2 Corintios 6:8 - Nuevo Testamento Tzeltal de Amatenango

⁸ Ay ya yakꞌelotik ta jkuenta; y ay ma xyakꞌelotik ta jkuenta. Ay lek ya yalbelotik jkꞌoplaltik; y ay ma tsaꞌamuk ya yalbelotik jkꞌoplaltik. Ya yalbelotik te yuꞌun jle-lototike, pero jaꞌ ya kaltik te tut batsꞌi jiche.

Bible in Tzeltal Bachajón

⁸ ta scuenta te ay ich'bilotcotic ta muc' soc te ay ma ba ich'bilotcotic ta muc', te ay ma lecuc jc'oblalcotic soc te ay lec jc'oblalcotic; cuybilotcotic ta jlo'loywanej, pero smelelil bin ya calcotic;

Bible in Tzeltal de Oxchuc y Tenejapa

⁸ Ay ya x'ich'ototic ta muc', ay ma x'ich'ototic ta muc'. Ay te lec jc'oplaltic ya yalbotique, ay amen jc'oplaltic yu'unic. Ay mach'atic scuyojotic ta jpas-lot, manchuc me smelelil te bila ya caltique.

2 Corintios 6:8 ပူးပေါင်းရင်းမြစ်များ

San Mateo 10:25

Jich te eskueleroe teyuk me ya yaꞌiy a teme pajal ya xkꞌot sok te yaj-maestroe. Sok te aj-aꞌtelile teyuk me ya yaꞌiy a teme pajal ya xkꞌot sok te yajwale. Teme “Beelzebu” xchi jkꞌoplal te joꞌon te Ajwalilon awuꞌunike, jich me ya yalbeyex akꞌoplalik euk te jaꞌexe.

San Mateo 22:16

Jich a stikonik chaꞌoxtul te jnopojeletik yuꞌun te fariseoetik sok chaꞌoxtul te machꞌa jun yoꞌtan sba sok te Herodese. Jicha tal yalbeyik te Jesuse: —Maestro, ya jnaꞌtik te puru batsꞌi jich te tut ya awale, sok te sluwaril ya snojpeswanat te tut ya skꞌan te Diose. Maꞌyuk machꞌa ya xiꞌat ta kꞌop yuꞌun te genteetike. Porke ma tsabiluk nax awuꞌun te machꞌa ya awakꞌ ta jkuentae.

San Mateo 27:63

Jich a yalbeyik: —Ajwalil, ya to jnaꞌtik te la yal te jloꞌlawaneje: “Ya xchaꞌkuxon tal ta yoxebal kꞌaal” xchi te kꞌalal kuxul to aye.

San Marcos 12:14

Jich a tal yalbeyik: —Maestro, ya jnaꞌtik te puru batsꞌi jich te tut ya awale. Maꞌyuk machꞌa ya xiꞌat ta kꞌop yuꞌun, porke ma tsabiluk nax awuꞌun te machꞌa ya awakꞌ ta jkuentae. Te jaꞌate sluwaril ya snojpeswanat te tut ya skꞌan te Diose. Albotik kaꞌiytik: ¿Me lek te ya jtojtik stojemal yuꞌun te ajwalil Cesare? ¿Me lek ya jtojtik o ma xjuꞌ jtojtik? —xchiik.

San Juan 7:12

Te ba yolil te genteetik bayal machꞌatik ya xꞌalot yuꞌun. Te yane ya yalik: —Te winike ben lek —xchiik. Pero ay yan ya yalik: —Ma lekuk; ya sloꞌlay te gentee —xchiik.

Hechos 10:22

Te winketike la sjakꞌik: —Jaꞌ stikonejotik tal te statal soltaro te jCornelio sbiile te toj ta winikile. Xchꞌuunej Dios, sok te ben kꞌanbil yuꞌun te juriyoetike. Jtul chꞌul ángel yuꞌun Dios a albot yuꞌun te ya stikonat ta ikꞌel, yuꞌun te ya xbaat ta snae. Yuꞌun jich me ya yaꞌibe sluwar te tut ya awalbeye —xchiik.

Hechos 16:39

Jicha laj tal te alkaletike, tal skꞌanbeyik perdon ta stojol te jPablo sok te Silase. La slokꞌeslan bael y la skꞌanbeyik pawor te yauk xlokꞌik bael te ba jtejklume.

Hechos 22:12

Teꞌey jtul winik a te jꞌAnanias sbiile te lek xchꞌuunej te mantaliletik yuꞌun te jMoisese, y ben lek skꞌoplal yuꞌun spisil te juriyoetik te aylan ta jtejklum Damascoe.

Hechos 24:5

Yuꞌun te winik to yipal ta boliteswane, y ta spisil te balmilale yipal kꞌael ta slijkesel kꞌop, y ta yakꞌel division ta yolil te juriyoetike. Sok jaꞌ statal yuꞌun te machꞌatik xchꞌuunejik te Jesus te talem ta Nazarete,

Hechos 28:22

Ya jkꞌan kaꞌibetik sluwar te tutiꞌ anopoje, porke jnaꞌojtik te bayuk nax kontrainbil te achꞌ nopojibal to —xchiik.

Hechos 4:21

Te jꞌuꞌeletike tulan a yalbeyik, y la skolesik bael. Yuꞌun ma stabeyik te tut ya yaꞌbeyik kastigo yuꞌune. Porke spisil te gentee ya yalbeyik kola yal Dios yuꞌun te tut kꞌoem ta pasele.

Hechos 5:13

Ni jtul maꞌyuk machꞌa te lom nax a tal stsob sbaik soke. Pero te genteetike ben akꞌtalanbil ta jkuenta yuꞌun.

Hechos 6:3

Jaꞌ yuꞌun, kermanotak, leaik jukebuk winketik ta awolilik te lek skꞌoplalike, sok te ay spꞌijil yoꞌtanike, sok te nojel ta yoꞌtanik te Chꞌul Espiritue. Yuꞌun jaꞌ me ya xkꞌot ta skuentaik te aꞌtel to.

Romanos 3:8

Jich ya kaltik yaꞌiyel: ¿Tuꞌun makꞌ jpastik te tut ma leke, yuꞌun jich me ya xtal a te tut leke? Ay chaꞌoxtul te ya yalik te joꞌon jich ya kakꞌ ta nopel, pero te machꞌa jich ya yalike, ya me staik kastigo yuꞌun.

2 Corintios 1:18

Pero Dios jaꞌ ya yaꞌiyotik te makꞌ ya kaltik ta akuentaik me “Jich” sok “Ma jichuk” te mismo tiempo ae.

2 Corintios 11:21

Manchuk me ya xkꞌexawon ta yalel: Te joꞌotike, yuꞌun maꞌyuk jpuersatik, ma jichuk la jpastik ta atojolike. Pero te yanetik ya skꞌan ya stoy sbaike, jich euk te joꞌone ya jkꞌan ya jtoy jba euk, aunke jich ya kal te jowil naxe.

2 Corintios 12:16

Anaꞌojik te maꞌ jkꞌanbeyex te tut tuun kuꞌune, pero ay machꞌa ya yal te la jloꞌlayexe.

2 Corintios 4:2

La jpꞌatikix jilel te tutik kꞌexlaltik sba ay ta pasel ta mukule. Ma jloꞌlawanejukotik ni makꞌ jyanutestik te skꞌop Diose. Jaꞌ nax ya kaltik te tut batsꞌi jiche. Y te jich aye, jich ya kaꞌbetik yilik te yanetik te jun koꞌtantik ta sit te Diose.

1 Tesalonicenses 2:3

Porke ma jowiluk nax te tut yipalotik ta yalele. Ni ma jaꞌuk a kaltik te tut ma lekuk, sok ma jaꞌuk jnopojtik te ay machꞌa ya jloꞌlaytik ae.

1 Timoteo 3:7

Sok ya skꞌan te lek skꞌoplal yuꞌun euk te machꞌatik ma xchꞌuunejuk Diose, yuꞌun jich me makꞌ xtabot ta alel a te yaꞌtele, y sok ma xꞌoch ta strampa te pukuje.

1 Timoteo 4:10

Jaꞌ yuꞌun ya xꞌaꞌtejotik sok ya jpastik puersa, porke jaꞌ ayotik ta smaliyel te kuxul Diose te jaꞌ jKoltawanej yuꞌun ta spisil, pero ja mero ya xkoltayot yuꞌun te machꞌatik ya xchꞌuunike.

Hebreos 13:13

Konik euk sok te Jesuse ta stiꞌil te jtejklume, y kꞌaxuk jwokoltik jich mismo te ma akꞌot ta jkuenta sok te kꞌax swokol stukele.

1 Pedro 4:14

Ben tsaꞌam alekilik teme ay machꞌa ya yixta-kꞌoptayex teme jaꞌ ta skꞌaj te Cristoe. Porke te slekilal te Espíritu yuꞌun Diose ay me ta atojolik te jaꞌexe.

3 Juan 1:12

Spisilik lek skꞌoplal yuꞌunik te jDemetrioe, yuꞌun jaꞌ ya yal te tut batsꞌi jiche. Y jich euk te joꞌotike ya kaltik te lek akꞌoplalike, y te jaꞌate anaꞌoj te jaꞌ ya kaltik te tut batsꞌi jiche.

Apocalipsis 3:9

Joꞌon me ya kakꞌ te ya xtal skejan sbaik ta atojol te machꞌatik jtsobaw yuꞌun te pukuje, jaꞌik te jloꞌlawanejetike te ya yalik te juriyoetiklane y ma jaꞌikuk. Yuꞌun jich me ya snaꞌik a te kꞌuxat ta koꞌtane.