2 Corintios 6:7 - Nuevo Testamento Tzeltal de Amatenango

⁷ sok te lekuk ya xkꞌopojotik te tut batsꞌi jiche, y sok te ay spoder Dios ta jtojoltike. Aꞌ tuunuk kuꞌuntik te tut ya jkoltay jbajtik ae, jaꞌ te toj ayotike, te jaꞌ ya xtuun kuꞌuntik te ya kaꞌiytik tsalaw a sok te ya jmak jbatik a.

Bible in Tzeltal Bachajón

⁷ ya xchicnaj ta scuenta te smelelil c'op ya calcotic soc ta scuenta te yu'el Dios, ta scuenta te quich'oj ca'tejibcotic yu'un te bin stojil ta pasel, te ay ta jwa'elcotic soc ta jq'uexamcotic;

Bible in Tzeltal de Oxchuc y Tenejapa

⁷ soc smelelil te bila ya caltique, soc quich'ojbeytic yu'el te Diose. Ja' cat'ejibtic te bit'il toj ayotic ta q'uinale, ja' ya caiytic tsalaw a soc ja' jmajq'uiltic, ta wa'el ta q'uexen.

2 Corintios 6:7 ပူးပေါင်းရင်းမြစ်များ

San Marcos 16:20

Te jnopojeletike lokꞌik bael ta yalel te lek yachꞌil kꞌope ta bayuk nax. Jaꞌ koltalanot ta aꞌtel yuꞌun te Kajwaltike. Sok te tut la yalike ay bayal spuersa ta skuenta te señailetik te chiknaj ta skuentaike. Jichuk.

Hechos 11:21

Te spoder te Kajwaltike joyinlanbil yuꞌun, y jich lom bayal a sjilesik te tut nameyix xchꞌuunejike y la xchꞌuunik te Kajwaltike.

1 Corintios 1:24

Pero te machꞌatik ikꞌbilik yuꞌun te Diose, me juriyoetik o griegoetik, jaꞌ kꞌoem ta yoꞌtanik te jaꞌ spoder Dios sok jaꞌ spꞌijil Dios te Cristoe.

2 Corintios 13:4

Jich te la yichꞌ jijpanel ta krus te maꞌyuk spuersa yilele, pero kuxulix ta spoder te Diose. Jich mismo euk te joꞌotike pajal maꞌyuk jpuersatik sok yilel. Pero te tutꞌil jun nax ayotik soke, jich kuxulotik ta spoder Dios yuꞌun te yipalotik ta aꞌtel ta atojolike.

2 Corintios 2:17

Te joꞌotike ma jachikukotik tutꞌil yanetik te jaꞌ xchonbajelik te skꞌop Diose. Ma jichuk. Te joꞌotik tikonbilotik yuꞌun te Diose, jaꞌ yuꞌun jamal koꞌtantik ya xkꞌopojotik ta skuenta Dios, yuꞌun jun nax ayotik sok te Cristoe.

2 Corintios 4:2

La jpꞌatikix jilel te tutik kꞌexlaltik sba ay ta pasel ta mukule. Ma jloꞌlawanejukotik ni makꞌ jyanutestik te skꞌop Diose. Jaꞌ nax ya kaltik te tut batsꞌi jiche. Y te jich aye, jich ya kaꞌbetik yilik te yanetik te jun koꞌtantik ta sit te Diose.

2 Corintios 7:14

Joꞌon a kalbeyix te jTito te ben jun koꞌtan awuꞌunik te jaꞌexe. Ma jta kꞌexlal yuꞌun te tut kalojbeyexe. Yuꞌun batsꞌi jich spisil te tutiꞌ kalbetikexe sok batsꞌi jich euk te tutiꞌ kalbeytik te jTitoe te ben jun koꞌtantik awuꞌunik te jaꞌexe.

Efesios 1:13

Y jich te jaꞌexe, kꞌalal la awaꞌiyik te skꞌoplal tut batsꞌi jiche te jaꞌ skꞌoplal te kolele y te la achꞌuunik te Cristoe, jich jun nax a kꞌoex sok. Sok la awikꞌik te Chꞌul Espíritu te jaꞌ amarkaik te jich yaloj Dios te ya yaꞌbeyexe.

Efesios 3:20

Y te ora to aꞌ chiknajuk slekilal te Diose te ay spoder yuꞌun spasel bayal ta mas te tutik ya jkꞌanbetik o te tut ya jnoptike, ta skuenta te spoder te ya xꞌaꞌtej ta jtojoltike.

Efesios 4:21

teme batsꞌi jich te la awaꞌiyikix te tutꞌ ay skꞌoplal stukele y la awichꞌik pꞌijutesel ta skuenta te tut batsꞌi jich yuꞌun te Jesuse.

Colosenses 1:5

Yuꞌun jich ay ta awoꞌtanik te tut yipalex ta smaliyel te tut kꞌejbilex ta chꞌulchan te ya awichꞌike. Jaꞌ te la awaꞌiyikix te kꞌop te batsꞌi jiche, jaꞌ te lek yachꞌil kꞌop yuꞌun te kolele.

1 Tesalonicenses 5:8

Pero te joꞌotik te ayotik ta kꞌajkꞌaltike, ya skꞌan te siluk tiempo pꞌij ayotike. Ya skꞌan te jaꞌ ya jkoltay jbatik a ta skuenta te xchꞌuunel koꞌtantik y sok te skꞌuxul koꞌtantike. Y ya skꞌan ya jmak jbajtik jich tutꞌil jun kasko, jaꞌ te ay smukꞌul koꞌtanik yuꞌun te kolele.

2 Timoteo 2:15

Oꞌtanina me spisil te tutꞌil ya xjuꞌ ya xkꞌoat ta stojol Dios yuꞌune, jich tutꞌil jtul jꞌaꞌtel te lek skꞌoplale te maꞌyuk tut ya xkꞌexaw yuꞌune, te lek ya yakꞌ ta nopel te kꞌop te batsꞌi jiche.

2 Timoteo 4:7

Juꞌix kuꞌun te lekil tsalawe. Kꞌoonix te ba ay ya xꞌanimajon baele. Jun koꞌtan jchꞌuunej te Diose.

Hebreos 2:4

Sok jaꞌ snujpꞌ kꞌot te skꞌopik te señailetik te ben tsaꞌam y bayal milagroetik te Dios a yakꞌ ta pasel. Sok ta skuenta te Chꞌul Espiritue te la yaꞌbotik jmajtꞌantik ta skajal skaje, chikan te tutꞌil ya skꞌan yoꞌtane.

Santiago 1:18

Jich ya skꞌan yoꞌtan te la yakꞌ chaꞌayinukotik ta skuenta te skꞌop te batsꞌi jiche, yuꞌun joꞌotik sba sitotik te yaꞌtel spasoje.