2 Corintios 7:4 - Nuevo Testamento Tzeltal de Amatenango

⁴ Jamal koꞌtan ya xkꞌopojon ta atojolik, sok ben jun koꞌtan awuꞌunik. Aunke bayal jwokoltik, ben kakꞌoj puersa y ben bujtsꞌan kꞌinal ya kaꞌiy.

Bible in Tzeltal Bachajón

⁴ Jamal co'tan ya xc'opojon ta atojolic; bayel yutsil co'tan awu'unic. Muc'uben q'uinal ya ca'iy ta acuentahic soc ta spisil jwocolcotic c'ax bayel stse'elil co'tan.

Bible in Tzeltal de Oxchuc y Tenejapa

⁴ Mero jamal co'tan awu'unic soc toyol nax q'uinal ya caiy awu'unic. Bayal muc'uben q'uinal ya caiy awu'unic soc ay bayal sbujts' co'tan, manchuc teme bayal te uts'inele.

2 Corintios 7:4 ပူးပေါင်းရင်းမြစ်များ

Hechos 5:41

Te apostoletike lokꞌik bael te ba stsoboj sbaik te machꞌaik ay yaꞌtele. Ben kontentoik yuꞌun, porke Dios jich a skꞌan te kꞌax swokolik ta ilbajinel ta skaj te Jesuse.

Romanos 5:3

Y ma jaꞌuk nax to. Jun koꞌtantik yuꞌun euk te ayotik ta wokole, porke jnaꞌojtik te wokole mas ya yaꞌbotik spuersa koꞌtantik a.

1 Corintios 1:4

Sil tiempo ya kalbe kola yal Dios ta atojolik, yuꞌun te slekil yoꞌtan Dios la yaꞌbeyex ta skuenta te Cristo Jesuse.

2 Corintios 1:14

Jich tutꞌil ta ora to awaꞌiyejbeyikix sluware chꞌinuk te tut kaloje. Te kꞌalal ya xchaꞌtal te Kajwaltik Jesuse ben jun awoꞌtanik kuꞌuntik, yuꞌun jichotik euk ben jun koꞌtantik ya kaꞌi bajtik awuꞌunik.

2 Corintios 1:4

Jaꞌ ya yaꞌbotik spuersa koꞌtantik ta spisil te kꞌalal ayotik ta wokole, yuꞌun te joꞌotike jich me ya kaꞌbetik spuersa yoꞌtanik ekꞌa te yan te ay swokolike. Jaꞌ mismo ya kaꞌbetik spuersa yoꞌtanik jich tutꞌil te la yaꞌbotik spuersa koꞌtantike.

2 Corintios 10:8

Y aunke ya jtoy jba ta kꞌop chꞌinuk yuꞌun te tutꞌil ay kꞌatele, maꞌyuk tut ya xkꞌexawon yuꞌun. Yuꞌun jaꞌ a yaꞌbotik kaꞌteltik te Kajwaltike yuꞌun jich ya jpastik te ya xmukꞌubex ta stojol Dios y ma yuꞌunuk ya jimtikex.

2 Corintios 11:21

Manchuk me ya xkꞌexawon ta yalel: Te joꞌotike, yuꞌun maꞌyuk jpuersatik, ma jichuk la jpastik ta atojolike. Pero te yanetik ya skꞌan ya stoy sbaike, jich euk te joꞌone ya jkꞌan ya jtoy jba euk, aunke jich ya kal te jowil naxe.

2 Corintios 2:14

Kola yal Dios te sil tiempo xcholetotik ta spat te Cristo Jesus te tsalawanemix stukele, y ta jkuentatik joꞌotik te ya yakꞌ chiknajuk ta bayuk te skꞌope, te pajal sok te ya xchiknaj ta bayuk nax te ben tsꞌaam yikꞌe.

2 Corintios 3:12

Te tutꞌil jich ay ta koꞌtantike, jich a kaltik spisil ta jamal.

2 Corintios 7:14

Joꞌon a kalbeyix te jTito te ben jun koꞌtan awuꞌunik te jaꞌexe. Ma jta kꞌexlal yuꞌun te tut kalojbeyexe. Yuꞌun batsꞌi jich spisil te tutiꞌ kalbetikexe sok batsꞌi jich euk te tutiꞌ kalbeytik te jTitoe te ben jun koꞌtantik awuꞌunik te jaꞌexe.

2 Corintios 8:24

Yuꞌun jich me ya snaꞌik a te juju-tijkꞌ hermanoetike, aꞌbeyaik yilik jaꞌex te batsꞌi jich te lom kꞌux ta awoꞌtanike. Jich ya xchiknaj tutꞌ yuꞌun te ben jun koꞌtantik awuꞌunike.

Filipenses 1:14

Y bayal te hermanoetik te la yilik te ayon ta prexoe ayix spuersa yoꞌtanik ta yalel tutꞌil ay skꞌoplal te kolele. Ni makꞌ xiꞌik y mas ay spuersa yoꞌtanik ta skuenta te Kajwaltike.

Filipenses 1:20

Jich yuꞌun jaꞌ mukꞌ skꞌoplal ta koꞌtan te maꞌyuk tut ya jta kꞌexlal yuꞌune. Sinoke ya xjuꞌ xkꞌopojon sok spuersa koꞌtan ta sit ta spisilik. Y te ora to sok siluk tiempo ya me kakꞌ ta ichꞌel ta jkuenta te Cristoe. Chikan teme ya to xkuxuyinone o teme tey ya xlajonix aye.

Filipenses 1:26

Jich me ya xba joyinex xan ta yan buelta, skuenta yuꞌun jich ya me awalbey kola yal te Cristo Jesus ta jkuentae.

Filipenses 2:17

Y manchuk me ya jmal jchꞌichꞌel yuꞌun jich me ya stsꞌakay a te smajtan Dios ya awakꞌike, jaꞌ bi jaꞌ te xchꞌuunel awoꞌtanike, ya xjunub koꞌtan yuꞌun y ya xjunub awoꞌtanik yuꞌun euk ta apisilik te jaꞌexe.

Colosenses 1:24

Te ora to ben jun koꞌtan te ayon ta wokol ta akajike. Porke te tutꞌil jich aye jaꞌ ya jtsꞌakutes ta jtiꞌbalul te tutik xan ya skꞌan xkꞌax swokol te Cristoe, yuꞌun te machꞌatik xchꞌuunejikixe, te jich kꞌoemik tutꞌil te stiꞌbalule.

1 Tesalonicenses 2:19

Porke ¿tut a te yip koꞌtantike sok te sbujtsꞌ koꞌtantike sok te jkoronatik kꞌoem te ben jun koꞌtanik yuꞌune? Jaꞌukex mismo, te kꞌalal ya sujt tal te Kajwaltik Jesucristoe.

1 Tesalonicenses 2:2

Anaꞌojikix te nail to la jtatik utel y ilbajinel ta jtejklum Filipose. Pero Dios a skoltayotik ta yalel te ba ayex te skꞌoplal te kolel ta spisil jpuersa, aunke la kichꞌtik bayal kontrainel yuꞌun.

2 Tesalonicenses 1:4

Jaꞌ yuꞌun te joꞌotike ben sniꞌ xkaꞌitik te ya kaltik akꞌoplalik ta stojol te juju-tijkꞌ hermanoetik yuꞌun Diose, te kujchem awuꞌunik spisil te tenele sok te ilbajinele ta skuenta te xchꞌuunel awoꞌtanike.

Filemón 1:7

Ben kontento ayon y ay spuersa koꞌtan yuꞌun te ay slekil awoꞌtane, porke jaꞌat ta akuenta, hermano, te mukꞌuben yoꞌtanik te hermanoetike.

Santiago 1:2

Kermanotak, te jaꞌexe ya skꞌan te ben jun awoꞌtanik te kꞌalal ya xtal te skajal skaj prewaetik ta atojolike.