2 Corintios 7:14 - Nuevo Testamento Tzeltal de Amatenango

¹⁴ Joꞌon a kalbeyix te jTito te ben jun koꞌtan awuꞌunik te jaꞌexe. Ma jta kꞌexlal yuꞌun te tut kalojbeyexe. Yuꞌun batsꞌi jich spisil te tutiꞌ kalbetikexe sok batsꞌi jich euk te tutiꞌ kalbeytik te jTitoe te ben jun koꞌtantik awuꞌunik te jaꞌexe.

Bible in Tzeltal Bachajón

¹⁴ Como te bin ut'il la jcalbe te Tito te buen lec ac'oblalic, ma ba la jta q'uexlal yu'un. Hich te bin ut'il melel spisil te bintic la jcalbeyex, ha nix hich melel te bin la jcalbe te Tito te buen lec ac'oblalique.

Bible in Tzeltal de Oxchuc y Tenejapa

¹⁴ La calbey te Titoe te mero lec te awo'tanique. Ma la jta q'uexlal yu'un te bila la calbeye. Jich bit'il smelelil te bila la calbeyexe, jich ma lotiluc spisil te bila la calbey te Titoe, te bin nax co'tan awu'unique.

2 Corintios 7:14 ပူးပေါင်းရင်းမြစ်များ

San Juan 17:19

Y ta skajik jmel nax ya kakꞌ jba ta lajel yuꞌun jich me ya xꞌuꞌunimbot yoꞌtanik yuꞌun te tut batsꞌi jiche.

2 Corintios 10:8

Y aunke ya jtoy jba ta kꞌop chꞌinuk yuꞌun te tutꞌil ay kꞌatele, maꞌyuk tut ya xkꞌexawon yuꞌun. Yuꞌun jaꞌ a yaꞌbotik kaꞌteltik te Kajwaltike yuꞌun jich ya jpastik te ya xmukꞌubex ta stojol Dios y ma yuꞌunuk ya jimtikex.

2 Corintios 12:6

Pero yauk jkꞌan ya jtoy jbae, ma jowiluk nax, porke jaꞌ yipalon ta yalel te tut batsꞌi jiche. Pero ma jichuk ya jpas, skuenta yuꞌun maꞌyuk machꞌa kꞌax jich ya stoybon jkꞌoplal te tut yilel te kaꞌtele sok te tut yaꞌiyel te jkꞌope.

2 Corintios 2:13

Pero ma junuk koꞌtan teꞌa porke ma teyuk a kꞌoj jta a te kermano jTitoe. Jaꞌ yuꞌun jich la jileslan y boon ta Macedonia.

2 Corintios 7:13

Jaꞌ sluwaril te junix koꞌtantike te tutꞌil junubenix awoꞌtanike. Ben kontentootik te la kiltikix te ben jun yoꞌtan te jTitoe, yuꞌun apisilik te jaꞌexe te la awaꞌbeyik ta achꞌ te spuersa yoꞌtane.

2 Corintios 7:4

Jamal koꞌtan ya xkꞌopojon ta atojolik, sok ben jun koꞌtan awuꞌunik. Aunke bayal jwokoltik, ben kakꞌoj puersa y ben bujtsꞌan kꞌinal ya kaꞌiy.

2 Corintios 7:6

Pero Dios te ya yaꞌbe spuersa yoꞌtan te machꞌatik maꞌyuk spuersa yoꞌtane, la yaꞌbotik spuersa koꞌtantik te kꞌalal jul te jTitoe.

2 Corintios 8:24

Yuꞌun jich me ya snaꞌik a te juju-tijkꞌ hermanoetike, aꞌbeyaik yilik jaꞌex te batsꞌi jich te lom kꞌux ta awoꞌtanike. Jich ya xchiknaj tutꞌ yuꞌun te ben jun koꞌtantik awuꞌunike.

Filipenses 1:26

Jich me ya xba joyinex xan ta yan buelta, skuenta yuꞌun jich ya me awalbey kola yal te Cristo Jesus ta jkuentae.

2 Tesalonicenses 1:4

Jaꞌ yuꞌun te joꞌotike ben sniꞌ xkaꞌitik te ya kaltik akꞌoplalik ta stojol te juju-tijkꞌ hermanoetik yuꞌun Diose, te kujchem awuꞌunik spisil te tenele sok te ilbajinele ta skuenta te xchꞌuunel awoꞌtanike.