2 Corintios 9:3 - Nuevo Testamento Tzeltal de Amatenango

³ Pero la jtikonix te hermanoetik to yuꞌun maꞌyuk lot ya xkꞌot a te tutꞌil la kalbeyex te lek akꞌoplalike. Jaꞌ yuꞌun ya skꞌan te chapalukex me jich tutꞌil kalojixe.

Bible in Tzeltal Bachajón

³ Pero ya jticon bahel ta atojolic te quermanotactic ini scuenta yu'un ma tojoluc la jtoybeyex ac'oblalic; scuenta yu'un chapalex, hich te bin ut'il la jcale.

Bible in Tzeltal de Oxchuc y Tenejapa

³ Ja'uc me to, la jticunix in quermanotactic to, swenta yu'un ma'yuc lot ya xc'ot a te bit'il la calbeyex lec ac'oplalic ta stojol te macedoniaetique. Jich yu'un ya sc'an te chapalex ya xc'o staex, jich te bit'il calojixe.

2 Corintios 9:3 ပူးပေါင်းရင်းမြစ်များ

2 Corintios 7:14

Joꞌon a kalbeyix te jTito te ben jun koꞌtan awuꞌunik te jaꞌexe. Ma jta kꞌexlal yuꞌun te tut kalojbeyexe. Yuꞌun batsꞌi jich spisil te tutiꞌ kalbetikexe sok batsꞌi jich euk te tutiꞌ kalbeytik te jTitoe te ben jun koꞌtantik awuꞌunik te jaꞌexe.

2 Corintios 7:4

Jamal koꞌtan ya xkꞌopojon ta atojolik, sok ben jun koꞌtan awuꞌunik. Aunke bayal jwokoltik, ben kakꞌoj puersa y ben bujtsꞌan kꞌinal ya kaꞌiy.

2 Corintios 8:6

Jaꞌ yuꞌun la jkꞌanbetikix pawor te jTitoe te ya xtal yichꞌbeyex bael te koltayel ya awakꞌik ta skuenta slekil awoꞌtanik, te jaꞌ nax nail a lijk stsobe.

Tito 3:1

Akꞌtalanbeya snaꞌik te ya yakꞌik ta jkuenta te gobiernoe y sok te juꞌeletike. Yauk me xchꞌuunik mantal, y siluk me tiempo chapal ta spasel te tut leke.