2 Juan 1:1 - Nuevo Testamento Tzeltal de Amatenango

¹ Joꞌon te ansianoone, ya jtsꞌibay te karta to ta stojol te ants te tsabil yuꞌun te Diose, y sok te machꞌatik ayik ta skuentae. Batsꞌi kꞌuxex ta koꞌtan. Y ma joꞌukon nax, sino ke jich kꞌuxex ta yoꞌtanik euk ta spisil te machꞌatik te snaꞌojikix te tut batsꞌi jiche.

Bible in Tzeltal Bachajón

¹ Te anciano, ta stojol te ants te tsahbil soc te yalatac, te c'ux ta co'tan ta melel; ma jtuqueluc nax, ha nix hich c'uxat ta yo'tan spisil te mach'atic sna'beyijic sba te smelelil c'ope.

Bible in Tzeltal de Oxchuc y Tenejapa

¹ Jo'on te ancianoone, ya jpatbat awo'tan, me'tic, te tsabilat yu'un Dios soc te awalataque. Bayal c'uxex ta co'tan ta melel. Soc ma jo'ocon nax jtuquel te c'ux ya caiyex ta co'tane. Ja' c'uxex ta yo'tanic uuc spisil te mach'atic yaiyojic stojol te smelelil c'ope.

2 Juan 1:1 ပူးပေါင်းရင်းမြစ်များ

San Lucas 1:3

Jich euk te joꞌone, Teófilo te ben lek awoꞌtane, la kalix ta koꞌtan te jaꞌ lek ya jtsꞌibabeyat awil spisil te tut skajalskaj te kꞌot ta pasele. La jojkꞌoyix ta lek te tutꞌil ay ta slijkibal tale.

San Juan 8:32

Jich me ya anaꞌik te tut batsꞌi jiche, y te tut batsꞌi jiche ya me yakꞌex ta libre —xchi.

Hechos 11:30

Jich a spasik, sok la stikonik bael ta stojol te ansianoetik te ayik ta Jerusalen. Jaꞌ a yaꞌbeyik bael te jBernabe sok te Saulo te takꞌine.

Romanos 16:13

Albikon xkoltanuk euk te Rufoe, te ben aꞌbil ta jkuenta, te jun yoꞌtan xchꞌuunej te Kajwaltike. Sok euk te smeꞌe, te jich kꞌoem te jmeꞌ ekꞌae.

Gálatas 2:14

Jaꞌ yuꞌun te kꞌalal la kil te ma jichuk toj ya spasik te tutꞌil ay skꞌoplal te lek achꞌ kꞌope, la kalbey ta sitil komon te jPedroe: “Jaꞌat te juriyoate, jich ya xkuxuyinat te tutꞌil ma juriyoukate. ¿Tut yuꞌun te ya akꞌan ya asuj te machꞌatik ma juriyouk ta spasel jich tutꞌil te juriyoetike?

Gálatas 2:5

Pero ni chꞌinuk a jchꞌuunbetik te tut ya sujotik aye. Porke jaꞌ ya jkꞌantik te batsꞌi jich te skꞌoplal kolel te jmel nax ay ta akuentaike.

Gálatas 3:1

Jaꞌex Galataetik, te ma pꞌijukexixe, ¿Machꞌa a yaꞌbeyex chamel? Te tut la kalbetikexe, la kakꞌtik ta ilel ta asitik te Jesucristo te jojkꞌanot ta kruse.

Gálatas 5:7

Te jaꞌexe lek ayex ta nail. ¿Machꞌa la xchebantesbeyex awoꞌtanik te ya ajilesik ta chꞌuunel te tut batsꞌi jiche?

Colosenses 1:5

Yuꞌun jich ay ta awoꞌtanik te tut yipalex ta smaliyel te tut kꞌejbilex ta chꞌulchan te ya awichꞌike. Jaꞌ te la awaꞌiyikix te kꞌop te batsꞌi jiche, jaꞌ te lek yachꞌil kꞌop yuꞌun te kolele.

1 Timoteo 2:4

Yuꞌun stukel ya skꞌan te spisil ya xkole y te ya xkꞌot ta yoꞌtanik te tut batsꞌi jiche.

Hebreos 10:26

Porke teme skꞌanojel koꞌtantik sigue ya xmulawotike, aunke jnaꞌojtikix te tut batsꞌi jiche, ma me ayukix ta mas te milbil smajtan Dios yuꞌun te jmultike.

1 Pedro 1:2

Jaꞌex te tsabilex yuꞌun te Jtatik Diose te nameyix jich snopoj ta yoꞌtane, sok te chꞌulutesbilexix ta skuenta te Espiritue. Yuꞌun me ya achꞌuunik y ya me awichꞌik sakutesel ta skuenta xchꞌichꞌel te Jesucristoe. Ichꞌaik te bayal slekil yoꞌtan te Jesucristoe y sok te bujtsꞌan kꞌinal yuꞌune.

1 Pedro 5:1

Te ora to ay tut ya kalbeyex te ansianoex te ba jujun kongregasione, joꞌon te pajal ansianoon sok te jaꞌexe, sok joꞌon te la kil te wokoletik a kꞌax yuꞌun te Cristoe, sok te pajal ya kichꞌtik te lekilal te ya xba chiknajuke.

1 Pedro 5:13

Ya stikonbeyex spajtil awoꞌtanik te hermanoetik te aylan ta Babilonia, te jaꞌ a tsaot yuꞌun te Diose jich mismo tutꞌil te jaꞌexe. Y sok te jMarcose te jnichꞌan ta koꞌtane.

1 Juan 2:21

La jtsꞌibabeyex ito, ma yuꞌunuk maꞌ anaꞌojikuk te tut batsꞌi jiche, sino ke anaꞌojikix. Y te jaꞌexe anaꞌojikix te ni junuk te lot ya xjuꞌ xtal yuꞌun te tut batsꞌi jiche.

1 Juan 3:18

Kuntikil, ma me jaꞌuk nax te ya kaltik te ay skꞌuxul koꞌtantike, sinoke ya skꞌan ya xchiknaj ta skuenta te tut ya jpastike.

2 Juan 1:13

Te machꞌatik yuntikil te awermana te jaꞌ tsabil ekꞌae, la stikonbeyex spajtil awoꞌtanik euk.

2 Juan 1:5

Te ora to, awokoluk hermana, ya skꞌan te talel baeluk kꞌux ya kaꞌiy jbajtik ta koꞌtantike. Te jich a jtsꞌibabeyat to ma achꞌ mantaluk, sino ke jaꞌ mismo te kichꞌojtik desde ta slijkibale.

3 Juan 1:1

Joꞌon te ansianoone, ya jtsꞌibay te karta to jaꞌ yuꞌun te kamigo jGayoe te batsꞌi ben kꞌux ya kil jba soke.