2 Corintios 6:9 - Nuevo Testamento Tzeltal de Amatenango

⁹ Jich ya yalbelotik te ma snaꞌbelotik jbajtike, pero lom lek ya snabelotik jbajtik. Jich chamenotikix ya kaꞌiy jbajtik, pero sigue kuxulotik bael. Ya yaꞌbelotik kastigo, pero makꞌ ya smilotik.

Bible in Tzeltal Bachajón

⁹ sjel te ma ba na'bil jbahcotic, pero na'bil jbahcotic; chamenotcotic ya ya'iyic, pero cuxulotcotic; quich'ojcotic majel, pero ma ba lajotcotic yu'un;

Bible in Tzeltal de Oxchuc y Tenejapa

⁹ Ay ma sna' jbajtic ta sc'opic te ants-winiquetique, ja'uc me to, mero ya sna' jbajtic ts'iin. Ay jc'axel jlajelotiquix, ja'uc me to, cuxulotic ts'iin. Ay ya x'ac'bototic castigo ta majel, ja'uc me to, ma jc'axeluc ya xlajotic yu'un.

2 Corintios 6:9 ပူးပေါင်းရင်းမြစ်များ

Hechos 17:18

Ay maestroetik yuꞌun te epikureoetike sok te estoikoetike lijk sjojokꞌobe sba sok te jPabloe. Ay la yalik: —¿Tut a te ya yal chawchꞌunetel to? —xchiik. Te yane la yalik: —Yuꞌun wan yipal ta yalbeyel skꞌoplal achꞌ diosetik —xchiik. Jich a yalik, yuꞌun te jPabloe yipal ta yaltalanbeyel te lekil achꞌ kꞌop yuꞌun te Jesuse sok te chaꞌkuxele.

Hechos 19:26

Pero te jaꞌexe awilojikix y awaꞌiyejikix te jPablo xꞌalbote yipal ta yalel te ma jaꞌuk diosetik te pasbil ta skꞌab winketike. Y jich a yakꞌ kꞌotukix ta yoꞌtanik bayal te gentee, ma jaꞌuk nax liꞌ ba Efesoe, kasi jich euk ta spisil te estado Asiae.

Hechos 25:19

Jaꞌ nax a yalik te jaꞌ smulinej yuꞌunik te tutꞌil ay sreligion yuꞌunike. Sok ay jtul te Jesus sbiil te chame, y te jPabloe ya yal te kuxulixe.

Hechos 25:26

Pero ma xwejt tut ya jtsꞌibabe bael te kajwal Cesare. Jaꞌ yuꞌun la kikꞌix tal lokꞌel ta atojolik y sok ta atojol, jaꞌat rey Agripa, yuꞌun ta patil teme la ajojkꞌobeyike, jich me ya xwejt te tut ya jtsꞌibabe bael te Cesare.

Romanos 15:19

sok ta spoder te seña milagroetik, y sok ta spoder te Espíritu yuꞌun te Diose. Jich ta bayuk nax ta spamal te balmilale la kalix te lek achꞌ kꞌop yuꞌun kolel ta skuenta te Cristoe, kꞌalal ta Jerusalen y ta bayuk nax asta ta Estado yuꞌun Iliria.

Romanos 8:36

Jaꞌ jich te tut ya yal te Sjun Dios: “Jaꞌat ta akaj te sil tiempo ayotik ta milele; jich kuybilotik te tutꞌil karnera te ya xꞌikꞌot bael te ba ya xmilote”, xchi me.

1 Corintios 11:32

Aunke te Kajwaltike ay ya yaꞌbotik kastigo yuꞌun ya xpꞌijubotik a y yuꞌun ma chaꞌyeluk ya xbootik sok a te machꞌatik ayik ta skuenta te balmilale.

1 Corintios 15:31

Porke, kermanotak, sil tiempo ayon ta peligro yuꞌun milel. Batsꞌil lom jich te tut ya kalbeyexe te lom jun koꞌtan ya kaꞌiy ta akuentaik te tutꞌil achꞌuunejik te Kajwaltik Jesucristoe.

1 Corintios 4:9

Yuꞌun jich ya kaꞌiy jbajtik te joꞌotik te apostoletike, te yakꞌojotik ta último luwar te Diose. Jich kꞌoemotikix te tutꞌil machꞌatik chapbilix skꞌoplal ta milele. Yuꞌun kichꞌojtikix kꞌeluyel ta komon sitil yuꞌun te machꞌatik ayik ta balmilal, jaꞌ te angeletike y sok te genteetike.

2 Corintios 11:6

Aunke me ma jnaꞌ lek xkꞌopojon, pero bayal te tut jnaꞌojbey sluwarile. Y jaꞌ to jaꞌ kakꞌojtikix awilik sil tiempo te jaꞌexe, y sok spisil te tut juꞌemix kuꞌuntike.

2 Corintios 4:2

La jpꞌatikix jilel te tutik kꞌexlaltik sba ay ta pasel ta mukule. Ma jloꞌlawanejukotik ni makꞌ jyanutestik te skꞌop Diose. Jaꞌ nax ya kaltik te tut batsꞌi jiche. Y te jich aye, jich ya kaꞌbetik yilik te yanetik te jun koꞌtantik ta sit te Diose.

2 Corintios 5:11

Yuꞌun ya jnaꞌtik te ya skꞌan ya kakꞌtik ta jkuenta te Kajwaltike, ya kaꞌtelin te ya kaꞌbe kꞌouk ta yoꞌtanik te winketike. Te Diose snaꞌoj tutꞌil ayotik, y ya jkꞌan te jichuk ya anaꞌbikon te titꞌil ay te koꞌtane.