2 Corintios 8:8 - Nuevo Testamento Tzeltal de Amatenango

⁸ Ma yauk kalbeyex mantal te jich ya apasike. Jaꞌ nax ya jkꞌan ya anaꞌik te jun yoꞌtanik yipal ta xchapel te yane. Yuꞌun me ya awakꞌik ta ilel te tutꞌil ay te xkꞌuxul awoꞌtanik te batsꞌi jiche.

Bible in Tzeltal Bachajón

⁸ Ma yu'unuc ya jpasex ta mandar, ha nax ya jtsajex teme melel ay sc'uxul awo'tanic, teme pajal ay soc te yantique.

Bible in Tzeltal de Oxchuc y Tenejapa

⁸ Ma yu'unuc ya calbeyex mandal. Ja' nax ya jc'an te ya ana'ic stojol te bit'il toyol yo'tanic te yantique, swenta yu'un tey me ya jna' a teme ay xc'uxul awo'tanic ta mero melele.

2 Corintios 8:8 ပူးပေါင်းရင်းမြစ်များ

Romanos 12:9

Kꞌux me xꞌawaꞌiy abaik ta awoꞌtanik juju-tul. Pꞌajaik te tut ma tsaꞌamuke, y jaꞌ xꞌatamik te tut leke.

1 Corintios 7:12

Yan te yane, ay tut ya kalbe, joꞌon te jich ya kale y ma jaꞌuk jich yaloj te Kajwaltike: Teme ay jtul hermano teme ma xchꞌuunejuk Dios te yiname, ma me wakꞌ xchꞌoj sba sok teme jun yoꞌtan ya xkuxuyin soke.

1 Corintios 7:25

Te ora to ya kalbeyex te tutꞌil ayik te machꞌatik ma to nujpunemuke. Maꞌyuk ba kaꞌiyojbe smantal ya yal te Kajwaltike, pero ya kal te tut jnopoje, sok ya xjuꞌ ya achꞌuunik te tutꞌil kichꞌoj kꞌuxutayel yuꞌun te Kajwaltike.

1 Corintios 7:6

Spisil to te la kalbeyexe ma yuꞌunuk ya kal mantal. Jaꞌ nax ya kꞌakꞌ ta naꞌel teme ay jichuk ya skꞌan awoꞌtanike.

2 Corintios 6:6

Jich me ya kakꞌtik ta ilel te lekix ayotik sok te jkuxlejaltike, sok te tutꞌ jnaꞌojbetik sluwaril te tut batsꞌi jiche, sok te ay perdon ta koꞌtantike, sok te ay slekil koꞌtantike, sok te ay ta koꞌtantik te Chꞌul Espiritue, sok te batsꞌi ay xkꞌuxul koꞌtantike,

2 Corintios 8:10

Te tutꞌil jich aye ya kalbeyex tutꞌ ya yal te koꞌtan yuꞌune. Te tutꞌil la apasik te jaꞌbil a kꞌaxe, ma jaꞌuk nax te la alijkesik spasele, te ben jun awoꞌtanik la apasike.

2 Corintios 8:24

Yuꞌun jich me ya snaꞌik a te juju-tijkꞌ hermanoetike, aꞌbeyaik yilik jaꞌex te batsꞌi jich te lom kꞌux ta awoꞌtanike. Jich ya xchiknaj tutꞌ yuꞌun te ben jun koꞌtantik awuꞌunike.

2 Corintios 9:2

Porke jnaꞌojix te tutꞌil ben jun awoꞌtan ya awakꞌike. Sil tiempo ben jun koꞌtan ya kalbey te machꞌatik ayik ta Macedoniae te jaꞌ to te jaꞌbil a kꞌax te ben jun awoꞌtanik ya awakꞌik te koltayele te jaꞌex te ayex ta Acayae. Jaꞌ yuꞌun te machꞌatik ayik ta Macedonia la snopikix te jun yoꞌtanik ya yakꞌik ekꞌae.

2 Corintios 9:7

Te juju-tul aꞌ yakꞌ te tutꞌ snopoj te yoꞌtane, y ma me xchebetuk yoꞌtan ya yakꞌ, y ma me sujbiluk te ya yakꞌe. Porke te Diose kꞌux ta yoꞌtan te machꞌa jun yoꞌtan ya yakꞌe.

Efesios 4:15

Jaꞌ lek ya kaltik sok skꞌuxul koꞌtantik te tut batsꞌi jich. Jich ya xmukꞌubotik ta spisil te tutꞌil ay te Cristoe, te jaꞌ jolol yuꞌun te machꞌatik yuꞌune.

Efesios 6:24

Dios a me yaꞌbey te slekil yoꞌtan ta stojol spisil te machꞌatik sil tiempo kꞌux ta yoꞌtanik te Kajwaltik Jesucristoe. Jichuk.

Hebreos 10:24

Ya me jletik tutꞌil ya jkoltay jbajtik ta juju-tul skuenta yuꞌun ay xan mas xkꞌuxul koꞌtantik a, sok skuenta yuꞌun ya jpastik te tut leke.

1 Pedro 1:22

Te ora to te jaꞌexe, te la achꞌuunik te skꞌoplal te tut batsꞌi jiche, la alekutesikix te awoꞌtanike yuꞌun ben jun awoꞌtan ya akꞌuxutayik a te hermanoetike. Jich ya skꞌan te kꞌux ya awaꞌiy abaik ta juju-tul sok spꞌejel awoꞌtanik sok spisil apuersaik.