2 Pedro 1:8 - Nuevo Testamento Tzeltal de Amatenango

⁸ Porke teme ayix awuꞌunik te tutik to, sok teme yipal ta bayalajel ta awoꞌtanike, ma jowiluk nax ya xkꞌot te akuxlejale, sok ma lomuk nax te ya anaꞌbeyik sba te Kajwaltik Jesucristoe.

Bible in Tzeltal Bachajón

⁸ Teme awich'ojic ini soc teme yaquic ta p'ohlel ta awo'tanic, ya yaq'uic te ay bintic ya xhu' awu'unic spasel soc te ya sitinex, te bin ut'il yac ana'beyic sba te Cajwaltic Jesucristo.

Bible in Tzeltal de Oxchuc y Tenejapa

⁸ Melel teme ayix awu'unic spisil in to, soc teme yaquix ta esmajel ta awo'tanique, jich ma tojoluc te cuxulex ta q'uinale, soc jich ma tojoluc te la ana'beyiquix sba te Cajwaltic Jesucristoe.

2 Pedro 1:8 ပူးပေါင်းရင်းမြစ်များ

San Mateo 13:22

Te tsꞌunubil te kꞌot ta yolil chꞌixetik pajal kꞌoem sok te machꞌatik ya yaꞌiyik te skꞌop Diose, pero te tutik skuenta balmilal jaꞌ ya smak sbaik a. Te slekil te kꞌulejalile jaꞌ ya xloꞌlaylanot yuꞌun. Spisil to ya xkꞌot ta skuentaik ya smuk te skꞌop Diose, jich ma xyakꞌ sitinuk.

San Mateo 20:3

“Las noeve patajel a lokꞌ xan bael y la yil tekꞌatik ta parke te yan winketike te maꞌyuk staoj yaꞌtelike.

San Mateo 20:6

Ta las sinko mal kꞌaal a lokꞌ xan bael ta parke y kꞌo sta xan yan te ma to staojuk yaꞌtelike. La sjojkꞌobe: “¿Tuꞌun te liꞌiyex spꞌejel kꞌaale te makꞌ xꞌaꞌtejexe?” xyut.

San Mateo 25:26

“La sjakꞌ te yajwale: “Ma lekil jꞌaꞌtelukat, lom chꞌajat. Te jichuk ya anaꞌ te joꞌon ya jkꞌaj te ba ma joꞌukon jtsꞌunoje sok te jaꞌ ya jtsob te ba ma joꞌukon kawoje,

San Juan 15:2

Ya slokꞌes spisil te skꞌab yakꞌil te ma xyakꞌ site. Te skꞌab yakꞌil te ya yakꞌ site ya septalan y ya sjojchotes yuꞌun ya sitin lek a.

San Juan 17:3

Jaꞌ ya xkuxuyinik sbajtel kꞌinal yuꞌun te ya snaꞌbeyat aba, te úniko jaꞌat batsꞌi Diosate, sok te ya snaꞌbikon jba euk, joꞌon te Jesucristoon te la atikonon tale.

San Juan 5:42

Sok ya jnaꞌ tutꞌ ay te awoꞌtanike sok jnaꞌoj te ma akꞌanojikuk te Diose.

Romanos 12:11

Pasaik me puersa. Ma me chꞌajubanik. Akꞌa abaik ta mantaltesel yuꞌun te Kajwaltike sok spꞌejel awoꞌtanik.

1 Corintios 15:58

Jich yuꞌun, kermanotak, te ben kꞌuxex ta koꞌtane, sigue junuk awoꞌtanik y ma me xtal-xbajtuk awoꞌtanik. Aꞌtejanik sil tiempo ta mas y ta mas ta yaꞌtel te Kajwaltike. Porke te jaꞌexe ya anaꞌik te ma jowilik te aꞌtel ya apasik te jun nax sok te Kajwaltike.

2 Corintios 13:5

Aꞌiya me abaik jaꞌex mismo, yuꞌun jich me ya xchiknaj a teme batsꞌi ay te xchꞌuunel awoꞌtanike. Pasa abaik ta prewa. ¿Me ma anaꞌojikuk te ayix ta awoꞌtanik te Jesucristoe?, teme ma lomuk nax awaloj te achꞌuunejike.

2 Corintios 8:2

Aunke lom bayal swokolik yuꞌun ilel yoꞌtanik, pero kaꞌxikix a ben junix yoꞌtanik. Y manchuk me ben meꞌbaꞌik. Pero bayal a stsobik te koltayele, jich kꞌoem te lom jkꞌulejike.

2 Corintios 8:7

Yuꞌun te jaꞌexe te tutꞌil spisil yipalix ta juꞌel awuꞌunike: Ayix xchꞌuunel awoꞌtanik, sok ben lek ya anaꞌik xkꞌopojexe, sok pꞌijubenexixe, sok ben jun awoꞌtanik ya awakꞌ abaik ta abatinel, y sok te ben bayal kꞌuxotik ta awoꞌtanike. Jich mismo ya skꞌan te kꞌax jich ya xjuꞌix awuꞌunik te yaꞌtelul te kꞌuxutawaneje.

2 Corintios 9:14

Jich ya me skꞌoponbeyex Dios te jaꞌexe, te lom kꞌux ya yaꞌiyex ta yoꞌtanike, te tutꞌil bayal slekil yoꞌtan Dios te la yakꞌix ta ilel ta akuentaik te jaꞌexe.

Filipenses 1:9

Ya jkꞌan ta skꞌoponel Dios te yakuk xjul ta mas te skꞌuxul awoꞌtanike, sok bayal pꞌijilil, y sok spisil rasonil.

Filipenses 2:5

Te jaꞌexe junuk nax mismo te tut ya anopike te tutꞌil ay yuꞌun te Cristoe Jesuse:

Filipenses 3:8

Sok jich maꞌyukix stuunel ta koꞌtan spisil. Jaꞌ nax ben tsaꞌam stukel ta ya jnaꞌbey sba te Kajwal Cristo Jesuse. Ta skuenta te Cristoe la jchꞌayix jilel spisil. Y ta spisil jich ya jkuyix ta kꞌaꞌpal, yuꞌun jich me ay stuunel kuꞌun te Cristoe,

Colosenses 1:10

Jich ya xjuꞌ awuꞌunik te toj ya xꞌanex jich tutꞌil ya skꞌan spasik te machꞌatik yuꞌun te Kajwaltike, sok jich ya xjuꞌ awuꞌunik spasel ta sil tiempo te tut lek ya yil stukele. Jich me ya apasik spisil ta skajal skaj te lekil aꞌtele, y jich me ya anaꞌbeyik sba ta lek a te Diose.

Colosenses 2:7

Tsꞌunulukex me lek ta skuenta stukel, jmel nax junuk awoꞌtanik yuꞌun ta skuenta te xchꞌuunel awoꞌtanik, jich tutꞌil te la awichꞌik nojpesele. Y sil tiempo albeyaik kola yal Dios.

Colosenses 3:16

Siluk tiempo ayuk ta awoꞌtanik te skꞌoplal te Cristoe. Sok spꞌijil awoꞌtanik tsitsa abaik y aꞌbeya abaik spuersa awoꞌtanik ta juju-tul. Sok awoꞌtanik kꞌayojinaik te Diose ta salmoetik sok kꞌayojetik sok yanetik kꞌayoj ta skuenta Espíritu.

1 Tesalonicenses 3:12

Y te Kajwaltike jaꞌ ya skꞌoltayex te bayal to xan kꞌux ya awaꞌiy abaik sok te ay skꞌuxul awoꞌtanik yuꞌun te yanetik ekꞌae. Jich tutꞌil joꞌotik te kꞌux ya kaꞌiytikex.

1 Tesalonicenses 4:1

Te ora to, kermanotak, awokolikuk ya kalbetikex ta skuenta te Kajwaltike, jich me ya apasik xan tutꞌil te yipalexix ta spasele. Ja te tutꞌil joꞌotik a jnopestikex te jich ya apasike, skuenta yuꞌun lek ya yilex a te Diose.

2 Tesalonicenses 1:3

Kermanotak, sil tiempo ya skꞌan kalbetik kola yal Dios yuꞌun te jaꞌexe. Jaꞌ lek te jich ya jpastike porke te xchꞌuunel awoꞌtanike yipal ta mukꞌubel, y te xkꞌuxul awoꞌtanik te ay awuꞌunik ta juju-tule yipal ta mukꞌubel ta stojol te yanetike.

1 Timoteo 5:13

Y ya xlijk snop beral ta nantik, y ya xkꞌay ta chꞌajilal. Y ma jaꞌuk nax te lom chꞌaje, sino ke ya xlijk yal te tut ma tojuke, y tutikuk nax ya xchꞌik sba a, y ya yaltalan te tutik ma lekuke.

Tito 3:14

Te machꞌatik joy jbajtik soke ya skꞌan ya snopik euk ta spasel te tut leke, sok ya me skoltay te machꞌa maꞌyuk tut ay yuꞌune, yuꞌun lek me ya xtuun te xkuxlejalike.

Filemón 1:6

Yuꞌun te jun kꞌoemotik ta skuenta te xchꞌuunel koꞌtantike, ya kalbe kola yal Dios te ya xkꞌo jnaꞌtik xan lek ta spisil te bendisionetik te ay kuꞌuntik ta skuenta te Cristo Jesuse.

Hebreos 6:12

Ma jkꞌantik te ya xchꞌajubexe. Jaꞌ ya jkꞌantik te ya atsꞌakliyik te machꞌatik jun yoꞌtanik ta xchꞌuunel te Diose, y te jun yoꞌtan ya smaliyik te tut ya xꞌaꞌbot yuꞌun Dios te sjapoj jilele.

2 Pedro 1:2

Ichꞌbeyaik te lom bayal slekil y te bujtsꞌan kꞌinal ta skuenta te la anaꞌojbeyikix sba te Diose y sok te Jesus te Kajwaltike.

2 Pedro 1:3

Ta skuenta spoder te Diose la yaꞌbotikix spisil te tut puersa yuꞌun te jkꞌuxlejaltike y sok te tutꞌil ya xjunaj koꞌtantike. La yaꞌbotikix jnaꞌtik te Machꞌa la yikꞌotikixe, te lom mukꞌ stukele y sok te yaꞌtel te lom kꞌax tsaꞌame.

2 Pedro 2:20

Yuꞌun te machꞌatik la snaꞌbeyix sba te Kajwaltik Jesucristo te jKoltawanej kuꞌuntike, y kolikix tal lokꞌel te ba ay te tut ma lekuk ta skuenta te balmilale, y teme la yakꞌ sbaik xan ta tsalel yuꞌun te tutik a jilix yuꞌun te nail toe, y teme ya stsalot xan yuꞌune, mas pewor ya sujt ke te nail toe.

2 Pedro 3:18

Pero naꞌbeyaik sba lek te Kajwaltik Jesucristo te jKoltawanej kuꞌuntike. Y mukꞌubanik xan sok te slekil yoꞌtane. Ben tsaꞌam slekil stukel te ora to y sok ta sbajtel kꞌinal. Jichuk.