2 Pedro 2:7 - Nuevo Testamento Tzeltal de Amatenango

⁷ Pero la skoltay lokꞌel te jLot, te toj ta winikile. Jaꞌ te machꞌa a wokolaj sok xkuxlejal yuꞌun te tut kꞌayemik ta spasel te machꞌatik ma lekikuk.

Bible in Tzeltal Bachajón

⁷ Pero la scoltay loq'uel te Lot, te toj ta winiquil, te bayel la smel yo'tan yu'un te bintic chopol la spasic te mach'atic chopol yo'tanic,

Bible in Tzeltal de Oxchuc y Tenejapa

⁷ Ja'uc me to, Dios la scoltay loq'uel te Lote te toj ta winiquile. Bayal la smel yo'tan yu'un te bit'il la yil te amen te bila la spasic te mach'atic ixta yo'tanique.

2 Pedro 2:7 ပူးပေါင်းရင်းမြစ်များ

1 Corintios 10:13

Te jaꞌexe maꞌyuk kꞌaxem awuꞌunik te ilel-awoꞌtanik te ma ba yaꞌiyojik te yanetike. Y te jaꞌexe ya xjuꞌ te ay smukꞌul awoꞌtanik ta stojol Dios te ma xyakꞌ kꞌaxuk awokolik ta ilel awoꞌtanik te lom tulan te ma xkujch awuꞌunike. Pero ma jichuk, te kꞌalal ya xtal te ilel-awoꞌtanike, te Diose ya sle tutꞌ ya skoltayex lokꞌel a, yuꞌun jich ya xjuꞌ awuꞌunik a.

2 Pedro 2:18

Jaꞌ nax ya yalik te toyba-kꞌopetike y te tut lom naxe. Y kꞌayemik a te ya xloꞌlawanik yuꞌun te tut ya skꞌan spas te stiꞌbalulike. Jaꞌ ya sloꞌlayik te machꞌatik lokꞌelik to tal ta tulan wokol te ba ay te machꞌatik chꞌayemike.

2 Pedro 2:2

Bayal machꞌa ya stsꞌaklin te xkuxlejalik te ma tsaꞌamuke, y ta skaj stukelik te ya xꞌalbot ma lekuk skꞌoplal te tut batsꞌi jiche yuꞌun te Diose.

2 Pedro 3:17

Jaꞌ yuꞌun, kermanotak te kꞌuxex ta koꞌtane, ya ke nail to ya anaꞌik te tutik to, ila me abaik, yuꞌun ma me sjochex bael ta loꞌlayel te machꞌatik ma lekikuke, ni ma me chꞌayanik te jun awoꞌtanike.

Judas 1:4

Yuꞌun ay mukul la yochintayex jtul cheb genteetik te ya sloꞌlayexe. Jaꞌ te machꞌatik namey ay jilel skꞌoplal ta Sjun Dios yuꞌun te chꞌayel ya xlaj bajte. Jaꞌ genteetik te ma lekikuke. Syanutesejik te tutꞌil ay slekil yoꞌtan te Kajwaltik Dios, yuꞌun ya yalik te jich ay ta pasel spisil te tut ma tsaꞌamuke. Sok ma xyakꞌik ta jkuenta te úniko Ajwalil kuꞌuntik, ja te Kajwaltik Jesucristoe.