2 Corintios 7:9 - Nuevo Testamento Tzeltal de Amatenango

⁹ Te ora to ben jun koꞌtan awuꞌunik. Ma jaꞌuk yuꞌun te la yakꞌ yajtal awoꞌtanike; jaꞌ jun koꞌtan yuꞌun te jich la asujtes awoꞌtanik ta stojol Diose. Porke yuꞌun jich a skꞌan Dios te la yakꞌ yajtal awoꞌtanike. Jich ma joꞌukotik ta jkuentatik teme ay tut ya xchꞌay ta atojolike.

Bible in Tzeltal Bachajón

⁹ Pero ta ora ini tse'el co'tan, ma yu'unuc te la amel awo'tanic, ha yu'un te la amel awo'tanic te hich la asuhtes awo'tanic, yu'un hich la amel awo'tanic te bin ut'il la sc'an te Diose, hich mayuc bin ch'ayem awu'unic ta jcuentacotic.

Bible in Tzeltal de Oxchuc y Tenejapa

⁹ Yan ta ora to ay bayal sbujts' co'tan awu'unic. Ma yu'unuc ja' ay sbujts' co'tan yu'un te la amel awo'tanique; ja' ay sbujts' co'tan yu'un te la asujt'es awo'tanic ta scaj te mel-o'tane. Yu'un la amel awo'tanic ta stojol te Diose. Jich ma ba ch'ay te bendición ta atojolic ta jwentatic.

2 Corintios 7:9 ပူးပေါင်းရင်းမြစ်များ

San Mateo 3:8

Aꞌ me chiknajuk ta ilel ta jamal ta skuenta awaꞌtelik te tutꞌil sujtemix awoꞌtanik ta stojol te Kajwaltike. Ma me xꞌawalik: “Te joꞌotike stsꞌumbalotik jꞌAbraham”, ma me xchiukex.

San Lucas 15:10

Ya kalbeyex, jich me ben jun yoꞌtan yuꞌun te chꞌul angeletik yuꞌun Dios ta chꞌulchane teme ya sujtes yoꞌtan yuꞌun smul te jtul jmulawile —xchi te Jesuse.

San Lucas 15:32

Pero ora to yipalotik nax ta spasel kꞌin yuꞌun ben jun koꞌtantik, porke te awijtsꞌine chamenix a kaꞌiy, pero chaꞌkuxix kꞌoem. Kunta jmel chꞌayemix a kaꞌi, pero la jtajtikix”, xchi te state —xchi ta yalel te Jesuse.

San Lucas 15:7

Ya kalbeyex: Jich me ay ben jun yoꞌtan yuꞌun te machꞌatik ay ta chꞌulchane yuꞌun teme ya sujtes yoꞌtan yuꞌun smul jtul jmulawile. Mas ben jun yoꞌtan yuꞌun te tutꞌil te nobenta y noebe ta jtul te toj yoꞌtanik ta stojol Dios te ma puersauk ya sujtes yoꞌtanik yuꞌun te smulike —xchi te Jesuse.

Hechos 20:21

Jamal a kalbe te juriyoetike sok te machꞌatik maꞌ juriyouke te ya skꞌan ya sujtes yoꞌtanik yuꞌun smulik ta stojol Dios, sok te ya xchꞌuunik te Kajwaltik Jesucristoe.

2 Corintios 1:12

Ay tut yuꞌun te ay sbujtsꞌ koꞌtantike: jaꞌ te ya jnaꞌtik te lek kakꞌoj jbatik y stojil a kuxuyinotik liꞌ ba balmilale, y mas to xan a ta awolilik te jaꞌexe. Ma jaꞌuk pꞌijilil ta skuenta tiꞌbalulil. Jaꞌ nax ta slekil yoꞌtan Dios te skoltayejotik te jich ya xkuxuyinotike.

2 Corintios 2:16

Yuꞌun te machꞌatik ya xbajtik ta chꞌayele, jachik kꞌoem yuꞌunik te tutꞌil yikꞌ lajele. Pero te machꞌatik ya xkolike jich pajal sok te ben tsaꞌam yikꞌ te ya xkuxuyinik yuꞌune. Te tutꞌil jich ay to, ¿machꞌa kꞌan juꞌuk yuꞌun?

2 Corintios 7:8

Porke manchuk me la kakꞌ yajtal awoꞌtanik yuꞌun te karta te la jtsꞌibabeyex, te ora to ma yajtalukix koꞌtan. Aunke okꞌon yuꞌun te nail toe yuꞌun la kil te la yakꞌ yajtal awoꞌtanik te karta jun-chebuk kꞌaale,