2 Corintios 7:11 - Nuevo Testamento Tzeltal de Amatenango

¹¹ Te jaꞌex atꞌej ta awoꞌtanik te ajtal-oꞌtan jich tutꞌil ya skꞌan Dios, jich la awilikix te lek a lokꞌex koel ae. Yuꞌun bayal la anop ta awoꞌtanik te tut ya awut abaik yuꞌun te kꞌope. La yakꞌ ilinanik, y jich a xiꞌex yuꞌun. Patil la akꞌan te ya awilikon, y juꞌ awuꞌunik te la awaꞌbeyik kastigo te machꞌa mulawene. Sok spisil la awakꞌik ta ilel te maꞌyuk tut la amulinik yuꞌun te kꞌop to.

Bible in Tzeltal Bachajón

¹¹ Ilawil bin ut'il lec c'oht te la amel awo'tanic ta stojol Dios: ¡tey hahch ana'ic bin yac apasic a, la anop te yac acoltay abahic, ilinex yu'un te bin chopol, ay xiwel ta awo'tanic, c'opoj awo'tanic ta jtojolcotic, xut'et awo'tanic, soc hahch achahpanic ta stojil! Ta spisil chican te mayuc amulic tey a.

Bible in Tzeltal de Oxchuc y Tenejapa

¹¹ Te bit'il la amel awo'tanic ta stojol te Diose, ¡ilawilic, lec c'oex ta loq'uel yu'un a! Jich jajch' anopic te bit'il ya achajbanique soc te ya xc'opojex cu'une. Melel la yac'beyex ilinuc awo'tanic, soc och xiwel ta awo'tanic yu'un. Ta patil la ana'onic te ya ac'an awilonique, soc la awac'beyic tulan tojobtesel te mach'a ay smule. Tey chicnaj ta jamal a te ma'yuc bila amulinejic ta swenta in c'op to.

2 Corintios 7:11 ပူးပေါင်းရင်းမြစ်များ

San Marcos 3:5

Te Jesuse la skꞌelulanbe sit te machꞌatik joybil yuꞌune. Ilin yoꞌtan sok ay yajtal yoꞌtan yuꞌun te tutꞌil ben tulan yoꞌtanike. La yalbe tsꞌin te winike: —Jacha te akꞌabe —la yut. Te winike la xjach te skꞌabe y lek a jil.

San Juan 2:17

Jich te jnopojeletik yuꞌune la snaꞌik te jich tsꞌibabil jilele: “Ben tulan skꞌoplal ta koꞌtan te anae”, xchi me.

Hechos 17:16

Te jPabloe yipal ta smaliyel ta jtejklum Atenas a te Silas sok te jTimotoe. Lom bayal a yakꞌ yajtal yoꞌtan yuꞌun te la yil te puru lotil dios nojel a te jtejklume.

Romanos 11:20

Batsꞌi jich te la yichꞌik bojtalanel lokꞌele, pero jaꞌ yuꞌun te maꞌyuk xchꞌuunel yoꞌtanike. Y te jaꞌate ayat ta skuenta nax te ay xchꞌuunel awoꞌtane. Jaꞌ yuꞌun ma me atoy abaik. Jaꞌ mas lek te ya axiꞌike.

Romanos 14:18

Te machꞌa jich ya yakꞌ sba ta abatinel yuꞌun te Cristoe, jaꞌ lek ya xꞌilot yuꞌun te Diose y sok te genteetike.

Romanos 3:5

Pero teme ta skuenta ma tsaꞌamukotik te ya xchiknaj a te toj ya xchapawan stukel te Diose, ¿tut me ya kaltik? ¿Me yuꞌun ma lekuk yoꞌtan te Diose te ya yaꞌbotik kastigoe? Jich ya xkꞌopojon ya kaꞌi te tutꞌil machꞌa maꞌyuk tut xchꞌuuneje.

1 Corintios 12:25

Yuꞌun maꞌyuk tut ya skontrain sbaik a te tutik ay ta tiꞌbalulile. Jich talel bael ya xkꞌuxutay sbaik.

1 Corintios 5:2

Y te jaꞌexe ya atoy abaik te lek ayex ta akꞌopike. Jaꞌ lek te lauk awakꞌ yajtal awoꞌtanike. Te winik to te jich spasoje ya me skꞌan ya atenik lokꞌel ta awolilik.

2 Corintios 13:7

Y ya jkꞌopontik Dios yuꞌun te jaꞌexe te manchuk ya apasik te tut ma tsaꞌamuke. Ma yuꞌunuk ya jkꞌan kakꞌtik ta ilel te joꞌotik te lek jkꞌoplaltike. Yuꞌun jaꞌ ya jkꞌantik a te lek tut ya apasik te jaꞌexe, aunke jich yilel te lom nax jchꞌuunejtik te joꞌotike.

2 Corintios 2:6

Teyix a te la akomik ta kastigo te machꞌa la achapbeyik te smule.

2 Corintios 6:4

Yuꞌun ta skuenta spisil ya jpastike, ya kaꞌbetik yilik te joꞌotik yaj-aꞌtelotik te Diose. Jich jun koꞌtantik ya me xkujch kuꞌuntik te ilbajinele, sok te tutik ay maꞌyuk kuꞌuntike, sok spisil te jwokoltike,

2 Corintios 7:1

Jich yuꞌun, kermanotak te ben kꞌuxex ta koꞌtane, jaꞌ to jaꞌ te sjapojbotik Dios ta jtojoltik. Jaꞌ yuꞌun ya me skꞌan te ya sakutes jbajtik yuꞌun spisil te tut ya yijkꞌutesotik sok te jtiꞌbalultike sok te koꞌtantike. Y te tutꞌil ya skꞌan xiꞌel te Diose ya me skꞌan te jmel nax ya kakꞌ jbajtik ta skuentae.

2 Corintios 7:7

Y ma jaꞌuk nax te kꞌalal jul tale, sok te ben jun yoꞌtan tal te ay spuersa yoꞌtan ta akuentaik te jaꞌexe. La yalbotikix te ben sniꞌ xꞌawaꞌiyik te ya akꞌan ya awilotike. Y la yalbotikix te beno yajtal awoꞌtanik sok te ben ya anaꞌikone. Y ta spisil te jich aye mas a junub koꞌtan yuꞌun.

2 Corintios 7:9

Te ora to ben jun koꞌtan awuꞌunik. Ma jaꞌuk yuꞌun te la yakꞌ yajtal awoꞌtanike; jaꞌ jun koꞌtan yuꞌun te jich la asujtes awoꞌtanik ta stojol Diose. Porke yuꞌun jich a skꞌan Dios te la yakꞌ yajtal awoꞌtanike. Jich ma joꞌukotik ta jkuentatik teme ay tut ya xchꞌay ta atojolike.

2 Corintios 9:2

Porke jnaꞌojix te tutꞌil ben jun awoꞌtan ya awakꞌike. Sil tiempo ben jun koꞌtan ya kalbey te machꞌatik ayik ta Macedoniae te jaꞌ to te jaꞌbil a kꞌax te ben jun awoꞌtanik ya awakꞌik te koltayele te jaꞌex te ayex ta Acayae. Jaꞌ yuꞌun te machꞌatik ayik ta Macedonia la snopikix te jun yoꞌtanik ya yakꞌik ekꞌae.

Efesios 4:26

Teme ya xꞌilinexe, ma me mulawananik, sok ma me spꞌejeluk kꞌaal te ya xꞌilinexe.

Efesios 5:11

Ma me ajoyin abaik ta spasel te tutik lom nax ya spasik te machꞌatik yuꞌun te yijkꞌal kꞌinale. Jaꞌ lek albeyaik ta jamal.

Filipenses 2:12

Jaꞌ yuꞌun, kermanotak te ben kꞌuxex ta koꞌtane, jich tutꞌil la achꞌuunbikon jmantal sil tiempo te kꞌalal joyinejex to aye, te ora to, aunke lom jakal ayon, jich me mas ya skꞌan ya achꞌuunbikon te jmantale. Oꞌtaninaik me te akolelike, xiꞌaik me, nijkꞌuk me te awoꞌtanike.

1 Tesalonicenses 4:6

Ma me ayuk machꞌa ay tut ya spasbe te ya sloꞌlay a te yermanoe. Porke te Kajwaltike tulan me ya yaꞌbe kastigo yuꞌun spisil to, jich tutꞌil la kalbeyexix.

1 Timoteo 5:20

Te machꞌatik ma skꞌan skom sbaik ta mulawe, ya skꞌan ya akomtalan ta sitil komon ta spisil. Yuꞌun jich me ya xiꞌ ekꞌa te yane.

2 Timoteo 2:15

Oꞌtanina me spisil te tutꞌil ya xjuꞌ ya xkꞌoat ta stojol Dios yuꞌune, jich tutꞌil jtul jꞌaꞌtel te lek skꞌoplale te maꞌyuk tut ya xkꞌexaw yuꞌune, te lek ya yakꞌ ta nopel te kꞌop te batsꞌi jiche.

Tito 3:8

Jaꞌ to batsꞌi lom jich. Sok ya jkꞌan te jaꞌ ya awaꞌtelin yalel sil tiempo, skuenta yuꞌun jich ya me yoꞌtanin spasel te tut lek te machꞌatik ya xchꞌuunik te Diose. Lek ta spasel spisil to, sok jaꞌ ya xlekub yuꞌun ta spisilik.

Hebreos 4:1

Jaꞌ yuꞌun, kuidado me ya skꞌan xꞌanotik te tutꞌil ay to ta jkuentatik te sjapoj Dios te ya xjuꞌ xꞌochotik te ba luwar te kuxo-oꞌtane. Jaꞌ me ma lek teme ay jtuluk te jaꞌex te ma xkꞌo ataike.

Santiago 3:17

Pero te machꞌatik ay yuꞌun te pꞌijilil te ya xtal ta stojol te Diose, jaꞌ batsꞌi lek ay stukel. Jun yoꞌtanik y ay slekil yoꞌtanik, sok ay srason xlaj kꞌopojik. Sok ya xkꞌuxutaywanik, ma tsabiluk nax te machꞌa ya skoltay, sok ma xyanej yoꞌtanik, y jaꞌ ya spasik te tut leke.

1 Pedro 1:17

Teme ya awalik te jaꞌexe: “Jaꞌ Jtatik te Diose”, te ya awutike, sok teme ya anaꞌik te jaꞌ ya yichꞌ jkuenta ta juju-tul chikan te tut spasoje, y ma yauk nax ya stsa te genteetike, ya skꞌan ya awakꞌik ta ilel te ya awakꞌik ta jkuenta te Diose sil tiempo te jayeb kꞌaal kuxulex liꞌ ba balmilal to.

1 Pedro 2:2

Jachikukex me te tutꞌil untik te ayinel toe, leaik me te lekil lech ta skuenta te Espiritue. Yuꞌun jich me ya xchꞌiex ta skuenta sok jich me ya ataik a te kolele,

Judas 1:23

Te yane koltayaik me, lokꞌesaik bael te ba ay te kꞌajkꞌe. Y xpichꞌuk me awoꞌtanik te yanetike, aunke ila me abaik yuꞌun. Y pꞌajaik asta te skꞌuꞌ spakꞌik te machꞌatik ma lekuk xkuxlejalike.

Apocalipsis 3:19

“Joꞌon ya jkom y ya jtsits ta spisil te machꞌatik kꞌux ta koꞌtane. Jaꞌ yuꞌun akꞌaik me puersa y sujtesa awoꞌtan ta stojol Dios.