2 Juan 1:9 - Nuevo Testamento Tzeltal de Amatenango

⁹ Machꞌauk a te ya syanutes bael ta mas te nojpesel yuꞌun te Cristoe, maꞌyuk ta skuenta te Diose. Pero te machꞌa jmel nax a snop te nojpesel yuꞌun te Cristoe, ay ta skuenta te Tatile y jich euk te Nichꞌanile.

Bible in Tzeltal Bachajón

⁹ Mach'ayuc a te ya xhowiy, te ma ba ya x'ayin ta stojol te bintic ay ta nopel yu'un Cristo, ma ba ay ta yo'tan te Diose; yan te mach'a ya x'ayin ta stojol te bintic ay ta nopel yu'un Cristo, ay ta yo'tan te Tatil soc te Nich'anile.

Bible in Tzeltal de Oxchuc y Tenejapa

⁹ Te mach'a ya xjowej baele, soc teme ya yijq'uitay te nopjibal yu'un te Cristoe, yu'un nanix ma ba xch'uunej Dios abi. Yan te mach'a ma xyijq'uitay te nopjibal yu'un te Cristoe, ja' xch'uunej te Jtatic Diose soc uuc te Snich'ane.

2 Juan 1:9 ပူးပေါင်းရင်းမြစ်များ

San Mateo 11:27

Sok la yal xan: —Te jTate yakꞌojbon ta jkꞌab spisil te tutik aye. Maꞌyuk machꞌa ya snaꞌbon jba joꞌon te Nichꞌanilone, jaꞌ nax ya snaꞌbon jba te jTate. Sok maꞌyuk machꞌa ya snaꞌbe sba te jTate, joꞌon nax jtukel te ya jnaꞌbe sbae, sok euk te machꞌa jayeb ya kaꞌbe snaꞌbeyik sbae.

San Lucas 10:22

Y la yal xan: —Te Jtate la yaꞌbonix entregal ta jkꞌab spisil te tutik aye. Maꞌyuk machꞌa ya snaꞌbe sluwar te machꞌa a te Nichꞌanile; jaꞌ nax ya snaꞌbe sluwar te Jtate, Sok maꞌyuk machꞌa ya snaꞌbe sluwar te machꞌa ekꞌa te Jtate; jaꞌ nax stukel te Nichꞌanil te ya snaꞌbe sluware. Sok euk te jayeb machꞌa ya yaꞌbe snaꞌbe sbae —xchi te Jesuse.

San Juan 14:6

Te Jesuse la sjakꞌbe: —Joꞌon te beone, y joꞌon te tut batsꞌi jiche, y sok te kuxlejale. Maꞌyuk machꞌa ya xkꞌot ta stojol te jTat teme ma joꞌukon ta jkuentae.

San Juan 15:6

Te machꞌa ma jmeluk nax ya yakꞌ sba ta jtojole, ya me xchꞌojot lokꞌel ta jwera jich tutꞌil te skꞌab-kꞌab te ubae. Ya me xtakej te skꞌab-kꞌabe, y ya stsobot y ya yichꞌ chikꞌel ta kꞌajkꞌ.

San Juan 5:23

Yuꞌun me spisilik ya yakꞌik ta jkuenta a te Nichꞌanile, jich tutꞌil te aꞌbil ta jkuenta te Tatile. Te machꞌa ma xyakꞌ ta jkuenta te Nichꞌanile, jich ma xyakꞌ ta jkuenta a te Tatil te la stikon tale.

San Juan 8:31

Te Jesuse la yaltalanbe te juriyoetike te xchꞌuunejikixe: —Te jaꞌexe teme jun awoꞌtanik yuꞌun te jkꞌope, batsꞌi jich te jnopojelex kuꞌun abi.

Hechos 2:42

Spisilik aꞌ yoꞌtaninik snopel te tut ya snojpesot yuꞌun te apostoletike, y ben jun yoꞌtan a yaꞌi sbaik ta spisilik, y la stsob sbaik ta weꞌel sok ta skꞌoponel Dios.

Colosenses 3:16

Siluk tiempo ayuk ta awoꞌtanik te skꞌoplal te Cristoe. Sok spꞌijil awoꞌtanik tsitsa abaik y aꞌbeya abaik spuersa awoꞌtanik ta juju-tul. Sok awoꞌtanik kꞌayojinaik te Diose ta salmoetik sok kꞌayojetik sok yanetik kꞌayoj ta skuenta Espíritu.

Tito 2:10

Ma me yauk yelkꞌanik sino ke tsꞌakaluk me ya yakꞌik ta jkuenta, yuꞌun jich me ya yilik ta spisilik te ben tsaꞌam te nojpesel ta skuenta te Dios te jKoltawanej kuꞌuntike.

Hebreos 3:14

Porke yuꞌun te ya xjuꞌ te jun nax ya xkꞌootik sok te Cristoe, jaꞌ ya skꞌan te jun koꞌtantik kꞌalal ta slajibal kꞌaal jich tutꞌil te smukꞌul koꞌtantik ay kuꞌuntik ta slijkꞌibale.

Hebreos 6:1

Jich yuꞌun sigueukotik bael jaꞌ to te mukꞌul gente ya xkꞌootike. Ya skꞌan te ya xkꞌaxotik bael a te tut primero nojpesel yuꞌun te Cristoe. Ma me yauk xchaꞌsujtotik xan ta snopilanel te tutik ay ta slijkibale: jich tutꞌil te ya sujtes koꞌtantik te tut a jpastik te ya yakꞌotik bael ta lajele, o jich tutꞌil te ya skꞌan chꞌuunel te Diose,

1 Juan 1:3

Ya kalbetikex te tut kilojtik y kaꞌiyejtike, yuꞌun te jaꞌexe junuk nax me ya xkꞌootik, jachik tutꞌil jun nax ayotik sok te Dios Tatile y sok te Xnichꞌane, jaꞌ te Jesucristoe.

3 Juan 1:9

Joꞌon a jtsꞌibay jun karta ta stojol te jtijk hermanoetike te ba ayate, pero te Diotrefese maꞌ yakꞌ ta jkuenta te ay kichꞌoj kꞌatele, porke la skꞌupin te stukel ya xꞌakꞌot ta jkuentae.