2 Corintios 9:2 - Nuevo Testamento Tzeltal de Amatenango

² Porke jnaꞌojix te tutꞌil ben jun awoꞌtan ya awakꞌike. Sil tiempo ben jun koꞌtan ya kalbey te machꞌatik ayik ta Macedoniae te jaꞌ to te jaꞌbil a kꞌax te ben jun awoꞌtanik ya awakꞌik te koltayele te jaꞌex te ayex ta Acayae. Jaꞌ yuꞌun te machꞌatik ayik ta Macedonia la snopikix te jun yoꞌtanik ya yakꞌik ekꞌae.

Bible in Tzeltal Bachajón

² como jna'oj te ay yutsil awo'tanic ta coltaywanej. Calbeyej te yutsil ac'oblalic ta stojol te mach'atic ayic ta sq'uinal Macedonia, la jcalbeyic te ayix jun ha'bil te chapalex ha'ex te ayex ta Acaya; soc te yutsil awo'tanic ha nix hich la stijbe yo'tanic tsobol yantic.

Bible in Tzeltal de Oxchuc y Tenejapa

² Melel jna'oj stojol te bit'il bin nax awo'tan ya awaq'uique. Spisil ora toyol q'uinal ya caiy te bit'il ayix jun ja'wil te jajch'ex ta stsobel te coltayele, ja'ex te ayex ta Acayae. Jich nix la calbey yaiyic uuc te macedoniaetique. Jich col spisiluc la snopiquix te ya me yaq'uic uuque.

2 Corintios 9:2 ပူးပေါင်းရင်းမြစ်များ

Hechos 18:12

Pero te kꞌalal ochemix ta gobierno ta estado Acaya te jGalion sbiile, te juriyoetike la stsob sbaik ta skontroinel te jPabloe, y la yikꞌik bael te ba ya smeltsaꞌawan te jGalione.

Hechos 24:17

“Cheb oxeb jaꞌbil xjoyeton ta yan luware, ta patil sujton tal ta jlumal, yuꞌun tal kakꞌ takꞌin y sok smajtan Dios ta templo.

Romanos 15:26

Porke te machꞌatik ayik ta Macedoniae y sok te ayik ta Acayae la snopik te gusto a stsob stakꞌinik te ya stikonbeyik te hermanoetik te ayik ta Jerusalen te ay swokolike.

1 Corintios 16:15

Kermanotak, te jaꞌexe anaꞌojik te machꞌatik ay yuꞌun te Estéfanase te jaꞌ nail a xchꞌuunik Dios te ayik ta estado yuꞌun Acaya. Stukelik te lek yakꞌoj sbaik ta mantaltesel yuꞌun te hermanoetik te xchꞌuunejik Diose.

2 Corintios 1:1

Joꞌon jPabloon. Skꞌanojel yoꞌtan Dios te apostolon yuꞌun te Jesucristoe, sok te hermano jTimoteoe. Ya jtsꞌibay te karta to ta akuentaik te jayebex te achꞌuunejik Dios te ayex ta jtejklum Corintoe y sok te jtejklum yuꞌun Dios ta spisil te estado yuꞌun Acayae.

2 Corintios 7:14

Joꞌon a kalbeyix te jTito te ben jun koꞌtan awuꞌunik te jaꞌexe. Ma jta kꞌexlal yuꞌun te tut kalojbeyexe. Yuꞌun batsꞌi jich spisil te tutiꞌ kalbetikexe sok batsꞌi jich euk te tutiꞌ kalbeytik te jTitoe te ben jun koꞌtantik awuꞌunik te jaꞌexe.

2 Corintios 7:4

Jamal koꞌtan ya xkꞌopojon ta atojolik, sok ben jun koꞌtan awuꞌunik. Aunke bayal jwokoltik, ben kakꞌoj puersa y ben bujtsꞌan kꞌinal ya kaꞌiy.

2 Corintios 8:10

Te tutꞌil jich aye ya kalbeyex tutꞌ ya yal te koꞌtan yuꞌune. Te tutꞌil la apasik te jaꞌbil a kꞌaxe, ma jaꞌuk nax te la alijkesik spasele, te ben jun awoꞌtanik la apasike.

2 Corintios 8:11

Te ora to, te tut ya xjuꞌ awuꞌunike, juꞌutesa te tut la apasike, jich tutꞌil ben lek chapal te la awakꞌik ta ilel te nail toe, te kꞌalal la anopik spasele.

2 Corintios 8:19

Sok te hermanoetike jaꞌ la stsaik yuꞌun ya sjoyinotik ta beel, y ya skoltayotik ta stsobel te koltayel te yipalotik ta stsobele. Yuꞌun jich ya kakꞌtik ta akꞌel ta jkuenta a te Kajwaltike. Y yuꞌun jich me ya xchiknaj te jun awoꞌtanik ya awaꞌiyik koltawaneje.

2 Corintios 8:24

Yuꞌun jich me ya snaꞌik a te juju-tijkꞌ hermanoetike, aꞌbeyaik yilik jaꞌex te batsꞌi jich te lom kꞌux ta awoꞌtanike. Jich ya xchiknaj tutꞌ yuꞌun te ben jun koꞌtantik awuꞌunike.

2 Corintios 8:8

Ma yauk kalbeyex mantal te jich ya apasike. Jaꞌ nax ya jkꞌan ya anaꞌik te jun yoꞌtanik yipal ta xchapel te yane. Yuꞌun me ya awakꞌik ta ilel te tutꞌil ay te xkꞌuxul awoꞌtanik te batsꞌi jiche.

1 Tesalonicenses 1:7

Jich la awakꞌik ta ilel te tut leke ta stojol spisil te hermanoetik te ayik ta estadoetik yuꞌun te Macedoniae y sok te Acayae.

Hebreos 10:24

Ya me jletik tutꞌil ya jkoltay jbajtik ta juju-tul skuenta yuꞌun ay xan mas xkꞌuxul koꞌtantik a, sok skuenta yuꞌun ya jpastik te tut leke.