2 Pedro 1:4 - Nuevo Testamento Tzeltal de Amatenango

⁴ Ta skuenta te tutik to, la yalbotik te tut ya yaꞌbotik ta patile, te kꞌax lom tsaꞌam y lom mukꞌe. Yuꞌun jich pajal kileltik ya xkꞌootik sok te tutꞌil ay te Diose, sok te libre ya xjilotik yuꞌun spisil te tutik ma lekuk te kꞌayemik ta spasel liꞌ ba balmilale.

Bible in Tzeltal Bachajón

⁴ Ha nix ta scuentahic ini te ay bintic yalbeyejotic te Dios te c'ax t'ujbil soc te muc' sc'oblal, scuenta yu'un ta scuenta bintic yaloj, yac awich'beyic stalel te Dios soc ya x'ahnex loq'uel ta stojol te bin ya xjinawan te ay ta bahlumilal ta scaj chijil-o'tanil.

Bible in Tzeltal de Oxchuc y Tenejapa

⁴ Ta swenta in to, jelawen yutsil ta c'axem to xan te bila yalojbotic te ya yac'botic ta patile. Swenta yu'un pajal quileltic ya xc'ootic soc te bit'il ay te Diose, soc te libre ya xjilotic yu'un spisil sbolil te bila mulanbil ta pasel ta balumilale.

2 Pedro 1:4 ပူးပေါင်းရင်းမြစ်များ

Romanos 9:4

Jaꞌ stsꞌumbalik te Israele, y Dios la yikꞌtalan jich tutꞌil xnichꞌnab. Dios ay ta yolilik sok stsaꞌamul slekilal, y la yakꞌtalanbe te trateetike sok te mantaliletik yuꞌun te jMoisese. Sok la yalbe te tutꞌil ya skꞌan ya yichꞌ chꞌuunel te Diose sok te tutꞌil ya yichꞌik koltayel yuꞌune.

2 Corintios 1:20

yuꞌun stukel ya skꞌoes ta spasel spisil te tutik yaloj te Diose. Jaꞌ yuꞌun te kꞌalal ya kalbetik slekil te Diose, ya kaltik “Jichuk” ta skuenta te Cristo Jesuse.

2 Corintios 3:18

Jaꞌ yuꞌun, jpisiltik joꞌotik maꞌyukix pakꞌ te ya smakbotik jsit-kelawtike. Jachikotik xanix tutꞌil jun espejo te xlemet yuꞌun stsaꞌamul te Kajwaltike. Y yipalotik ta yanejel jich mismo tutꞌ steklejal te kichꞌojbetik mas te slekilale. Yuꞌun jich yaꞌtel te Kajwaltike, te Espíritu stukele.

2 Corintios 6:17

Jaꞌ yuꞌun jich a yal euk te Kajwaltike: “Lokꞌanik tal te ba yolilike y parte xꞌawakꞌ abaik. Ma me atsakik te tut ya xꞌixlanwane. Jich me joꞌon ya kikꞌex.

Gálatas 3:16

Jaꞌ nax jich, Dios la sjapbey ta skuenta jꞌAbraham y sok te stsꞌumbale. Te Sjun Diose ma jaꞌuk ya yalbe: “spisil te atsꞌumbale”. Jaꞌ ya yal: “te atsꞌumbale”, y “te atsꞌumbale”, te xchie, jaꞌ te Cristoe.

Gálatas 6:8

Te machꞌa ya stsꞌun sok sbujts yoꞌtan te tut ma tsaꞌamuk ya skꞌan te stiꞌbalule, ja skosecha te lajele. Te machꞌa ya stsꞌun sok sbujtsꞌ yoꞌtan ta skuenta Espiritue, ta skuenta Espíritu jaꞌ skosecha te kuxlejal sbajtel kꞌinale.

Efesios 4:13

Jaꞌ to te jpisiltik te jun nax ya xkꞌootik ta skuenta te xchꞌuunel-oꞌtanile y te pajal ya jnaꞌbeytik sba te Xnichꞌan Diose. Yuꞌun jich ya jtajtik a te ya xmukꞌubotike te yan yan ya jta bael kiptik jaꞌ to teme la jtabetik smukꞌul te Cristoe.

Colosenses 3:10

Y awichꞌojikix te achꞌ kuxlejal, te yanyan ta achꞌubel jaꞌ to teme pajal a kꞌoex sok te Diose te la spasex, yuꞌun jich ya xkꞌo anaꞌbeyik sba ta lek.

Hebreos 12:10

Te jtatik liꞌ ba balmilale ya stojutesotik te jayeb kꞌaal te jkuxlejaltik te ma jaluke, chikan te tutꞌil ya skꞌan yoꞌtanik ya yakꞌike. Pero te Diose ya stojutesotik yuꞌun ya slekutesotik sok yuꞌun pajal lek ya xkꞌootik jich tutꞌil lek yoꞌtan stukel.

Hebreos 9:15

Jaꞌ yuꞌun, te Jesucristoe jaꞌ tejkꞌanbil ta kꞌop yuꞌun te yachꞌil tratee, yuꞌun tal yakꞌ sba ta lajel yuꞌun la staik perdon yuꞌun smulik te machꞌatik mulawike te ayik ta skuenta te nail tratee. Y yuꞌun te machꞌatik ikꞌbilik yuꞌun te Diose ya me yichꞌ smajtanik sbajtel kꞌinal te stukel yaloj jilele.

Santiago 1:27

Te tut ay ta chꞌuunel te maꞌyuk tut kapal a sok maꞌyuk yijkꞌal ta sit te Dios Tatile, jaꞌ te machꞌa xba yil te meꞌbaetike y sok te meꞌba antstik te kꞌalal ayik ta wokole, y makꞌ yixlan sba a te tut ma lekuk te skuenta balmilale.

2 Pedro 1:1

Joꞌon Simon Pedroon, jꞌaꞌtelon y apostolon yuꞌun te Jesucristoe. Ya jtsꞌibabeyex te karta to ta akuentaik, te pajal ay ta jkuentaik xchꞌuunel te tut ben tsaꞌame, porke toj yoꞌtan stukel te Diose y sok te jKoltawanej Jesucristoe.

2 Pedro 3:13

Pero te joꞌotike ya jmalitik te yachꞌil chꞌulchan sok te yachꞌil balmilal te Dios yaloj te ya spase, te maꞌyukix mulil teꞌ ae.

2 Pedro 3:9

Ma yuꞌunuk yokelaluk ya yakꞌ kꞌouk ta pasel te Kajwaltik te tut yaloje, jich tutꞌil te ay machꞌatik jich skuyojike, sino ke jun yoꞌtan ya smaliyex te jaꞌexe. Yuꞌun ma skꞌan teme ay machꞌa chꞌayel ya xbajte, sino ke jaꞌ ya skꞌan te spisil ya sujtes yoꞌtanik ta stojol Diose.

1 Juan 2:25

Jaꞌ to jaꞌ yalojbotikix te Jesucristoe te ya yakꞌ te kuxlejal sbajtel kꞌinale.

1 Juan 3:2

Kermanotak te kꞌuxex ta koꞌtane, yal-xnichꞌanotikix te Diose. Aunke ma to jnaꞌtik te tut kileltik ta patile, jnaꞌojtik te kꞌalal ya xchiknaj tal te Jesucristoe, pajal ya xkꞌootik jachik tutꞌil stukele, porke ya me kiltik ta steklejal te tut yilele.