2 Corintios 6:5 - Nuevo Testamento Tzeltal de Amatenango

⁵ sok te aresial, o prexo, o skontrainelotik, o ta tulan aꞌtel, sok ma wayotik, o ma weꞌotik.

Bible in Tzeltal Bachajón

⁵ c'alal ayotcotic ta majel, ta chuquel, ta tenel ta c'op, ta tulan a'tel, ta yahwayel, ta wi'nal;

Bible in Tzeltal de Oxchuc y Tenejapa

⁵ Soc te majele, te chuquele, te awtayel ta controinel yu'un te ants-winiquetique, soc te tulan at'ele, soc te ma'yuc cux-o'tanil ta wayele, soc te ay wi'nal la caiytique.

2 Corintios 6:5 ပူးပေါင်းရင်းမြစ်များ

2 Corintios 11:27

Sok lubel ta aꞌtel, y bayal buelta maꞌ wayon. Beno kꞌax jwokol ta wiꞌnal y takin-tiꞌil. Bayal buelta la jkom jweꞌel. Kꞌax jwokol yuꞌun sik yuꞌun maꞌyuk lek jkꞌuꞌ-jpakꞌ.

Hechos 17:5

Pero te juriyoetik te maꞌ skꞌan a xchꞌuunike lijk slaꞌ-yoꞌtanik yuꞌun. La stsobik tal cheb oxeb chꞌajil winketik te ma tsaꞌamuk yaꞌtelik te xjoylajan ta kayae, jich xniketik lijkel ta kꞌop, y jicha lijk kꞌop te ba jtejklume. La yochintaybeyik sna te Jasone yuꞌun ya sleik te jPablo sok te Silase, yuꞌun ya yikꞌik lokꞌel xba yakꞌik entregal ta skꞌab te gentee.

Apocalipsis 2:10

“Ma me xiꞌan yuꞌun te tut ya xkꞌax awokol yuꞌune. Yuꞌun te pukuje ya me xchꞌikex ta prexo yuꞌun ya me spaselex ta prewa ta apisilik. Y ya me xkꞌax awokolik lajunebuk kꞌaal. Jmel nax me junuk awoꞌtan asta ba kꞌalal ya xchamat. Y joꞌon ya kꞌabeyat te akuxlejal jachik tutꞌil majtanile.

Hebreos 13:23

Ay tut ya kalbeyex: Kolemix te kermanotik jTimoteoe. Teme ya xjul ta orae, ya me joyin tal te kꞌalal ya xtal kilexe.

Hebreos 13:17

Chꞌuunbeyaik me smantal te machꞌatik ya xꞌaꞌtejik ta atojolike y akꞌaik me ta jkuenta. Porke te stukelike jaꞌ ya skanantaybeyex te achꞌulelike, sok snaꞌojik te puersa ya xkꞌo yakꞌik jkuenta ta stojol te Diose. Aꞌbeya sbujtsꞌ yoꞌtanik ta spasel te aꞌtele, y ma me awaꞌbeyik yajtal yoꞌtanik. Yuꞌun teme ya awaꞌbe yajtal yoꞌtanike, ni maꞌyuk tut ya xlokꞌ awuꞌunik a.

Hebreos 11:36

Ay yan te kꞌax swokolik ta ikꞌtinel y ta majel y ta chukel ta kadena y ta prexo.

2 Timoteo 4:5

Pero te jaꞌate, pꞌij me xꞌanat sil tiempo. Kujchuk me awuꞌun te wokoletike. Aꞌtelina me yalel te skꞌoplal kolele. Juꞌutesa me lek te awꞌatele.

2 Timoteo 2:9

Y ta skaj te lek yachꞌil kꞌop to te ay kuꞌun te wokoletike. Asta chukulon ta kadena jich tutꞌil te jtul jmulawil te lom tulan smule. Pero te skꞌoplal te Diose ma chukuluk ta kadena stukel.

2 Timoteo 1:8

Ma me kꞌexawan yuꞌun ta yalel te skꞌoplal te Kajwaltike, ni ma me kꞌexawan kuꞌun te ayon ta prexo ta skaje. Tsꞌijkuk me awuꞌun te wokoletik te ya ata ta skuenta te lek achꞌ kꞌop yuꞌun kolele. Ya me skoltayat ta spoder te Diose.

1 Timoteo 4:10

Jaꞌ yuꞌun ya xꞌaꞌtejotik sok ya jpastik puersa, porke jaꞌ ayotik ta smaliyel te kuxul Diose te jaꞌ jKoltawanej yuꞌun ta spisil, pero ja mero ya xkoltayot yuꞌun te machꞌatik ya xchꞌuunike.

1 Tesalonicenses 2:9

Kermanotak, te jaꞌexe naꞌaik me te tutꞌil a aꞌtejotik y la jpastik puersa yuꞌun jich la jta jkuxlejaltik a. Aꞌtejotik ta kꞌajkꞌal y ajkꞌubal, yuꞌun maꞌ jkꞌantik te la kakꞌtik awokolik te jaꞌexe te la kalbeyex skꞌoplal te Diose.

Filipenses 1:13

Ta spisil te soltaroetik yuꞌun te palasioe y sok ta spisil te yanetik gentee snaꞌojik te ayon ta prexo yuꞌun te jchꞌuunej te Cristoe.

Efesios 3:1

Jaꞌ sluwaril te ayon ta prexo, joꞌon te jPabloone, ta skaj te Cristo Jesuse sok yuꞌun alekilik te jaꞌexe ta ma juriyoukexe.

1 Corintios 15:10

Pero ta slekil yoꞌtan Dios te jich ayon te tutꞌil ayone, y te slekil yoꞌtan kuꞌune ma lomuk nax, yuꞌun atꞌejemonix bayal ke ta spisil te yanetike. Aunke ma joꞌukon kaꞌtel jtukel, yuꞌun jaꞌ aꞌtej ta jkuenta te Diose ta skuenta slekil yoꞌtan te la skoltayone.

1 Corintios 7:5

Jaꞌ yuꞌun ma me talel-baeluk te maꞌ ba ya akꞌopon abaike. Jaꞌ nax teme ya achap akꞌopik te makꞌ ata abaik ipal kꞌaal, yuꞌun te ya akꞌoponik Diose. Ta patil ya xjuꞌ ya sujt ata abaik. Yuꞌun ma me teyuk ya sloꞌlayelex yuꞌun a te pukuje te ya yaꞌbelex ale amul yuꞌune.

1 Corintios 4:11

Asta te ora to ma jilemuk te jwokoltik ta wiꞌnale y sok te takin tiꞌile y te maꞌyuk lek jkꞌuꞌ-jpakꞌtike. Te gentee ya smajotik, sok maꞌyuk ba ay jnajtik.

Hechos 28:30

Pero te jPabloe tsꞌakal cheb jaꞌbil a jalaj te ba na te slokꞌoje. Y la yikꞌtalan ochel pisil te machꞌatik ya xtal ilek yuꞌune.

Hechos 26:29

Te jPabloe la yal: —Me ta ora nax o ma orauk, teme jich ya skꞌan te Diose, ma jaꞌukat nax, koꞌtanuk jich spisil te machꞌatik ya yaꞌibon te jkꞌop te ora to, jichuk ya xkꞌot tutꞌil te joꞌone. Pero ma jaꞌuk ya kal te ya awichꞌik chukel ta kadenae —xchi te jPabloe.

Hechos 26:10

Y jich a jpas ta Jerusalen. Ta orden yuꞌun te stataletik yuꞌun te saserdoteetike la kotses ta prexo bayal hermanoetik te xchꞌuunejik te Jesuse. Y te kꞌalal ya smilike, akuerdo ayon ekꞌa.

Hechos 24:27

Cheb jaꞌbil te jicha kꞌax yuꞌune. Te nax a lokꞌ ta gobiernoil te Felixe. Jaꞌ sjelol a jil te Porcio Festoe. Te Felixe jaꞌ ya skꞌan te lek xꞌalbot skꞌoplal yuꞌun te juriyoetike, jich a yakꞌ jilel ta prexo te jPabloe.

Hechos 23:35

la yalbe: —Jaꞌ to ya kaꞌiy a teme tal te machꞌatik sleojbeyat amule —xchi te gobiernoe. Te nax a la yal mantal te ya xbajt ta kanantayel te ba spalasio te namey pasbil yuꞌun te jHerodese.

Hechos 23:10

Te tutꞌil tulanej te kꞌope, te statal soltaroe xiꞌ yuꞌun. Jaꞌ ya yal teme pedaso a akꞌot te jPablo yuꞌunike. Jich a yalbe bael mantal chaꞌoxtul soltaroetik yuꞌun xba slokꞌes tal te jPablo te ba yolil juntae, yuꞌun ya xchaꞌikꞌon bael te ba skuartel te soltareotike.

Hechos 20:31

Jaꞌ yuꞌun, kuxa me awoꞌtanik. Naꞌulanaik me, sil tiempo te oxeb jabꞌil te kꞌajkꞌal y ajkꞌubal ma jkom jba te la jtsitsulanexe, sok la kokꞌetay jba te yauk xkꞌot ta awoꞌtanike.

Hechos 14:23

Sok la sleik jilel ansianoetik te ba ay juju-tijkꞌ te hermanoetike. La skꞌoponik Dios y la skom sweꞌelik, sok la yakꞌik jilel te skꞌab te Kajwaltik te jaꞌ xchꞌuunejike.

Hechos 14:19

Ay juriyoetik a laj kꞌot te lijkemik tal ta Antioquia sok ta Iconio, yuꞌun tal xchebal-kꞌoptay te genteetike. Jich a swolik ta ton te jPabloe. La skuyik te chamix jil yuꞌunike, y la xjochik lokꞌel ta tiꞌ jtejklum.

Hechos 13:3

Jich ta patil, kꞌalal laj yoꞌtanik ta skꞌoponel Dios sok ta skomel sweꞌelik, la skajanbe skꞌabik y la stikonik bael.

Hechos 5:18

La stsakik bael te apostoletike y la yotsesik ta prexo te ba jtejklume.

San Mateo 14:10

La stikon mantal ta prexo te ya xbojbot ta lokꞌel sjol te Juane.

San Mateo 14:3

Jich a yal, yuꞌun ayix kꞌaal te la stikon ta tsakel te Juane sok la yakꞌ ta chukel te prexo ta skaj te xHerodias, te yinam Felipe te jaꞌ yijtsꞌine.

San Mateo 9:15

La yal te Jesuse: —¿Me ya wan spas te ben triste ay te machꞌatik majanlanbil ta nupunele teme sjoyinej to sba sok te machꞌa ya xnujpune? Pero ya me sta yorail te ya xꞌikꞌot lokꞌel ta yolilik te machꞌa nujpunixe. Jaꞌ to me ya xlijk skom sweꞌelik a te jꞌil-nujpuneletike.