2 Corintios 7:7 - Nuevo Testamento Tzeltal de Amatenango

⁷ Y ma jaꞌuk nax te kꞌalal jul tale, sok te ben jun yoꞌtan tal te ay spuersa yoꞌtan ta akuentaik te jaꞌexe. La yalbotikix te ben sniꞌ xꞌawaꞌiyik te ya akꞌan ya awilotike. Y la yalbotikix te beno yajtal awoꞌtanik sok te ben ya anaꞌikone. Y ta spisil te jich aye mas a junub koꞌtan yuꞌun.

Bible in Tzeltal Bachajón

⁷ Soc ma ha'uc nax yu'un te tale, ha muc'ub q'uinal la jca'iycotic yu'un te bin ut'il muc'uben q'uinal la ya'iy te Tito ta acuentahique. Ha la ya'botcotic jna'cotic te ayotcotic ta awo'tanic, te bayel la amel awo'tanic, soc te yac ana'belonic; hich c'ax to xan tse'el co'tan yu'un.

Bible in Tzeltal de Oxchuc y Tenejapa

⁷ Soc ma ja'uc nax muc'ub q'uinal la caiytic yu'un te c'alal jul te Titoe, ja' muc'ub q'uinal la caiytic yu'un te muc'uben nax q'uinal ya yaiy awu'unique. Ja' la yalbotiquix te bit'il toyol awo'tanic te ya awilonique, soc la xcholbotiquix te bit'il bayal la awoq'uetay abaique, soc te bit'il bayal la ana'onique. Jich c'axem to xan bujts'naj co'tan yu'un.

2 Corintios 7:7 ပူးပေါင်းရင်းမြစ်များ

San Mateo 26:75

Jich a snaꞌ ta ora te jPedroe te tut albil nail yuꞌun te Jesuse: “Ma to xꞌokꞌ a te tat kꞌoꞌe la amukonix ta awoꞌtan oxmel a” te xchie. Jicha lokꞌ bael teꞌa te jPedroe, ba yokꞌetay sba yuꞌun xpichꞌ yoꞌtan sba.

San Mateo 5:4

“Ben me tsaꞌam slekilik te machꞌatik ayik ta ajtal-oꞌtane, jaꞌ me ya xmukꞌutesbot yoꞌtan yuꞌun te Diose.

San Lucas 22:44

Pero te tutꞌil ayix ta skuenta a te wokole, te Jesuse lijk yakꞌ xan puersa ta skꞌoponel te Diose. Y te xchikꞌe pajal sok chꞌichꞌ xtꞌulajan koel kꞌalal ta lum.

Hechos 11:23

Te kꞌalal kꞌot teꞌa te jBernabee la yil te aꞌbilix bendision yuꞌun Dios te machꞌa ma juriyouke y ben jun yoꞌtan yuꞌun. La stsitstalan spisil te ben junuk yoꞌtanik ta stojol te Kajwaltike.

Romanos 1:12

Jaꞌ ya kal te pajal me ya kaꞌbe jbajtik spuersa koꞌtantik te tutꞌil jun nax jchꞌuunejtike.

1 Corintios 5:2

Y te jaꞌexe ya atoy abaik te lek ayex ta akꞌopike. Jaꞌ lek te lauk awakꞌ yajtal awoꞌtanike. Te winik to te jich spasoje ya me skꞌan ya atenik lokꞌel ta awolilik.

2 Corintios 1:14

Jich tutꞌil ta ora to awaꞌiyejbeyikix sluware chꞌinuk te tut kaloje. Te kꞌalal ya xchaꞌtal te Kajwaltik Jesuse ben jun awoꞌtanik kuꞌuntik, yuꞌun jichotik euk ben jun koꞌtantik ya kaꞌi bajtik awuꞌunik.

2 Corintios 1:4

Jaꞌ ya yaꞌbotik spuersa koꞌtantik ta spisil te kꞌalal ayotik ta wokole, yuꞌun te joꞌotike jich me ya kaꞌbetik spuersa yoꞌtanik ekꞌa te yan te ay swokolike. Jaꞌ mismo ya kaꞌbetik spuersa yoꞌtanik jich tutꞌil te la yaꞌbotik spuersa koꞌtantike.

2 Corintios 2:9

Te nail a jtsꞌibabeyex te tutꞌ ay sluwarile, yuꞌun ya kil teme ya achꞌuunik spasel ta spisil te tut ya kale.

2 Corintios 5:2

Jaꞌ yuꞌun yipalotik ta ajkan te jayeb kꞌaal jnainejtik te jtiꞌbalultik to. Yuꞌun koꞌtantikukix te ya xjelonotik te ya kichꞌtikix te tut ya jnaintik ta chꞌulchane.

2 Corintios 7:6

Pero Dios te ya yaꞌbe spuersa yoꞌtan te machꞌatik maꞌyuk spuersa yoꞌtane, la yaꞌbotik spuersa koꞌtantik te kꞌalal jul te jTitoe.

2 Corintios 7:8

Porke manchuk me la kakꞌ yajtal awoꞌtanik yuꞌun te karta te la jtsꞌibabeyex, te ora to ma yajtalukix koꞌtan. Aunke okꞌon yuꞌun te nail toe yuꞌun la kil te la yakꞌ yajtal awoꞌtanik te karta jun-chebuk kꞌaale,

2 Corintios 8:16

Pero kola yal Dios te la yaꞌbe ta yoꞌtan te jTitoe mismo te tutꞌ yajtal koꞌtanex te jaꞌexe.

Filipenses 1:20

Jich yuꞌun jaꞌ mukꞌ skꞌoplal ta koꞌtan te maꞌyuk tut ya jta kꞌexlal yuꞌune. Sinoke ya xjuꞌ xkꞌopojon sok spuersa koꞌtan ta sit ta spisilik. Y te ora to sok siluk tiempo ya me kakꞌ ta ichꞌel ta jkuenta te Cristoe. Chikan teme ya to xkuxuyinone o teme tey ya xlajonix aye.

Colosenses 2:5

Manchuk me maꞌyukon ta awolilik ta jteklejal, pero joyinejex ta koꞌtan. Y ben jun koꞌtan yuꞌun ya kil te lek yipalex bael ta spasel, y te jun awoꞌtanik achꞌuunejik te Cristoe.

1 Tesalonicenses 3:6

Pero te ora to te jTimoteoe sujtix tal kꞌalal Tesalónica, y yichꞌojbotik tal lek akꞌoplalik yuꞌun te xchꞌuunel awoꞌtanike y sok te slekil awoꞌtanike. La yalbotik te sil tiempo ya anaꞌotik sok slekil awoꞌtanik, y sok te awoꞌtanikuk ya akꞌan ya awilotik, jich tutꞌil te joꞌotik te ya jkꞌan kiltikexe.

1 Tesalonicenses 3:8

Kꞌalal la kaꞌitik te jun awoꞌtanik ta skuenta te Kajwaltike, jich kuxuyinotik xan te joꞌotike.

Hebreos 2:1

Jaꞌ yuꞌun ya me skꞌan ya kakꞌtik ta koꞌtantik ta lek te skꞌop Dios kaꞌiyejtikixe, yuꞌun ma me yauk jpit jbajtik bael te ba sbeelele.

Santiago 5:17

Te jꞌalwanej jꞌEliase jachik winik tutiꞌ joꞌotike. Y te kꞌalal la skꞌopon Dios te la skꞌanbe te ma xyakꞌ jaꞌale, maꞌ yakꞌ jaꞌal ta balmilal te jalaj oxeb jaꞌbil sok olile.

2 Juan 1:4

Bayal sbujtsꞌ koꞌtan yuꞌun te jich a jul jtajtalan te awuntikil te jich xchꞌuunejik te tut batsꞌi jiche, jachik tutꞌil spasojotik ta mantal te Jtatik Diose.

Judas 1:3

Kermanotak te kꞌuxex ta koꞌtane, ben jun koꞌtan a jkꞌan a jtsꞌibabeyex te tutꞌil ay te kolele te pajal ayix kuꞌuntike. Pero te ora to ya kil te tut puersa ya skꞌan pasel te kartae, yuꞌun ya kalbeyex te ya apasik puersa sok te xchꞌuunel awoꞌtanike te jmel nax aꞌbilotikix sok te machꞌatik ayix ta skuenta te Diose.