2 Pedro 1:5 - Nuevo Testamento Tzeltal de Amatenango

⁵ Jaꞌ yuꞌun ya skꞌan ya awakꞌik puersa te ayuk bayal xchꞌuunel awoꞌtanik sok te lekuk spisil te tut ya apasike, sok te yakuk anaꞌik kꞌinal ta leke,

Bible in Tzeltal Bachajón

⁵ Ha yu'un ac'ahic fuersa te ya snuhp'in sba soc te sch'uhunel awo'tanic soc te lec atalelic; teme lequix te atalelic, ya sc'an te ay bintic yac ana'ic;

Bible in Tzeltal de Oxchuc y Tenejapa

⁵ Jich yu'un, ya sc'an te ya awaq'uic puersa te ya x'esmaj xch'uunjel te awo'tanique. Soc lecuc me spisil te bila ya apasique. Soc na'aic xan lec te q'uinale.

2 Pedro 1:5 ပူးပေါင်းရင်းမြစ်များ

San Lucas 16:26

Tutꞌ kꞌan juꞌuk. Yuꞌun ay jun mam chꞌen ta koliltik xatꞌbil liꞌ ba ayotike sok te ba ayexe. Manchuk me ay machꞌa liꞌiye te yoꞌtanuk ya xkꞌax bael teye, ma xjuꞌ yuꞌunik. Jich teme ay machꞌatik yoꞌtanuk ya xkꞌaxik tal liye, ma spas xkꞌax tal”, xchi te jꞌAbrahame.

San Lucas 24:21

Te joꞌotike la jkuytik te jaꞌ ya yaꞌbotik ta libre te jlumaltik Israele. Pero ayix yoxebal kꞌaal te jicha akꞌot ta milele.

San Juan 6:27

Ma me jaꞌuk xꞌawaꞌtelinik sleel te aweꞌelik te ya xlaje. Jaꞌ me xꞌawaꞌtelinik sleel te aweꞌelik te ya xkuxuyinex yuꞌun sbajtel kꞌinale. Jaꞌ to jaꞌ weꞌelil te ya yaꞌbeyex te Nichꞌanile, porke te Dios Tatile la yakꞌ chiknajuk te lek yoꞌtan yuꞌune —xchi te Jesuse.

1 Corintios 14:20

Kermanotak, ma me jichukex te tutꞌil ay te untike. Jachikukex me te tutꞌil untik te ma to ayuk ya spas te tut ma tsaꞌamuke. Pero jichukex me te tutꞌil mukꞌul gente te ayix srasone.

Efesios 5:17

Jaꞌ yuꞌun, ma me yuꞌunuk ma pꞌijukex. Nopaik me te tut skꞌan yoꞌtan te Kajwaltike.

Filipenses 1:9

Ya jkꞌan ta skꞌoponel Dios te yakuk xjul ta mas te skꞌuxul awoꞌtanike, sok bayal pꞌijilil, y sok spisil rasonil.

Filipenses 2:12

Jaꞌ yuꞌun, kermanotak te ben kꞌuxex ta koꞌtane, jich tutꞌil la achꞌuunbikon jmantal sil tiempo te kꞌalal joyinejex to aye, te ora to, aunke lom jakal ayon, jich me mas ya skꞌan ya achꞌuunbikon te jmantale. Oꞌtaninaik me te akolelike, xiꞌaik me, nijkꞌuk me te awoꞌtanike.

Filipenses 4:8

Ta slajibal kermanotak, jaꞌ xꞌanopik spisil te tut batsꞌi jiche, sok ta spisil te tut tsaꞌam ta alele: jaꞌ bi jaꞌ spisil te tut toje, ta spisil te tut leke, ta spisil te tut lek skꞌoplale, sok ta spisil te tut lek ta nopele. Nopaik ta spisil te tut ben leke y sok te tut ben tsaꞌame.

Colosenses 1:9

Ja yuꞌun te joꞌotike, jaꞌ to kꞌalal la kaꞌiytik te akꞌoplale, maꞌyuk ya jkom jbajtik ta skꞌoponel Dios ta akuentaik. Ya jkꞌanbeytik Dios te ya yaꞌbeyex anaꞌik te tut ya skꞌan yoꞌtane, sok te ya yaꞌbeyex spisil ta jkaj pꞌijilil y ta snaꞌel te tut skuenta te Espiritue.

Colosenses 2:3

Yuꞌun stukel smakoj ta spisil te slekil skꞌulejal te pꞌijilile y te tut ya yakꞌ ta naꞌele.

Hebreos 11:6

Pero ma lekuk ya xꞌilot yuꞌun Dios te machꞌa maꞌyuk xchꞌuunel yoꞌtane. Porke te tutꞌil ya xtijilajotik ta stojol te Diose, ya skꞌan te ya jchꞌuuntik te ay te Diose, sok te ya yaꞌbe smajtan te machꞌatik ya sleik te Diose.

Hebreos 12:15

Oꞌtaninaik te ma me machꞌa ma staik te lekilal yuꞌun te Diose. Ma me ayuk machꞌa jich kꞌoem te tutꞌil jwol wamal te ay yisim te ma lekuk te ya yixlan te gentee.

Hebreos 6:11

Pero jaꞌ ya jkꞌantik te ta juju-tulex te sigue ya awakꞌik ta ilel te jun awoꞌtanike jaꞌ to ta slajibal kꞌaal, yuꞌun tsꞌakal me ya ataik te tut yipalex ta smaliyele.

1 Pedro 3:7

Jich euk te jaꞌexe, mamlaliletik, naꞌaik me tutꞌ kuxulex sok te awinamike. Akꞌaik me ta jkuenta te tutꞌil ya skꞌane. Naꞌaik me te antse chꞌin nax me staelik. Sok naꞌaik me euk te ta skuenta slekil yoꞌtan te Diose te jich altalanbil jilel euk te jich ya xꞌaꞌbot xkuxlejal te antstik jich mismo tutꞌil jaꞌexe. Jich me xꞌapasik yuꞌun ma me ayuk tut ya smakex a te ya akꞌoponik te Diose.

2 Pedro 1:10

Jaꞌ yuꞌun, kermanotak, te ikꞌbilex yuꞌun te Diose sok te tsabilex yuꞌune, oꞌtaninaik spasel spisil to. Yuꞌun teme jich ya apasulanike, ma xyalex ta mulil.

2 Pedro 1:11

Jich me jamal ya sjeꞌbelex te puertaetik te ba ay ta ajwalil sbajtel kꞌinal te Kajwaltik Jesucristo, te jKoltawanej kuꞌuntike.

2 Pedro 3:14

Jaꞌ yuꞌun, kermanotak, te kꞌuxex ta koꞌtane, te yipalex to ta smaliyel te tutik to, pasaik spisil te ya xjuꞌ awuꞌunik yuꞌun jun me awoꞌtanik ya xjul staex a te Diose. Ma me ijkꞌubenukex ni ma me ayuk amulik.

2 Pedro 3:18

Pero naꞌbeyaik sba lek te Kajwaltik Jesucristo te jKoltawanej kuꞌuntike. Y mukꞌubanik xan sok te slekil yoꞌtane. Ben tsaꞌam slekil stukel te ora to y sok ta sbajtel kꞌinal. Jichuk.