2 Juan 1:12 - Nuevo Testamento Tzeltal de Amatenango

¹² Bayal tut ya jkꞌan kalbeyex te jaꞌexe, pero ma jkꞌan ya jpas ta karta. Yuꞌun ay ta koꞌtan te ya xtal kilexe, y ya jkꞌoponex ta atekꞌlejalik. Yuꞌun jich me tsꞌakal a kichꞌtik te bujtsꞌan kꞌinale.

Bible in Tzeltal Bachajón

¹² Ay bayel bin ya jc'an ya jts'ihbabeyex, pero ma jc'an ya jpas ta hun soc ta tinta, como co'tanuc ya xtal jc'oponex soc ya quilbe jba sitic scuenta yu'un ts'acal ya xc'oht te stse'elil co'tantique.

Bible in Tzeltal de Oxchuc y Tenejapa

¹² Ay bayal te bila c'an jts'ibubeyexe, ja'uc me to, ma jc'an ya jts'ibubeyex xan ta jun soc ta tinta. Yu'un jnopoj te ya xtal quilexe. Jich me ya x'ayanotic soc ya quilbey jba jsitic, swenta yu'un jich me pajal ya xbujts'naj co'tantic ta melel a.

2 Juan 1:12 ပူးပေါင်းရင်းမြစ်များ

San Juan 15:11

“Jich ya kalbeyex to yuꞌun jich me ben jun awoꞌtanik ta jtojol a, y jmel nax me ya awichꞌik te bujtsꞌan kꞌinal ya awaꞌiyike.

San Juan 16:12

“Ay to xan bayal te tut ya jkꞌan kalbeyexe, pero te ora to ma to jxuꞌ awuꞌunik snaꞌbeyel sluwar.

San Juan 16:24

Te ora to te jaꞌexe ma to ayuk tuti kꞌanojik ta joꞌon jkuenta. Kꞌanaik te tut ya akꞌanike, ya me yaꞌbelex. Jich me ya xjunub lek awoꞌtanik yuꞌun.

San Juan 17:13

“Te ora to ya xtalonix ta atojol. Pero la kalix jilel spisil to liꞌ ba balmilale, yuꞌun liꞌ to xan ayon to, yuꞌun jich me ya xjunub yoꞌtanik a, jich tutꞌil te joꞌon jun koꞌtane.

San Juan 3:29

Jich tutꞌil te jnupunele. Te machꞌa ya xnujpun sok te achꞌixe jaꞌix smamlal abi. Yan te yamigo te winik te teꞌey ae, jaꞌ ben kontento yuꞌun te ya yaꞌiybey skꞌop te machꞌa ya xnujpune. Jichon euk ora to ben jun koꞌtan ta stojol te Jesuse.

Romanos 15:24

Teme boon ta Españae, ya kil teme ya xjuꞌ kuꞌun te ya xkꞌa kilexe. Teme juꞌ kuꞌun kꞌa kilexe, koꞌtanuk te ya akoltayikon chꞌinuk yuꞌun te sigue ya xbenon baele.

2 Timoteo 1:4

Sil tiempo ya jnaꞌ tutꞌil te la awokꞌetay abae, y koꞌtanuk ya kilat yuꞌun jich me ya xjunub xan koꞌtan ta lek a.

Filemón 1:22

Sok ya me achapbon xan te ba ya xkꞌo anukone, yuꞌun seguro ayon te ya stsakbeyex akꞌopik te Diose te yakuk yakꞌon te ya xba kilexe.

Hebreos 13:19

Uniko ya jkꞌanbeyex te ya akꞌoponik Dios yuꞌun teme jich ya skꞌan Dios te ya sujton tal ta ora te ba ayexe.

Hebreos 13:23

Ay tut ya kalbeyex: Kolemix te kermanotik jTimoteoe. Teme ya xjul ta orae, ya me joyin tal te kꞌalal ya xtal kilexe.

1 Juan 1:4

Te tutik to la jtsꞌibatik yuꞌun tsꞌakal me ya awichꞌik a te bujtsꞌan kꞌinale.

3 Juan 1:10

Jaꞌ yuꞌun te kꞌalal ya xtalone, ya me kalbe ta jamal te tut ma tsaꞌamuk ya spase. Yuꞌun ya yaltalan kꞌael jontol kꞌop aꞌbiyej sok le-lot te skontrainejotike. Sok ay to xan yan te tut ya spase: Jaꞌ te ma skꞌan xyikꞌ te hermanoetik te ya xlaj kꞌote. Sok ya skomtalan te machꞌatik ya skꞌan ya yikꞌike, y ya stentalan lokꞌel te ba ay te hermanoetike.