2 Juan 1:11 - Nuevo Testamento Tzeltal de Amatenango

¹¹ Porke te machꞌa ya spatbe yoꞌtane, ya me sjoyin ta spasel te tut ma lekuke.

Bible in Tzeltal Bachajón

¹¹ Como te mach'a ya yalbe te lec te tale, pajal chopol ya'tel ya xc'oht soc.

Bible in Tzeltal de Oxchuc y Tenejapa

¹¹ Melel te mach'a jich ya yalbey: “¡Bin nax co'tan te talate!”, teme xie, jich ya sjoin ta spasel te bila amene.

2 Juan 1:11 ပူးပေါင်းရင်းမြစ်များ

Efesios 5:11

Ma me ajoyin abaik ta spasel te tutik lom nax ya spasik te machꞌatik yuꞌun te yijkꞌal kꞌinale. Jaꞌ lek albeyaik ta jamal.

1 Timoteo 5:22

Ma me ayuk machꞌa ya awaꞌbe yaꞌtel ta ora nax teme ma to la yichꞌ nopel ta leke. Yuꞌun jich me makꞌ ya amulinbe smul ekꞌa te yane. Ila me aba yuꞌun spisil te tut ma lekuke.

Hebreos 5:13

Y te machꞌatik jaꞌ ya yuchꞌik te leche, jaꞌ pajal sok te untik ya to xchuꞌune. Ma to kꞌoemuk ta yoꞌtanik te tut toj ta pasele.

Judas 1:23

Te yane koltayaik me, lokꞌesaik bael te ba ay te kꞌajkꞌe. Y xpichꞌuk me awoꞌtanik te yanetike, aunke ila me abaik yuꞌun. Y pꞌajaik asta te skꞌuꞌ spakꞌik te machꞌatik ma lekuk xkuxlejalike.

Apocalipsis 18:4

La kaꞌiy xan kꞌop ta chꞌulchan te jich ya yale: —Lokꞌanik bael te ba mukꞌul jtejklume, jaꞌex te jtejklumex kuꞌune. Yuꞌun me jich makꞌ ya ajoyinik yuꞌun a te smulike ni makꞌ staex a te kastigo ya yichꞌike.