2 Juan 1:6 - Nuevo Testamento Tzeltal de Amatenango

⁶ Ya xchiknaj te xkꞌuxul koꞌtantik teme ya jchꞌuuntik spasel te tut ya yal te mantaliletik yuꞌun te Diose. Y te mantaliletike, jachik tutꞌil te awaꞌiyejikix desde ta slijkibal to tale, jaꞌ te ya xchiknaj ta akuxlejalik te xkꞌuxul awoꞌtanike.

Bible in Tzeltal Bachajón

⁶ Ha c'uxul-o'tanil ini: ha te hich ya xbehenotic te bin ut'il yaloj te mandariletic yu'une. Ha te mandar ini: te yac awa'iyic c'uxultaywanej hich te bin ut'il awa'iyejic ta shahchibal.

Bible in Tzeltal de Oxchuc y Tenejapa

⁶ Te bit'il ay te xc'uxul co'tantique, ja' teme ya jch'uuntic spasel te bila la yalbotic ta mandal te Diose. Te smandal yalojbotique, ja' te bit'il ya sc'an te c'ux ya caiy jbatic ta jpisiltique. Jich te bit'il awaiyojic stojol ta xjajch'ibale.

2 Juan 1:6 ပူးပေါင်းရင်းမြစ်များ

San Juan 14:15

“Teme kꞌux ya awaꞌiyikone, ya achꞌuunik spisil te jmantale.

San Juan 14:21

Te machꞌa yichꞌojbon spisil te jmantale y teme ya xchꞌuune, te me ya xchiknaj a te batsꞌi jich te kꞌuxon ta yoꞌtane. Y te jTate ya xkꞌuxutay te machꞌa kꞌuxon ta yoꞌtane. Y te joꞌone ya me jkꞌuxutay euk, y ya me kakꞌ snaꞌbon jba —xchi te Jesuse.

San Juan 14:23

Te Jesuse la sjakꞌbe: —Te machꞌa kꞌuxon ta yoꞌtane, ya yakꞌ ta jkuenta te jkꞌope, y kꞌux ya xꞌaꞌiyot yuꞌun te jTate. Y te jTate sok te joꞌone yax tal joyintik.

San Juan 15:10

Teme ya achꞌuunik spisil te jmantale, jmel nax me ayex a te ba slekil koꞌtane. Jich tutꞌil te jchꞌuunejbe spisil smantal te jTate, y jich jmel nax ayon a te ba slekil yoꞌtane.

San Juan 15:14

Te jaꞌexe kamigoex, teme jaꞌ ya apasik te tut ya kalbeyex ta jmantale.

1 Juan 2:24

Jaꞌ yuꞌun, te jaꞌexe kꞌeja ta awoꞌtanik te skꞌoplal la awaꞌiyik desde ta slijkibal to tale. Teme ayix jilel ta awoꞌtanik te tut la awaꞌiyik desde ta slijkibal to tale, jun nax ayex sok te Nichꞌanile y sok te Tatile ta jmel nax.

1 Juan 2:5

Yan te machꞌa ya yakꞌ ta jkuenta te skꞌope, yuꞌun nanix kꞌuxix ta yoꞌtan abi. Y teme jich aye, jnaꞌojtik te jun nax ayotik sok te Diose.

1 Juan 2:7

Kermanotak, ma achꞌ mantaluk te ya jtsꞌibabeyexe; jaꞌ mismo te la awichꞌik ta slijkibal to tale. Te namey mantal to, jaꞌ te awaꞌiyejbeyik skꞌoplale.

1 Juan 5:15

Y jich tutꞌil jnaꞌojtik te Dios ya yaꞌiy te ya jkꞌopontike, jich jnaꞌojtik te ya yaꞌbotik te tut ya jkꞌanbetike.

1 Juan 5:3

Te xkꞌuxutayel te Diose jaꞌ teme ya jchꞌuunbetik te mantaliletik yuꞌune. Y te mantaliletik yuꞌune ma aluk ta aꞌiyel.

2 Juan 1:5

Te ora to, awokoluk hermana, ya skꞌan te talel baeluk kꞌux ya kaꞌiy jbajtik ta koꞌtantike. Te jich a jtsꞌibabeyat to ma achꞌ mantaluk, sino ke jaꞌ mismo te kichꞌojtik desde ta slijkibale.