2 Corintios 8:2 - Nuevo Testamento Tzeltal de Amatenango

² Aunke lom bayal swokolik yuꞌun ilel yoꞌtanik, pero kaꞌxikix a ben junix yoꞌtanik. Y manchuk me ben meꞌbaꞌik. Pero bayal a stsobik te koltayele, jich kꞌoem te lom jkꞌulejike.

Bible in Tzeltal Bachajón

² Aunque c'ax bayel swocolic ta uts'inel, ta scuenta bayel stse'elil yo'tanic soc aunque pobrehic, bayel bin la yaq'uic.

Bible in Tzeltal de Oxchuc y Tenejapa

² Ay bayal sbujts' yo'tanic, manchuc teme c'axix bayal yaiyjibal yo'tanic ta controinele. Soc manchuc teme mero me'ba ayique, ja'uc me to, c'ax bayal la stsobic te coltayele, jich c'oem te bit'il ay sc'ulejalic yilele.

2 Corintios 8:2 ပူးပေါင်းရင်းမြစ်များ

San Mateo 20:15

Joꞌon ya jnaꞌ te tut ya jpas sok te jtakꞌine. ¿O yuꞌun ma tsaꞌamuk awoꞌtan yuꞌun te ben lekone?” xyut.

Romanos 12:8

Te machꞌa yichꞌoj te majtanil yuꞌun te ya yaꞌbe spuersa yoꞌtan te yane, a me yaꞌbe xan spuersa yoꞌtan. Te machꞌa ay tut ya skꞌebene, junuk me yoꞌtan a yakꞌ. Te machꞌa ay ta skuenta tsobawe, junuk me yoꞌtan a tsobawanuk. Te machꞌa ya skoltay te meꞌbaetike, junuk me yoꞌtan awak spas.

Romanos 2:4

¿Me ya apꞌaj te lom bayal slekil te xkꞌuxutayejat te Diose sok te ya to smaliyate? ¿Meꞌn ma xꞌanaꞌ te puersa ya kichꞌbetik slekil yoꞌtan te ya sujtes koꞌtantik ta skuentae?

2 Corintios 1:12

Ay tut yuꞌun te ay sbujtsꞌ koꞌtantike: jaꞌ te ya jnaꞌtik te lek kakꞌoj jbatik y stojil a kuxuyinotik liꞌ ba balmilale, y mas to xan a ta awolilik te jaꞌexe. Ma jaꞌuk pꞌijilil ta skuenta tiꞌbalulil. Jaꞌ nax ta slekil yoꞌtan Dios te skoltayejotik te jich ya xkuxuyinotike.

2 Corintios 2:9

Te nail a jtsꞌibabeyex te tutꞌ ay sluwarile, yuꞌun ya kil teme ya achꞌuunik spasel ta spisil te tut ya kale.

2 Corintios 6:10

Ay lom tristeotik, pero sil tiempo kontento ayotik. Ay lom meꞌbaotik, pero ay bayal kꞌulejiben kuꞌuntik. Jich yilel te maꞌyuk tut ay kuꞌuntike, pero ay kuꞌuntik spisil.

2 Corintios 9:11

Jich me bayal akuꞌlejalik ya xkꞌot y jich ya xjuꞌ awuꞌunik yakꞌel bayal koltayel a. Y te koltayel te jaꞌex ya atikonik bael ta jkuentatike, jaꞌ sluwar te ya yalbeyik kola yal Dios te hermanoetike.

2 Corintios 9:13

y ya me yalbeyik slekilal a te Diose yuꞌun te koltayel te la awaꞌbeyik ya yakꞌ ta ilel te jaꞌex achꞌuunejik te lek achꞌ kꞌop yuꞌun te Cristoe. Jich me ya yalbeyik slekilal a te Diose yuꞌun te bayal tut la awakꞌik te jaꞌexe te ya xtuun yuꞌunik sok ta spisil te hermanoetike.

1 Tesalonicenses 1:6

Te jaꞌexe jaꞌ la anopik te tutꞌil ayotike y sok te tutꞌil ay te Kajwaltike. Y la awichꞌik ta jkuenta te skꞌop Diose sok te sbujtsꞌ awoꞌtanik te la yaꞌbeyex te Chꞌul Espiritue, aunke la ataik bayal awokolik ta ilbajinel yuꞌun.

1 Tesalonicenses 2:14

Kermanotak, kꞌalal kꞌax awokolik yuꞌun tenel ta skꞌab te alumalike, jich mismo a kꞌot ta pasel ta stojol te hermanoetik yuꞌun Dios te aylan ta Judea te jaꞌ yuꞌunix te Cristo Jesuse. Yuꞌun jich a yichꞌik tenel euk yuꞌun te slumal juriyoetike.

Santiago 2:5

Kermanotak, te kꞌuxex ta koꞌtane, aꞌiya awaꞌiyik to: Te Dios la stsa te machꞌatik meꞌbaik liꞌ ba balmilale, yuꞌun jaꞌ me skꞌulejalik ya xkꞌot te xchꞌuunejik Diose sok te ya xba yichꞌik smajtanik te ba ay ta ajwalinel te Diose, te stukel yaloj ta skuenta te machꞌatik lek skꞌanojik te Diose.

Apocalipsis 2:9

“Joꞌon jnaꞌoj te awokol sok te ameꞌbaale. Pero te jaꞌate jkꞌulejat. Y jnaꞌoj te ma lekuk akꞌoplal ya yalbelat yuꞌun te machꞌatik ya yalik te juriyoike pero ma jaꞌuklan. Jaꞌik jtijkꞌ yuꞌun Satanas.