2 Pedro 2:2 - Nuevo Testamento Tzeltal de Amatenango

² Bayal machꞌa ya stsꞌaklin te xkuxlejalik te ma tsaꞌamuke, y ta skaj stukelik te ya xꞌalbot ma lekuk skꞌoplal te tut batsꞌi jiche yuꞌun te Diose.

Bible in Tzeltal Bachajón

² Ay tsobolic te ya me st'unic te bintic q'uexlaltic sba, soc ha nix ta scuentahic te ya xbohlob sc'oblal te be yu'un te smelelil c'ope.

Bible in Tzeltal de Oxchuc y Tenejapa

² Ay me tsobol ta jtul ya sjoin sbaic soc ta spasel spisil ta jten mulil. Jich ya xbolob sc'oplal ta ch'uunel te smelelil c'op yu'un te Diose.

2 Pedro 2:2 ပူးပေါင်းရင်းမြစ်များ

San Mateo 22:16

Jich a stikonik chaꞌoxtul te jnopojeletik yuꞌun te fariseoetik sok chaꞌoxtul te machꞌa jun yoꞌtan sba sok te Herodese. Jicha tal yalbeyik te Jesuse: —Maestro, ya jnaꞌtik te puru batsꞌi jich te tut ya awale, sok te sluwaril ya snojpeswanat te tut ya skꞌan te Diose. Maꞌyuk machꞌa ya xiꞌat ta kꞌop yuꞌun te genteetike. Porke ma tsabiluk nax awuꞌun te machꞌa ya awakꞌ ta jkuentae.

San Mateo 24:24

Ay me ya xtal lotil Cristoetik sok lotil jꞌalwanejetik. Ya me yakꞌ ta ilel mukꞌ señaetik sok milagroetik. Ya me sloꞌlayik euk te machꞌatik tꞌujbilik yuꞌun Dios te yauk xjuꞌ yuꞌunike.

San Mateo 7:14

Pero te puerta yuꞌun kuxuyinele yub nax te stiꞌile y wokol te sbelele. Ajtabil nax te machꞌatik ya xꞌochik teꞌae.

San Marcos 12:14

Jich a tal yalbeyik: —Maestro, ya jnaꞌtik te puru batsꞌi jich te tut ya awale. Maꞌyuk machꞌa ya xiꞌat ta kꞌop yuꞌun, porke ma tsabiluk nax awuꞌun te machꞌa ya awakꞌ ta jkuentae. Te jaꞌate sluwaril ya snojpeswanat te tut ya skꞌan te Diose. Albotik kaꞌiytik: ¿Me lek te ya jtojtik stojemal yuꞌun te ajwalil Cesare? ¿Me lek ya jtojtik o ma xjuꞌ jtojtik? —xchiik.

San Marcos 13:22

Porke ay me ya xchiknaj lotil-cristoetik y lotil-alwanejetik. Ya me yakꞌ ta ilel señailetik sok milagroetik. Ya me sloꞌlayik ekꞌa te machꞌatik tꞌujtalanbilik yuꞌun te Diose te yauk xjuꞌ yuꞌunike.

San Juan 14:6

Te Jesuse la sjakꞌbe: —Joꞌon te beone, y joꞌon te tut batsꞌi jiche, y sok te kuxlejale. Maꞌyuk machꞌa ya xkꞌot ta stojol te jTat teme ma joꞌukon ta jkuentae.

Hechos 13:10

y la yalbe: —Te jaꞌate, jloꞌlawanejat, ma tsaꞌamuk te tut ay ta awoꞌtane. Xnichꞌanat pukuj, y akontrainej spisil te tut lek ta pasele. ¿Meꞌn ma xꞌakom aba ta smakbeyel sbe te Kajwaltike?

Hechos 14:2

Pero te juriyoetik te maꞌ skꞌan a xchꞌuunike la xchebal-kꞌoptayik te machꞌatik ma juriyouke. Jich a lijk snop te ya yakꞌ ta kontrainel te hermanoetike.

Hechos 16:17

Te achꞌix to lijk stsꞌakliyotik sok te jPabloe y xꞌawte xꞌawte ta yalel: —Te winketik to, jaꞌ jꞌaꞌteletik yuꞌun te Dios te ay ta chꞌuchane. Jaꞌ ya yalbeyex te tutꞌil ay te sbeelel kolele —xchi ta yalel.

Hechos 18:26

Te jꞌApolose ma xiꞌ ta kꞌop te ba singogae. Pero te kꞌalal la yaꞌiy te sPriscila sok te jꞌAquila, la yikꞌik bael ta parte y la yalbeyik lek te tutꞌil ay ta chꞌuunel te Diose.

Hechos 19:9

Pero ay machꞌa lom tulan a yakꞌ sbaik, ma skꞌan a xchꞌuunik. Ta sit te gentee lijk sbol-kꞌoptayik te lekil achꞌ be yuꞌun te Jesuse. Jich te jPabloe la spit sba bael te ba ayike, la yikꞌ bael te hermanoetik te ba eskuela yuꞌun te Tirano sbiile. Teꞌ yalulan jujun kꞌaal a te skꞌop Diose.

Hechos 22:4

Te nameye jtsꞌakliyej ta milel te machꞌatik ya stamik te lekil achꞌ be yuꞌun te Jesuse. Ay a jchuk y la kotses ta prexo, sea me winik o antstik.

Hechos 24:14

Pero te tut ya kal ta jamale jaꞌ te jchꞌuunej te Dios yuꞌun te jmeꞌ-jtate, jaꞌ te lekil achꞌ be te ma lek ta chꞌuunel ta skꞌopike, porke jchꞌuunej spisil te tut tsꞌibabil jilel ta mantaliletik sok ta sjun te jꞌalwanejetik yuꞌun te Diose.

Romanos 2:24

Jaꞌ yuꞌun te ya yal te Sjun Diose: “Jaꞌex ta akajik te ya yixta-kꞌoptay te Diose te machꞌatik ma juriyouke”, xchi me.

1 Timoteo 5:14

Jaꞌ yuꞌun ya jkꞌan te ya xnujpun xan te meꞌba antstik te bikꞌtal toe. Jaꞌ lek ayuk yuntikil, sok yauk skanantay te snae, y ma me wakꞌ yaꞌbe luwar te kꞌopetik yuꞌun te jkontratike.

Tito 2:5

Sok te ya snaꞌik stsael te tut leke, sok te ma xmulawike, sok te ya skanantayik te snaike, sok te ay slekil yoꞌtanik y ya xchꞌuunbe smantal te smamlalike, yuꞌun ma me ayuk machꞌa ya yal te ma lekuk te skꞌoplal Diose.

Tito 2:8

Jaꞌ me xꞌawal te lekil kꞌop te maꞌyuk machꞌa ya xjuꞌ ya skome. Jich me ya sta kꞌexlal machꞌauk a te ya xlijk skontrainate, yuꞌun ma spas ay tut ma lek ya yalbeyate.

1 Pedro 2:12

Lekuk me ayex sok te akuxlejalik te ba ay te machꞌatik ma snaꞌbeyik sba te Diose. Aunke ma tsaꞌamuk akꞌoplalik ya yalbeyex te ora to, sok aunke jachik kꞌoeme ta yoꞌtanik te ma tsaꞌamuk awaꞌtelike, ya me yilik te lek te tut ya apasik te jaꞌexe, y ya me yalbeyik lek skꞌoplal te Dios te tut kꞌaalil ya yichꞌ kuenta ta spisile.

2 Pedro 2:12

Te genteetik to, jachik kꞌoemik te tutꞌil chanbalametik: maꞌyuk tut ya xkꞌot ta yoꞌtanike. Jaꞌ nax kuxulik ya xꞌayinik te ya yichꞌik tsakel y te ya xmiltalanote. Ya yalbeyik ma lekuk skꞌoplal te tutik ma xyaꞌibe sluware. Pero jich ya xlaj cham jich tutꞌil te chanbalametike.

2 Pedro 2:15

Chꞌayemik ta beel, porke jaꞌ a sjilesikix te tojil bee. Jaꞌ stamojik te tutꞌil ay te jꞌalwanej Balaam te xnichꞌan Beor, te la skꞌan yoꞌtan te ya sta takꞌin ta spasel te tut ma lekuke.

2 Pedro 2:18

Jaꞌ nax ya yalik te toyba-kꞌopetike y te tut lom naxe. Y kꞌayemik a te ya xloꞌlawanik yuꞌun te tut ya skꞌan spas te stiꞌbalulike. Jaꞌ ya sloꞌlayik te machꞌatik lokꞌelik to tal ta tulan wokol te ba ay te machꞌatik chꞌayemike.

2 Pedro 2:21

Jaꞌ mas lek te jichuk ma yilik te tojil bee. Te tutꞌil yilojikixe, jaꞌ ma lek teme ta patil ya xchꞌoj jilel te chꞌul mantal te la yichꞌ aꞌbeyele.

2 Pedro 2:7

Pero la skoltay lokꞌel te jLot, te toj ta winikile. Jaꞌ te machꞌa a wokolaj sok xkuxlejal yuꞌun te tut kꞌayemik ta spasel te machꞌatik ma lekikuk.

Judas 1:10

Pero te winketik to ma lekuk skꞌoplal ya yalbeyik te tutik ma snaꞌbe sluware. Y te tutik ya snaꞌik spasel ta skuenta stiꞌbalulike, jachik tutꞌil te chanbalametik te ma snaꞌ kꞌinale. Jich ya spasik yuꞌun chꞌayel ya xlaj bajt yuꞌun.

Judas 1:15

Yuꞌun ya xtal yichꞌ jkuenta ta spisil gente. Y ya xtal yaꞌbe kastigo spisil te machꞌatik te maꞌ akꞌot ta jkuenta yuꞌune, sok yuꞌun spisil te tut ma lekuk a spasik yuꞌun te ma tojuk te yoꞌtanike, y sok ta spisil te tutik kꞌopetik te ma lekuk te yalojikix te mulawiletik to ta skontrainel te Diose”, te xchie.

Judas 1:4

Yuꞌun ay mukul la yochintayex jtul cheb genteetik te ya sloꞌlayexe. Jaꞌ te machꞌatik namey ay jilel skꞌoplal ta Sjun Dios yuꞌun te chꞌayel ya xlaj bajte. Jaꞌ genteetik te ma lekikuke. Syanutesejik te tutꞌil ay slekil yoꞌtan te Kajwaltik Dios, yuꞌun ya yalik te jich ay ta pasel spisil te tut ma tsaꞌamuke. Sok ma xyakꞌik ta jkuenta te úniko Ajwalil kuꞌuntik, ja te Kajwaltik Jesucristoe.

Judas 1:7

Jich mismo sok te angeletik abi, jich mismo te Sodoma y Gomora y sok te jtejklum tijajtik ay ae. Jaꞌ a akꞌot ta lajel yuꞌun te tut ma tojuk a spasike te kꞌayik ta spasel mulil ta stiꞌbalulik te sjoy sbaik ta winikile. Jaꞌ yuꞌun la sta swokolik ta kastigo ta kꞌajkꞌ sbajtel kꞌinal, y jaꞌ ejemplo a jil yuꞌun ta spisil genteetik.

Apocalipsis 12:9

Jich a yichꞌik chꞌojel lokꞌel te mukꞌul chane. Jaꞌ te antibo chan te pukuj sbiil, sok Satanas sbiil ekꞌa. Jaꞌ te ya sloꞌlay spisil te genteetik ta balmilale. Te pukuje y sok te angeletik yuꞌune chꞌojtalanot tal koel ta balmilal.

Apocalipsis 13:14

Y ta skuenta te tutꞌil ay señaetike te jich ya xꞌaꞌbot spas ta stojol te primero chanbalam te xiꞌbentik sbae, la sloꞌlay te machꞌatik aylan ta balmilale. Sok la spastalan ta mantal te ya spasbeyik jun slokꞌol te chanbalam te xiꞌbentik sbae te la yichꞌ ejchꞌentesel ta puñal te ma ba cham yuꞌune.

Apocalipsis 13:8

Te chanbalam to te xiꞌbentik sbae ichꞌot ta jkuenta yuꞌun spisil te machꞌatik ayik ta balmilale. Jaꞌ te machꞌatik ma tsꞌibabiluk sbiilik ta sjunal kuxlejal yuꞌun te Chꞌin Karnera te la yichꞌ milele. Te sjunal kuxlejale, jaꞌ te jun te la yichꞌ tsꞌibayel desde pas te balmilale.