2 Corintios 7:8 - Nuevo Testamento Tzeltal de Amatenango

⁸ Porke manchuk me la kakꞌ yajtal awoꞌtanik yuꞌun te karta te la jtsꞌibabeyex, te ora to ma yajtalukix koꞌtan. Aunke okꞌon yuꞌun te nail toe yuꞌun la kil te la yakꞌ yajtal awoꞌtanik te karta jun-chebuk kꞌaale,

Bible in Tzeltal Bachajón

⁸ Aunque la jca'beyex amel awo'tanic yu'un te carta, pero ma ba ya jmel co'tan yu'un. Ay nix la jmel co'tan, como la jquil te jts'ihn nax la ya'beyex amel awo'tanic te cartahe.

Bible in Tzeltal de Oxchuc y Tenejapa

⁸ Manchuc teme la caq'uex ta mel-o'tan ta swenta te carta la jpasbeyexe, ja'uc me to, ma ba ya jmel co'tan yu'un ta ora to. Manchuc teme la jmel co'tan yu'un ta neelale, yu'un la quil te la yaq'uex ta mel-o'tan che'oxebuc c'aal te jcartae.

2 Corintios 7:8 ပူးပေါင်းရင်းမြစ်များ

San Juan 16:6

Jaꞌ nix baem ta awoꞌtanik te ajtal-oꞌtane, skꞌaj te la kalbeyexix awaꞌiyik to.

San Juan 21:17

La sjojkꞌobe xan ta yoxmelal: —Simon, te xnichꞌanat te Jonase, ¿me kꞌuxon ta awoꞌtan? —xchi. Te jPedroe la yakꞌ yajtal yoꞌtan yuꞌun; porke yoxmelalix a te jojkꞌobot teme kꞌux ya yaꞌi ta yoꞌtane. La sjakꞌ: —Kajwal, anaꞌoj spisil. Anaꞌoj te kꞌuxat ta koꞌtane —xchi. Te Jesuse la yalbe: —Kanantaybon me te jkarneraetik cheꞌe.

2 Corintios 7:11

Te jaꞌex atꞌej ta awoꞌtanik te ajtal-oꞌtan jich tutꞌil ya skꞌan Dios, jich la awilikix te lek a lokꞌex koel ae. Yuꞌun bayal la anop ta awoꞌtanik te tut ya awut abaik yuꞌun te kꞌope. La yakꞌ ilinanik, y jich a xiꞌex yuꞌun. Patil la akꞌan te ya awilikon, y juꞌ awuꞌunik te la awaꞌbeyik kastigo te machꞌa mulawene. Sok spisil la awakꞌik ta ilel te maꞌyuk tut la amulinik yuꞌun te kꞌop to.

2 Corintios 7:12

Jich yuꞌun te kꞌalal la jtsꞌibabeyex te kartae, ma jaꞌuk nax a jnaꞌ te machꞌa staoj smule, sok ni ma jaꞌuk te machꞌa kꞌax swokol yuꞌune. Yuꞌun jaꞌ mas lek yauk xchiknaj ta stojol Dios te ay yajtal awoꞌtanik yuꞌun te joꞌotike.

2 Corintios 7:6

Pero Dios te ya yaꞌbe spuersa yoꞌtan te machꞌatik maꞌyuk spuersa yoꞌtane, la yaꞌbotik spuersa koꞌtantik te kꞌalal jul te jTitoe.

2 Corintios 7:7

Y ma jaꞌuk nax te kꞌalal jul tale, sok te ben jun yoꞌtan tal te ay spuersa yoꞌtan ta akuentaik te jaꞌexe. La yalbotikix te ben sniꞌ xꞌawaꞌiyik te ya akꞌan ya awilotike. Y la yalbotikix te beno yajtal awoꞌtanik sok te ben ya anaꞌikone. Y ta spisil te jich aye mas a junub koꞌtan yuꞌun.

2 Corintios 7:9

Te ora to ben jun koꞌtan awuꞌunik. Ma jaꞌuk yuꞌun te la yakꞌ yajtal awoꞌtanike; jaꞌ jun koꞌtan yuꞌun te jich la asujtes awoꞌtanik ta stojol Diose. Porke yuꞌun jich a skꞌan Dios te la yakꞌ yajtal awoꞌtanike. Jich ma joꞌukotik ta jkuentatik teme ay tut ya xchꞌay ta atojolike.

Apocalipsis 3:19

“Joꞌon ya jkom y ya jtsits ta spisil te machꞌatik kꞌux ta koꞌtane. Jaꞌ yuꞌun akꞌaik me puersa y sujtesa awoꞌtan ta stojol Dios.