2 Corintios 7:3 - Nuevo Testamento Tzeltal de Amatenango

³ Ma yuꞌunuk ya kalbeyex te ay amulike. Ay kalojbeyexix te ayex ta koꞌtane. Yuꞌun jun nax kuxulotik y jun nax ya xchamotik.

Bible in Tzeltal Bachajón

³ Ma ba hich ya calbeyex yu'un ay amulic ta jtojol; como calbeyejex ta nahilal te ayex ta co'tancotic, ha chican teme cuxulotcotic o teme chamenotcotic.

Bible in Tzeltal de Oxchuc y Tenejapa

³ Ma yu'unuc ya calbeyex te ay amulic ta jtojole. Melel calojbeyex ta neelal te ayex ta co'tane, manchuc teme ya xcuxinotic, manchuc teme ya xlajotic.

2 Corintios 7:3 ပူးပေါင်းရင်းမြစ်များ

2 Corintios 11:11

¿Tuꞌun te jich ya kale? ¿Me yuꞌun ma jkꞌanojukex te jaꞌexe? Dios snaꞌoj te bayal jkꞌanojexe.

2 Corintios 12:15

Y te joꞌone lom gano ya jlajin spisil te tutik ay kuꞌune. Y asta joꞌon mismo ya kakꞌ jba ta lajel ta akuentaik yuꞌun akoltayelik. Aunke jich ya kilex te bayal to jkꞌanojex te joꞌone, pero te jaꞌexe mas maꞌ akꞌanojikukon.

2 Corintios 13:10

La jtsꞌibabeyex te karta to antes te ya xtal kilexe, yuꞌun te kꞌalal ya xtalone ma puersauk te tulan ya jkꞌoponex te tutꞌil ay kaꞌtel te yakꞌojbon te Kajwaltike. Ma yuꞌunuk ya jimex a, jaꞌ ya kaꞌbeyex spuersa awoꞌtanik.

2 Corintios 3:2

Jaꞌex mismo karta kꞌoemex kuꞌun, jun karta tsꞌibabil ta koꞌtantik te ya xjuꞌ ya yil y ya xjuꞌ ya skꞌoponik spisilik te winketike.

2 Corintios 7:12

Jich yuꞌun te kꞌalal la jtsꞌibabeyex te kartae, ma jaꞌuk nax a jnaꞌ te machꞌa staoj smule, sok ni ma jaꞌuk te machꞌa kꞌax swokol yuꞌune. Yuꞌun jaꞌ mas lek yauk xchiknaj ta stojol Dios te ay yajtal awoꞌtanik yuꞌun te joꞌotike.

Filipenses 1:7

Ben lek ya kaꞌiy te jich ayex ta koꞌtan ta apisilik te jaꞌexe, porke ben jkꞌanojex ta koꞌtan. Porke pajal kichꞌojtik mismo bendisionetik, aunke liꞌ ayonix ta prexo to, o manchuk me ya kichꞌ ikꞌel ta stojol te jꞌuꞌeletike yuꞌun jich me ya jkoltay jba y ya kal te skꞌoplal te kolele.

1 Tesalonicenses 2:8

Jich lek a jkꞌuxutaytikex te jaꞌexe. Ben jun koꞌtantik a kaꞌbetikex te ma jaꞌuk nax te lek achꞌ kꞌop yuꞌun te Diose, sino ke asta te jkuxlejaltike. Yuꞌun ben kꞌuxex ta koꞌtantik.