2 Pedro 2:6 - Nuevo Testamento Tzeltal de Amatenango

⁶ Dios la yakꞌ xan bael ta kastigo te la slajin te mukꞌul jtejklumetik te Sodoma y te Gomorrae. Chikꞌtalanot asta tan a laj jil. Yuꞌun jaꞌ ejemplo ya yil ta patil te gente te ma lekikuk te ya xkuxuyinike.

Bible in Tzeltal Bachajón

⁶ Soc la ya'be castigo te pueblohetic Sodoma soc Gomorra, jc'axel la yac' tanubuc ta c'ahq'uel, ha yich'oq'uehl c'oht te mach'atic ya spasulanic te bintic chopole.

Bible in Tzeltal de Oxchuc y Tenejapa

⁶ Dios la yac'bey tulan castigo te cheb lumetic, ja' te Sodoma soc te Gomorrae. Tan a jilic ta c'ajq'uel yu'un. Ja' ejemplo jilem ta stojolic spisil te ants-winiquetic teme ma sc'an yich'ic ta muc' te Diose.

2 Pedro 2:6 ပူးပေါင်းရင်းမြစ်များ

San Mateo 10:15

Jamal ya kalbeyex te tut ora ya sta yorail yuꞌun Dios te ya yilbe yaꞌtelik spisil te genteetike, te kastigo ya yichꞌ te jtejklum me to mas tulan ke te ya yichꞌ te jtejklum Sodoma sok Gomorrae.

San Mateo 11:23

Y jaꞌat jtejklum Capernaum, akuyojik te aꞌbilex ta jkuenta ya kꞌoex ta chꞌulchane. Jaꞌ tsꞌin to ya me awichꞌik chꞌojel ochel kꞌalal ta infierno. Te teꞌuk la yichꞌ pasel a te milagroetike te ba ay jtejklum Sodomae jich tutꞌil te la yichꞌ pasel ta awolilike, chikan to ta balmilal ta ora to te jichuke.

Romanos 9:29

Jich tutꞌil la yal ta antes te jꞌIsaiase: “Te Kajwaltik te spisil ya xjuꞌ yuꞌune te jichuk maꞌyuk yakꞌoj jilel te jtsꞌumbaltike, jachik mismo ayotik te tutꞌil Sodoma y Gomorrae”, xchi me.

1 Corintios 10:11

Spisil to jicha kꞌot ta pasel yuꞌun te antibo jmeꞌ-jtatike yuꞌun jun seña ta jtojoltik, y jicha tsꞌibayot jilel ta Sjun te Diose. Yuꞌun jun jpꞌijuteseltik te kuxulotik ta slajibal kꞌaale.

Hebreos 4:11

Jaꞌ yuꞌun ya skꞌan kakꞌtik puersa te ya xꞌochotik te ba luwar yuꞌun kuxo-oꞌtane. Yuꞌun ma me machꞌa sigueuk ya yakꞌ ta ilel jich tutꞌil la spasik te machꞌatik maꞌ xchꞌuunike.

Judas 1:15

Yuꞌun ya xtal yichꞌ jkuenta ta spisil gente. Y ya xtal yaꞌbe kastigo spisil te machꞌatik te maꞌ akꞌot ta jkuenta yuꞌune, sok yuꞌun spisil te tut ma lekuk a spasik yuꞌun te ma tojuk te yoꞌtanike, y sok ta spisil te tutik kꞌopetik te ma lekuk te yalojikix te mulawiletik to ta skontrainel te Diose”, te xchie.

Judas 1:7

Jich mismo sok te angeletik abi, jich mismo te Sodoma y Gomora y sok te jtejklum tijajtik ay ae. Jaꞌ a akꞌot ta lajel yuꞌun te tut ma tojuk a spasike te kꞌayik ta spasel mulil ta stiꞌbalulik te sjoy sbaik ta winikile. Jaꞌ yuꞌun la sta swokolik ta kastigo ta kꞌajkꞌ sbajtel kꞌinal, y jaꞌ ejemplo a jil yuꞌun ta spisil genteetik.