2 Corintios 7:1 - Nuevo Testamento Tzeltal de Amatenango

¹ Jich yuꞌun, kermanotak te ben kꞌuxex ta koꞌtane, jaꞌ to jaꞌ te sjapojbotik Dios ta jtojoltik. Jaꞌ yuꞌun ya me skꞌan te ya sakutes jbajtik yuꞌun spisil te tut ya yijkꞌutesotik sok te jtiꞌbalultike sok te koꞌtantike. Y te tutꞌil ya skꞌan xiꞌel te Diose ya me skꞌan te jmel nax ya kakꞌ jbajtik ta skuentae.

Bible in Tzeltal Bachajón

¹ Ha yu'un, quermanotac te c'uxex ta co'tane, te bin ut'il hich halbilotic yu'un Dios, ac'a jpoc jbahtic yu'un spisil bintic bohloben ta jbaq'uetaltic soc ta co'tantic; behbehuc me ac'a quich'tic ch'ultesel ta scuenta yich'el ta muc' te Diose.

Bible in Tzeltal de Oxchuc y Tenejapa

¹ Jich yu'un quermanotac, te c'uxex ta co'tane, te bit'il jich yalojbotic te Diose, jich yu'un ac'a quijq'uitaytic jilel spisil te bila ya sboltesbotic jbaq'uetaltic soc te co'tantique. Soc te bit'il jna'ojtic stojol te xi'bantic sba te Diose, yan yanuc me ta ch'ultesel te co'tantique.

2 Corintios 7:1 ပူးပေါင်းရင်းမြစ်များ

San Mateo 12:33

“Chapaik lek te teꞌe, jich me lek te sit ya yakꞌ. Yan teme ma chapbiluk leke, ma tsaꞌamuk sit ya yakꞌ. Jich te teꞌe ya anaꞌbeytik sba ta skuenta te site.

San Mateo 5:48

Jich te jaꞌexe ya skꞌan te jichuk ay slekil awoꞌtanik te tutꞌil ay slekil yoꞌtan stukel te jTatik te ay ta chꞌulchane.

San Mateo 5:8

“Ben me tsaꞌam slekilik te machꞌatik maꞌyuk mulil ta yoꞌtanike, jich me ya xkꞌo yilbeyik sit te Diose.

Hechos 9:31

Jich te hermanoetik te aylan ta estadoetik yuꞌun Judeae sok ta Galilea y sok ta Samaria ben jun yoꞌtanik yipalik ta pꞌijubel ta skuenta Espíritu. La xchꞌuunik ta lek te Kajwaltike, y koltalanot yuꞌun te Chꞌul Espiritue jich yipalik ta pꞌolel ta mas.

Romanos 5:20

Tal te mantaliletik yuꞌun la sbayaltes te mulile. Pero te kꞌalal bayale te mulile, Dios a yakꞌ xan ta ilel ta mas te slekil yoꞌtane.

1 Corintios 6:20

porke Dios toyol a stojtalan. Jaꞌ yuꞌun ya skꞌan ya awakꞌik ta jkuenta a te Dios sok te atiꞌbalulike.

2 Corintios 1:20

yuꞌun stukel ya skꞌoes ta spasel spisil te tutik yaloj te Diose. Jaꞌ yuꞌun te kꞌalal ya kalbetik slekil te Diose, ya kaltik “Jichuk” ta skuenta te Cristo Jesuse.

Efesios 2:3

Y jich ayotik ta jpisilik ekꞌa te ay kꞌaale. Jaꞌ jtamojtik te tut ya skꞌan te jtiꞌbalultike, y jaꞌ la jpastik te tutik nax ya skꞌan te jmulawil tiꞌbalultike y sok te tutik ya jnoptike. Ta skaj te jich ayotike tey ya jtatik kastigo yuꞌun te Diose, jich tutꞌil te yanetike.

1 Tesalonicenses 3:13

Jich me jun awoꞌtanik a, sok maꞌyuk amulik ta sit te Jtatik Diose kꞌalal ya sujt tal te Kajwaltik Jesuse sok spisil te machꞌatik yuꞌune. Jichuk.

1 Tesalonicenses 4:7

Yuꞌun ma jaꞌuk a yikꞌotik Dios yuꞌun ya jpastik te tut ma tsaꞌamuke. Jaꞌ ya skꞌan te ben tsaꞌam ya xꞌanotik ta skuentae.

1 Tesalonicenses 5:23

Jaꞌ mismo te Dios yuꞌun te bujtsꞌan kꞌinale, jaꞌ me ya stojutesex te lek ya xꞌoex yuꞌune, y ya me skanantayex ta steklejal sok achꞌulelik sok awoꞌtanik sok atiꞌbalulik, skuenta ma me ayuk amulik a kꞌalal ya xtal te Kajwaltik Jesucristoe.

Hebreos 12:23

y sok te ba stsoboj sbaik te machꞌatik nail yuntikil Dios te tsꞌibalanbil sbiil ta chꞌulchane. Tijilajexix ta stojol Dios, te jaꞌ jmeltsaanwanej yuꞌun ta spisile, y sok ta stojol te chꞌulelaletik yuꞌun gente te lek a kꞌax ta stojol te Diose,

Hebreos 12:28

Te joꞌotike ya xꞌakꞌot anukotik yuꞌun Dios te ba ma spas ta nikele. Ya kalbetik kola yal yuꞌun to, sok ya jkejan jbajtik ta stojol Dios. Tulanuk me skꞌoplal ta koꞌtantik te ya jkejan jbajtik te lek ya yile.

Hebreos 4:1

Jaꞌ yuꞌun, kuidado me ya skꞌan xꞌanotik te tutꞌil ay to ta jkuentatik te sjapoj Dios te ya xjuꞌ xꞌochotik te ba luwar te kuxo-oꞌtane. Jaꞌ me ma lek teme ay jtuluk te jaꞌex te ma xkꞌo ataike.

Hebreos 6:9

Pero aunke jich ya kaltik to, kermanotak te jkꞌanojexe, seguro ayotik te lek ayex ta skuenta Dios sok te yipalex ta beel ta sbeelel kolele.

Santiago 4:8

Tijilajanik ta stojol Dios, y ya me xtijilaj tal ta atojolik. Sakutesa te akꞌabike, jmulawiletik. Lekutesa te awoꞌtanike, jaꞌex te lom xchebet awoꞌtanike.

1 Pedro 1:15

Jachik ya skꞌanex te tutꞌil lek sok toj ya xꞌainexe. Porke te Dios te la yikꞌexe, lek ay y toj stukel.

1 Pedro 1:17

Teme ya awalik te jaꞌexe: “Jaꞌ Jtatik te Diose”, te ya awutike, sok teme ya anaꞌik te jaꞌ ya yichꞌ jkuenta ta juju-tul chikan te tut spasoje, y ma yauk nax ya stsa te genteetike, ya skꞌan ya awakꞌik ta ilel te ya awakꞌik ta jkuenta te Diose sil tiempo te jayeb kꞌaal kuxulex liꞌ ba balmilal to.

1 Pedro 1:22

Te ora to te jaꞌexe, te la achꞌuunik te skꞌoplal te tut batsꞌi jiche, la alekutesikix te awoꞌtanike yuꞌun ben jun awoꞌtan ya akꞌuxutayik a te hermanoetike. Jich ya skꞌan te kꞌux ya awaꞌiy abaik ta juju-tul sok spꞌejel awoꞌtanik sok spisil apuersaik.

1 Pedro 2:11

Kermanotak te kꞌuxex ta koꞌtane, awokolikuk, jachikex me te tutꞌil jyanlumetik te beomaletik nax liꞌ ba balmilale. Ma me akꞌayes abaik a te tutik ya skꞌan te atiꞌbalulike te jaꞌ skontra te achꞌulelike.

1 Pedro 5:10

Pero ta patil te ay awokolik cheꞌoxeb nax kꞌaale te jaꞌexe, Dios me ya yakꞌ xjuꞌ awuꞌunik ta lek. Ya me sjunutesbeyex awoꞌtanik sok ya me yaꞌbeyex yip awoꞌtanik sok jun awoꞌtanik. Ben bayal slekil yoꞌtan te Diose te la yikꞌotik yuꞌun ya kichꞌtik te slekilal sbajtel kꞌinal, te jun nax ayotik sok te Jesucristoe.

1 Juan 1:7

Pero teme ayotik ta sakil kꞌinale, jich tutꞌil ay ta sakil kꞌinal te Diose, jich jun nax ayotik ta jpisiltik. Sok te xchꞌichꞌel te Xnichꞌan Diose, jaꞌ te Jesucristoe, ya spokbotik spisil te jmultike.

1 Juan 1:9

Pero teme ya kaltik ta jamal te jmultike, ya xjuꞌ ya xchꞌuun koꞌtantik te jaꞌ ya yaꞌbotik te Diose te tut stojil aye: jaꞌ ya yaꞌbotik perdon yuꞌun te jmultike y ya spokbotik spisil te tut ma lekuke.

1 Juan 3:3

Y spisil te machꞌa jich yipal ta smaliyele, ya me slekutesik te yoꞌtanike, jich tutꞌil te lek yoꞌtan stukel te Jesucristoe.