌajkꞌ sbajtel kꞌinal, y jaꞌ ejemplo a jil yuꞌun ta spisil genteetik.

Apocalipsis 17:11

Te chanbalam te lom yan, te kuxul ta nail toe y te ma chikanukixe, jaꞌ te swaxkebal reye. Pero pajal sok te sjuktululik te reyetike, y ya me xbajt ta chꞌayel ta jmel nax.

Apocalipsis 17:8

Te chanbalam te lom yan la awile, jaꞌ te kuxul ta nail toe, pero ma chikanukix. Pero ya xba lokꞌuk tal ta chꞌen antes te ya xba yichꞌ lajinel ta spisile. Te genteetik ta balmilale te ma nakaluk sbiilik te ba slibroal yuꞌun te kuxlejal desde pas te balmilale, lom cham me ya yaꞌiyik te kꞌalal ya yilik te chanbalam te lom yane, te kuxul ta nail toe, y ma chikanukix, pero ya me chiknaj xan.

Apocalipsis 20:11

La kil jun mam mukꞌul sakil naktajibal, y te machꞌa teꞌ nakal aye. Ta sit lokꞌ bael ta anel ta stojol te chꞌulchan sok te balmilale, y ni maꞌ ba staikix sluwarik a.

Apocalipsis 21:1

Ta patil la kil jun achꞌ chꞌulchan y jun achꞌ balmilal. Porke te primero chꞌulchan y te primero balmilale chꞌayikix bael, y jich ekꞌa te mare.