2 Pedro 1:3 - Nuevo Testamento Tzeltal de Amatenango

³ Ta skuenta spoder te Diose la yaꞌbotikix spisil te tut puersa yuꞌun te jkꞌuxlejaltike y sok te tutꞌil ya xjunaj koꞌtantike. La yaꞌbotikix jnaꞌtik te Machꞌa la yikꞌotikixe, te lom mukꞌ stukele y sok te yaꞌtel te lom kꞌax tsaꞌame.

Bible in Tzeltal Bachajón

³ Ta scuenta yu'el te Dios la ya'botic spisil te bintic ya xtuhun cu'untic ta jcuxlejaltic soc ta sch'uhunel Dios, ta scuenta te ya jna'betic sba te Mach'a la yic'otic ta scuenta te yutsilal soc t'ujbil ya'tel.

Bible in Tzeltal de Oxchuc y Tenejapa

³ Ta swenta yu'el te Diose, yac'ojbotiquix te bila ya xju' ya xcuxinotic yu'une soc te spisiluc ora ya jna'tic te Diose. La yac' jna'beytic sba te Mach'a la yic'otic ta stojol, ta swenta te smuc'ul yutsilal soc ta swenta te jchajp at'eliletic te la yac'botic quiltique.

2 Pedro 1:3 ပူးပေါင်းရင်းမြစ်များ

San Mateo 28:18

Te Jesuse tijilaj tal te ba ayike. Jicha yal: —Dios a yaꞌbonix ta jkuenta spisil te chꞌulchan sok te balmilale.

Romanos 8:32

Te Diose maꞌ spꞌajotik ni te batsꞌi Xnichꞌane, asta la yakꞌ entregal ta lajel ta joꞌotik ta jkajtik. Teme jich a yaꞌbotik ta majtanil te Xnichꞌane, ¿me makꞌ ya yaꞌbotik spisil te tut ya jkꞌantike?

Romanos 9:24

Jich te Diose la yikꞌotik, ma jaꞌuk nax te juriyoetike, jich euk te machꞌa ma juriyouke.

1 Corintios 1:9

Te tut yaloj te Diose puersa ya skꞌoes ta pasel. Y jaꞌ te machꞌa la yikꞌexe te jun nax ya xkuxuyinex sok te Xnichꞌane, jaꞌ te Jesucristo te Kajwaltike.

2 Corintios 12:9

Pero te Kajwaltike la yalbon: “Teyatix a te slekil koꞌtan awuꞌune, porke te jpodere jich ya xchiknaj ta lek a te maꞌyuk tut ya xjuꞌ awuꞌun ta atukele”, xyuton. Jich yuꞌun ben jun koꞌtan te maꞌyuk tut ya xjuꞌ kuꞌune, yuꞌun jich me ya xchiknaj ta jkuenta a te spoder Cristoe.

Efesios 4:1

Jaꞌ yuꞌun te joꞌone te ayon ta prexo ta skaj te Kajwaltike, ya kalbeyex awokolikuk te lekuk ya xꞌanex, jich tutꞌil ya skꞌan ya spasik te machꞌatik ikꞌbilix yuꞌun te Diose, jich tutꞌil te jaꞌexe.

Efesios 4:4

Jun nax atiꞌbalulik y jun nax te Espíritu awikꞌojike, jich tutꞌil te Dios te la yikꞌex te jun nax te tut ya amaliyike.

Filipenses 3:8

Sok jich maꞌyukix stuunel ta koꞌtan spisil. Jaꞌ nax ben tsaꞌam stukel ta ya jnaꞌbey sba te Kajwal Cristo Jesuse. Ta skuenta te Cristoe la jchꞌayix jilel spisil. Y ta spisil jich ya jkuyix ta kꞌaꞌpal, yuꞌun jich me ay stuunel kuꞌun te Cristoe,

Filipenses 4:8

Ta slajibal kermanotak, jaꞌ xꞌanopik spisil te tut batsꞌi jiche, sok ta spisil te tut tsaꞌam ta alele: jaꞌ bi jaꞌ spisil te tut toje, ta spisil te tut leke, ta spisil te tut lek skꞌoplale, sok ta spisil te tut lek ta nopele. Nopaik ta spisil te tut ben leke y sok te tut ben tsaꞌame.

Colosenses 1:16

Ta skuenta stukel, Dios a spas spisil te tutik ay ta chꞌulchane y sok te ay ta balmilale, te tutik chikan ta ilele, sok te tut ma chikanuk ta ilele, jich tutꞌil te tut kuxajtik te ma chikanuk ta ilel te ya xmantalaj sok te ay yaꞌtel sok te ay spoder. Spisil la yichꞌ pasel ta skuenta te Xnichꞌane sok spisil ay ta skuenta stukel.

1 Tesalonicenses 2:12

La kalbetikex te jich me xꞌapasik te tutꞌil ya skꞌan ya spas te machꞌatik yuꞌun te Diose, te la yikꞌex skuenta yuꞌun ya xkꞌoex ta ba ay ta ajwalinel y sok te ba ay te slekilale.

1 Tesalonicenses 4:7

Yuꞌun ma jaꞌuk a yikꞌotik Dios yuꞌun ya jpastik te tut ma tsaꞌamuke. Jaꞌ ya skꞌan te ben tsaꞌam ya xꞌanotik ta skuentae.

2 Tesalonicenses 2:14

Jaꞌ yuꞌun to, Dios la yikꞌex ta skuenta te skꞌoplal kolel te joꞌotik a kaltike. Yuꞌun jich me ya xkꞌo awichꞌik te slekilal te Kajwaltik Jesucristoe.

1 Timoteo 4:8

Ya xtuun chꞌinuk te ya jkꞌayestik te jtiꞌbalultike; yan te ya jkꞌayes jbajtik ta xchꞌuunel Diose, jaꞌ bayal ya xtuun yuꞌun stukel, porke ay me tut ya jtajtik a yuꞌun te jkuxlejaltik to y sok yuꞌun te jkuxlejaltik ta patile.

2 Timoteo 1:9

Dios a skoltayotik y la yikꞌotik te ya xlekub te jkuxlejaltike. Ma yuꞌunuk ta skuenta kaꞌteltik, sino ke jaꞌ te tut snopoj ta yoꞌtane. Ta skuenta te Cristo Jesuse, te Dios a xkꞌuxutayotik te kꞌalal ma to xchiknaj a te balmilale.

Hebreos 1:3

Stukel yichꞌojbey stsaꞌamul slekil te Diose, sok jaꞌ mismo ya yakꞌ ta naꞌel tut yilel te Diose. Ta skuenta skꞌop te bayal spodere, jaꞌ te yipajtesej spisil te tutik aye. Ta patil te la spokotik yuꞌun te jmultike, la snajkan sba ta chꞌulchan ta sbatsꞌil te ba nakal te Diose.

1 Pedro 1:15

Jachik ya skꞌanex te tutꞌil lek sok toj ya xꞌainexe. Porke te Dios te la yikꞌexe, lek ay y toj stukel.

1 Pedro 1:5

Ta skuenta te achꞌuunejik te Diose, ya me skanantayex ta spoder, yuꞌun jich me ya ataik a te kolel te chapal yuꞌune, te ya xba yakꞌ ta ilel ta slajibal kꞌaale.

1 Pedro 2:21

Yuꞌun jaꞌ la yikꞌex Dios yuꞌun te ya xkꞌax awokolike. Porke te kꞌalal Cristo kꞌax swokol ta akuentaik, la yaꞌbeyex awilik yuꞌun jich me ya atamik bael a.

1 Pedro 2:9

Pero te jaꞌexe tsabilex yuꞌun Dios sok te atsꞌumbalike. Saserdoteex te ayex ta abatinel yuꞌun te Reye. Te jaꞌexe jun lekil nasion, jun jtejklum te yuꞌunex te Diose. Y te jich ay to, yuꞌun ya awalbeyik te tut spasoj Dios te lom tsaꞌame, te la yikꞌex tal lokꞌel ta ijkꞌal kꞌinal yuꞌun ya xꞌochex bael te ba sakil kꞌinal yuꞌun te lom tsaꞌame.

1 Pedro 3:9

Ma me apakbeyik te tut ma lekuk ya spasbeyexe, sok ma me xꞌawutik te machꞌa ya yutexe. Jaꞌ lek kꞌanbeyaik bendision. Yuꞌun anaꞌojik te la yikꞌex Dios yuꞌun ya awichꞌik bendision euk te jaꞌexe.

1 Pedro 5:10

Pero ta patil te ay awokolik cheꞌoxeb nax kꞌaale te jaꞌexe, Dios me ya yakꞌ xjuꞌ awuꞌunik ta lek. Ya me sjunutesbeyex awoꞌtanik sok ya me yaꞌbeyex yip awoꞌtanik sok jun awoꞌtanik. Ben bayal slekil yoꞌtan te Diose te la yikꞌotik yuꞌun ya kichꞌtik te slekilal sbajtel kꞌinal, te jun nax ayotik sok te Jesucristoe.

2 Pedro 1:10

Jaꞌ yuꞌun, kermanotak, te ikꞌbilex yuꞌun te Diose sok te tsabilex yuꞌune, oꞌtaninaik spasel spisil to. Yuꞌun teme jich ya apasulanike, ma xyalex ta mulil.

2 Pedro 1:2

Ichꞌbeyaik te lom bayal slekil y te bujtsꞌan kꞌinal ta skuenta te la anaꞌojbeyikix sba te Diose y sok te Jesus te Kajwaltike.

2 Pedro 1:5

Jaꞌ yuꞌun ya skꞌan ya awakꞌik puersa te ayuk bayal xchꞌuunel awoꞌtanik sok te lekuk spisil te tut ya apasike, sok te yakuk anaꞌik kꞌinal ta leke,

2 Pedro 1:6

sok te yakuk anaꞌ tutꞌ ya akom abaike, sok te ya xkujch awuꞌunik, sok te junix awoꞌtanik ta stojol Dios,

2 Pedro 1:8

Porke teme ayix awuꞌunik te tutik to, sok teme yipal ta bayalajel ta awoꞌtanike, ma jowiluk nax ya xkꞌot te akuxlejale, sok ma lomuk nax te ya anaꞌbeyik sba te Kajwaltik Jesucristoe.

2 Pedro 2:20

Yuꞌun te machꞌatik la snaꞌbeyix sba te Kajwaltik Jesucristo te jKoltawanej kuꞌuntike, y kolikix tal lokꞌel te ba ay te tut ma lekuk ta skuenta te balmilale, y teme la yakꞌ sbaik xan ta tsalel yuꞌun te tutik a jilix yuꞌun te nail toe, y teme ya stsalot xan yuꞌune, mas pewor ya sujt ke te nail toe.

2 Pedro 3:18

Pero naꞌbeyaik sba lek te Kajwaltik Jesucristo te jKoltawanej kuꞌuntike. Y mukꞌubanik xan sok te slekil yoꞌtane. Ben tsaꞌam slekil stukel te ora to y sok ta sbajtel kꞌinal. Jichuk.