2 Pedro 2:1 - Nuevo Testamento Tzeltal de Amatenango

¹ Ta namey ay palso jꞌalwanejetik te ba ay te jtejklum Israel; y jich me ay palso maestroetik te ba ayex te jaꞌexe. Ya me snojpeswanik ta mukul te tut snopojike te ya xjimawanike. Jaꞌ ya spꞌajik te Kajwaltik te jaꞌ a koltalanot yuꞌune. Jich me ora ya yichꞌik jimel stukelik.

Bible in Tzeltal Bachajón

¹ Ta namey ay lotil jalwanejetic ta yohlil te pueblo Israel, hich te bin ut'il ya me xchicnaj lotil jp'ijubteswanejetic ta awohlilic te muquen ya yotsesic bin ay ta nopel te ya xjinawan, soc ya smuc ta yo'tanic te Cajwaltic te mambil scolelic yu'une. Ha nix yac yich'belic tal castigo te ora ya xtal ta stojolic.

Bible in Tzeltal de Oxchuc y Tenejapa

¹ Ja'uc me to, namey q'uinal ay lotil j'alwanejetic ta yolil te lum Israele. Ja' nanix jich ya me xchicnaj lotil maestroetic ta awolilic uuc. Muquen me ya yaq'uic ta nopel yan c'op te ya xjinawane. Ma ja'uc ya yaq'uic ta ich'el ta muc' te Cajwaltic te la stojbey scolelique. Jich me ora ya yich'ic jinel stuquelic.

2 Pedro 2:1 ပူးပေါင်းရင်းမြစ်များ

San Mateo 10:33

Yan te machꞌa ma jamaluk ya yalon ta stojol te genteetike, jichon euk te joꞌone ma jamaluk ya kal ta stojol jTat te ay ta chꞌulchan.

San Mateo 24:11

Sok ya me xchiknaj bayal jlot-alwanejetik y ya me sloꞌlay bayal genteetik.

San Mateo 24:24

Ay me ya xtal lotil Cristoetik sok lotil jꞌalwanejetik. Ya me yakꞌ ta ilel mukꞌ señaetik sok milagroetik. Ya me sloꞌlayik euk te machꞌatik tꞌujbilik yuꞌun Dios te yauk xjuꞌ yuꞌunike.

San Mateo 24:5

Porke ay me bayal machꞌatik ya xtal ya skuy sbaik a te joꞌone. Ya me yalik: “Joꞌon Cristoon” xchiik me. Y bayal me genteetik ya sloꞌlaylan.

San Mateo 7:15

“Ila me abaik yuꞌun te machꞌatik lotil jꞌalwanejetike. Skuyoj sbaik ta karneraetik yilel, pero pajal yoꞌtanik sok te weꞌawal teꞌtikil tsꞌiꞌ.

San Marcos 13:22

Porke ay me ya xchiknaj lotil-cristoetik y lotil-alwanejetik. Ya me yakꞌ ta ilel señailetik sok milagroetik. Ya me sloꞌlayik ekꞌa te machꞌatik tꞌujtalanbilik yuꞌun te Diose te yauk xjuꞌ yuꞌunike.

San Lucas 12:9

Yan te machꞌa ma jamaluk ya yalon ta stojol te genteetike, jich euk te joꞌone ma jamaluk ya kal ta stojol te chꞌul angeletik yuꞌun te Diose.

San Lucas 21:8

Te Jesuse la sjakꞌ: —Ila me abaik, ma me machꞌa sloꞌlayex. Porke ay me ya xtal bayal te ya xloꞌlawanik ta jbiile. Ya yalik: “Joꞌon Cristoon”, y “Jaꞌix me stiempoil.” Pero te jaꞌexe ma me atsꞌakliyik.

San Lucas 6:26

Oꞌol me abaik jaꞌex te lek akꞌoplalik yuꞌun spisil te genteetike, yuꞌun te antibo smeꞌstatik te genteetik to jich lek skꞌoplal a yalbeyik euk te jlot-alwanejetike.

Romanos 16:18

Porke ma xtuunik yuꞌun te Kajwaltik Jesucristoe, yuꞌun jaꞌ nax baem ta yoꞌtanik te tut ya skꞌupin te stiꞌbalule. Te skꞌopike ben tsaꞌam ta aꞌiyel y lek yaꞌiyel, pero jaꞌ ya yixlanbe yoꞌtanik te gente te maꞌyuk spꞌijilike.

1 Corintios 11:19

Yuꞌun ya kaꞌiy te jaꞌexe puersa ya xba apit abaik ta juju-tijkꞌ; yuꞌun te ya xchiknaj a te machꞌa batsꞌi xchꞌuunej te Diose.

1 Corintios 6:20

porke Dios toyol a stojtalan. Jaꞌ yuꞌun ya skꞌan ya awakꞌik ta jkuenta a te Dios sok te atiꞌbalulike.

1 Corintios 7:23

Dios la smanex te jaꞌex te lom toyol a stojexe. Ma me awakꞌ abaik ta mosoil yuꞌun jtul xan winik.

Gálatas 2:4

Pero ay jtul cheb palso hermanoetik te ochik tal liꞌ ba ayotik, te mukul nax aylane, yuꞌun talemik ta ilawane te tutꞌil libre ayotikix ta skuenta te Cristo Jesuse. Yuꞌun ya skꞌan yakꞌotik xan ta mosoil yuꞌun te mantaliletike.

Gálatas 3:13

Te Cristoe jaꞌ a yakꞌotik ta libre yuꞌun te kastigo yuꞌun te mantaliletike. Yuꞌun stukel a slajinbe jilel skꞌoplal te chꞌayel ya xbootike. Porke te Sjun Diose ya yal: “Chꞌayel ya xbajt spisil te machꞌa jokꞌol ya xcham ta teꞌe”, xchi me.

Gálatas 4:17

Te yanetike ben jun yoꞌtanik ta atojolik te jaꞌexe, pero ma slekilikuk te tut snopoje. Te tut ya skꞌanike jaꞌ te ya slokꞌesex ta jtojol, yuꞌun ben jun awoꞌtanik ya xkꞌoex ta stojolik.

Gálatas 5:20

Ya skejan sbaik ta lotil dios y ya snopik uꞌulil. Ya spas kontrainwanej, pleto, sok laꞌoꞌtantayel. Jtsꞌin ya xlaj ilin, y ya stsalawan ta kꞌop, ya spit sbaik y ya smon sjoyik.

Efesios 1:7

Ta skuenta bayal skꞌuxul yoꞌtan, Dios a yakꞌotik ta libre ta skuenta te Xnichꞌan te la smal xchꞌichꞌele. Y la spasbotikix perdon yuꞌun te jmultike.

Efesios 4:14

Ma me jichukotikix tutꞌil untik te jtsꞌin nax ya xyanej sok te bayuk nax ya xꞌikꞌot bael jich tutꞌil ikꞌ ta xchꞌuunel achꞌ nojpesele. Asta ya xloꞌlayot bael yuꞌun gente te ya xloꞌlaywan te ya xbeenik te ba sbelel te chꞌayele.

Filipenses 3:19

y te slajibike, chꞌayel me ya xlaj jbajt. Te sdiosike jaꞌ te tut ya skꞌan te stiꞌbalulike, y jaꞌ stoyoj sbaik yuꞌun te tut ya xba akꞌek ta kꞌexlal yuꞌune. Jaꞌ nax ya snopik te tutik skuenta te balmilal to.

Colosenses 2:18

Ma me awakꞌik te ay machꞌa ya yaꞌbeyex yajtal awoꞌtanike, te skꞌayinej te chꞌin yakꞌoj sbaik y te ya skejan sbaik ta skuenta te angeletike. Lom nax ya yalik te ay tut yiloje, y jowiyel nax ya stoy sbaik ta skaj nax spensarik ta stiꞌbalulik nax.

Colosenses 2:8

Ila me abaik yuꞌun te machꞌatik ya skꞌan sloꞌlayex yuꞌun te tut snopoj te jowil naxe. Yuꞌun te stukelike ma yakꞌojuk ta jkuenta te Cristoe. Jaꞌ nax yakꞌojik ta jkuenta te skostumbre gentee y sok te jowil pꞌijutesel yuꞌun te balmilale te ma jaꞌuk ta skuenta Cristoe.

1 Timoteo 5:8

Yuꞌun te machꞌa ma yajtaluk yoꞌtan te machꞌatik ay yuꞌune y sok spisil te machꞌatik ay yuꞌun ta snae, la sjilesix ta chꞌuunel Dios abi, y mas yesuk ke te machꞌatik ma xchꞌuunejuk Diose.

2 Timoteo 4:3

Porke ya sta stiempo te genteetike ma me skꞌan xyaꞌiyik te lekil nojpesele. Yuꞌun te tut ya skꞌan yoꞌtanike, ya sleik bayal maestroetik te jaꞌ nax ya snojpeslanot te tut ya skꞌan yaꞌiyik stukelike.

Tito 1:11

Te machꞌatik jich ya yalike, ya skꞌan kombeyel te stiꞌike. Yuꞌun ya yixlanbe yoꞌtanik spꞌejel te machꞌatik jun nax ay snaike. Ya snojpeswanik te tut ma jichuk ya skꞌane, skuenta jich ya staik sloꞌlayel takꞌine.

Tito 3:10

Teme ay machꞌa ya yakꞌ dibision te ba ay hermanoetike, koma jmel o chaꞌmeluk. Pero teme ma xyakꞌat ta jkuentae, chꞌoja lokꞌel.

Hebreos 10:29

¿Me yuꞌun ma xkꞌot ta awoꞌtanik te jaꞌexe te mas to xan tulan kastigo ya sta te machꞌatik ya xpuchꞌik ta tekꞌel te Xnichꞌan Dios y te ya spꞌajbeyik te xchꞌichꞌele, sok te machꞌatik ya yixta-kꞌoptay te Espíritu yuꞌun Dios te jaꞌ kꞌuxutaylanbil yuꞌune? Te xchꞌichꞌele jaꞌ te la xchap jil a te tratee, sok te ya slekuteswane.

1 Pedro 1:8

Te jaꞌexe kꞌux ya awaꞌiyik ta awoꞌtanik te Jesucristoe aunke ma to awilojikuk; y te ora to, achꞌuunejik te Jesucristoe aunke ma to awilojikuk. Lom kontento ayex sok sbujtsꞌ awoꞌtanik te lom mukꞌe, y te ben tsaꞌam slekil te ma xjuꞌ xlaj ta alel skꞌoplale,

2 Pedro 2:3

Ay sbikꞌtal yoꞌtanik yuꞌun te takꞌine, jich ay tut ya slokꞌesbeyex sok te tut palso ya yakꞌik ta nopele. Pero namey chapal skꞌoplalik te ya xbajtik ta chꞌayel. Ni ma xjuꞌ ya skoltay sbaikix teꞌae.

1 Juan 2:26

Jaꞌ a jtsꞌibabeyex te tutꞌil ay skꞌoplal te machꞌatik snopoj te ya sloꞌlayexe.

1 Juan 4:1

Kermanotak te kꞌuxex ta koꞌtane, ma me achꞌuunik ta spisil te machꞌatik ya yalik te yikꞌojik te Espíritu yuꞌun te Diose. Aꞌiya awaꞌiyik nailuk teme jaꞌ te Espíritu yuꞌun Dios te ay ta stojolike o ma jaꞌuk. Porke nojel te balmilale te jloꞌlawanejetik te ya yalik te jaꞌ ta skuenta Dios te tut ya yalike.

Judas 1:18

Jich la yaltalanbeyex jilel: “Ta slajibal kꞌaal ay me gente ya xlaj iktiwan, te jich aylan sok te tut ma lekuk ya skꞌan yoꞌtanike”, te xchie.

Judas 1:4

Yuꞌun ay mukul la yochintayex jtul cheb genteetik te ya sloꞌlayexe. Jaꞌ te machꞌatik namey ay jilel skꞌoplal ta Sjun Dios yuꞌun te chꞌayel ya xlaj bajte. Jaꞌ genteetik te ma lekikuke. Syanutesejik te tutꞌil ay slekil yoꞌtan te Kajwaltik Dios, yuꞌun ya yalik te jich ay ta pasel spisil te tut ma tsaꞌamuke. Sok ma xyakꞌik ta jkuenta te úniko Ajwalil kuꞌuntik, ja te Kajwaltik Jesucristoe.

Apocalipsis 13:14

Y ta skuenta te tutꞌil ay señaetike te jich ya xꞌaꞌbot spas ta stojol te primero chanbalam te xiꞌbentik sbae, la sloꞌlay te machꞌatik aylan ta balmilale. Sok la spastalan ta mantal te ya spasbeyik jun slokꞌol te chanbalam te xiꞌbentik sbae te la yichꞌ ejchꞌentesel ta puñal te ma ba cham yuꞌune.

Apocalipsis 2:13

“Te joꞌone jnaꞌoj te teꞌ anat te ba ay snaktajib te pukuje. Pero sigueuk me junuk awoꞌtan ta jkuenta. Ma jilesejuk te tutꞌi achꞌuuneje, ni jaꞌuk te tut kꞌaalil yuꞌun te jꞌAntipas te jun yoꞌtan a yalbon jkꞌoplal, te la smilik te ba mukꞌul jtejklum te ba ay te Satanase.

Apocalipsis 2:9

“Joꞌon jnaꞌoj te awokol sok te ameꞌbaale. Pero te jaꞌate jkꞌulejat. Y jnaꞌoj te ma lekuk akꞌoplal ya yalbelat yuꞌun te machꞌatik ya yalik te juriyoike pero ma jaꞌuklan. Jaꞌik jtijkꞌ yuꞌun Satanas.

Apocalipsis 3:8

“Kiloj spisil te tut ya apase. Ila awil, kakꞌoj ta atojol jun puerta te jeꞌele, te maꞌyuk machꞌa ya xjuꞌ ya stsꞌuse. Y aunke maꞌyuk lek apuersa, awakꞌoj ta jkuenta te jkꞌope y maꞌ mukojukon ta awoꞌtan.

Apocalipsis 5:9

Y la skꞌayojinik te achꞌ kꞌayoj to: “Jaꞌat atukel te ya xjuꞌ awuꞌun yichꞌel te balbil june y ta xchꞌiꞌel te seyoetik yichꞌoje. Yuꞌun la awichꞌ milel, y la amal achꞌichꞌel yuꞌun la aman ta stojol Dios genteetik ta spisil ta jkaj stsꞌumbal, te skajal skaj skꞌop sok jtejklum sok nasion.

Apocalipsis 6:10

Tulan ya yalik: “Chꞌul Kajwaltik, y te ben jun awoꞌtane, ¿tut to ora ya awichꞌ jkuenta te machꞌatik ay ta balmilal te la smilotike, y te ya awaꞌbe stoje?” xchiik.