2 Corintios 6:4 - Nuevo Testamento Tzeltal de Amatenango

⁴ Yuꞌun ta skuenta spisil ya jpastike, ya kaꞌbetik yilik te joꞌotik yaj-aꞌtelotik te Diose. Jich jun koꞌtantik ya me xkujch kuꞌuntik te ilbajinele, sok te tutik ay maꞌyuk kuꞌuntike, sok spisil te jwokoltike,

Bible in Tzeltal Bachajón

⁴ Pero ta spisil hich ya cac'cotic ta na'el te ha a'batotcotic yu'un Dios te bin ut'il bayel cuhchem cu'uncotic, soc te c'alal ayotcotic ta uts'inel, c'alal mayuc bin la jtahcotic, c'alal ay jwocolcotic,

Bible in Tzeltal de Oxchuc y Tenejapa

⁴ Jich yu'un ja' ya sc'an ya cac'beytic yilic spisil ants-winiquetic te bit'il abatotic yu'un te Diose, chican te bila ya xtal ta jtojoltique. Ya sc'an sts'ijc' cu'untic te uts'inele, te me'bale, soc te jwocoltique.

2 Corintios 6:4 ပူးပေါင်းရင်းမြစ်များ

San Lucas 21:19

Junuk me awoꞌtanik; yuꞌun jich me ya xkolex.

San Juan 16:33

Ya kalbeyex pisil to, yuꞌun jich me bujtsꞌan kꞌinal ya awaꞌiyik ta jtojol. Yan te liꞌ ba balmilale, te jaꞌexe ya me xkꞌax awokolik. Pero ayuk me spuersa awoꞌtanik, yuꞌun joꞌon jtsalojix te balmilale —xchi te Jesuse.

Hechos 2:22

“Aꞌiyaik me cheꞌe, israeletik, te tut ya xlijk kalbeyexe: Yuꞌun te jaꞌexe anaꞌojik lek te Jesus ta Nazarete ben tsaꞌam slekil a ilot yuꞌun te Diose. Yuꞌun jaꞌ ta skuenta stukel te Diose te la spas mukꞌul señaetik, y milagroetik, sok te tut ben yan ta ilele.

Hechos 20:34

Te jaꞌexe anaꞌojik te aꞌtejon ta jkꞌab ta sleel te tuti tuun kuꞌun sok te joꞌtake.

Hechos 9:16

Joꞌon me ya kaꞌbe snaꞌ spisil te tutik swokolil ya sta ta jkuentae —xchi.

Romanos 14:18

Te machꞌa jich ya yakꞌ sba ta abatinel yuꞌun te Cristoe, jaꞌ lek ya xꞌilot yuꞌun te Diose y sok te genteetike.

Romanos 16:10

Albikon xkoltanuk euk te Apelese te bayal prewaetik kꞌaxem sok te xchꞌuunel yoꞌtan ta skuenta te Cristoe, y jich euk te machꞌatik ay yuꞌun te Aristobuloe.

Romanos 3:5

Pero teme ta skuenta ma tsaꞌamukotik te ya xchiknaj a te toj ya xchapawan stukel te Diose, ¿tut me ya kaltik? ¿Me yuꞌun ma lekuk yoꞌtan te Diose te ya yaꞌbotik kastigoe? Jich ya xkꞌopojon ya kaꞌi te tutꞌil machꞌa maꞌyuk tut xchꞌuuneje.

Romanos 5:8

Pero te Diose la yakꞌix ta ilel te ben skꞌanojotik ta yoꞌtane, te tutꞌil cham Cristo ta jkajtik te kꞌalal ayotik to ta mulil aye.

1 Corintios 3:5

Ya skꞌan ya anaꞌik: ¿Machꞌa a te jPabloe? ¿Y machꞌa a te Apolose? Kꞌouk ta awoꞌtanik te abat nax ayotik yuꞌun Dios te la kaꞌbeyex achꞌuunikix te Kajwaltike. Yuꞌun ta juju-tul te joꞌotike jaꞌ la jpastik te aꞌtel a yaꞌbotik te Kajwaltike.

1 Corintios 4:1

Te jaꞌexe ma me kuyotik ta mukꞌ yuꞌun jaꞌ ayotik ta tuuntesel yuꞌun te Cristoe. Jaꞌ ay ta jkuentatik yakꞌel ta naꞌel te tut mukul snopoj te Diose.

1 Corintios 9:11

Jich te joꞌotike la jtsꞌuntik ta akuentaik te jun tsꞌunubil skuenta te achꞌulelike. ¿Me ma lekuk ya awaꞌiyik te yauk jkꞌanbetikex te tut ya xtuun kuꞌuntik sok te jtiꞌbalultike?

2 Corintios 11:23

Teme jaꞌ jꞌaꞌteletik yuꞌun te Cristoe, joꞌon kꞌaxemon xan a ke te yanetike, aunke jich ya xkꞌopojon tutꞌil jtul jowiyel. Joꞌon mas aꞌtejemon ke te yanetike. Bayal buelta ochemon ta prexo, mas ke te yanetike, y ma ajtabiluk kichꞌoj majel, mas ke te yanetike. Bayal buelta ayon ta peligro yuꞌun lajel.

2 Corintios 11:27

Sok lubel ta aꞌtel, y bayal buelta maꞌ wayon. Beno kꞌax jwokol ta wiꞌnal y takin-tiꞌil. Bayal buelta la jkom jweꞌel. Kꞌax jwokol yuꞌun sik yuꞌun maꞌyuk lek jkꞌuꞌ-jpakꞌ.

2 Corintios 11:9

Y te kꞌalal ayon ta awolilik, teme ay nesesidad a kaꞌiye, ni maꞌyuk machꞌa kaꞌbe swokol yuꞌun. Yuꞌun te hermanoetik te talemik ta Macedoniae la yaꞌbikon te tut ya xtuun kuꞌune. Jich a jpas yuꞌun ma me ayuk awijkatsik ya kaꞌbeyex, y jich sigue ya jpas bael.

2 Corintios 12:10

Jaꞌ yuꞌun ben jun koꞌtan te maꞌyuk tut ya xjuꞌ kuꞌune, sok te ma xyakꞌelon ta jkuentae, sok te maꞌyuk tut ya xtuun kuꞌune, sok te ayon ta tenele y sok te ay jwokol ta skuenta te Cristoe. Porke te kꞌalal maꞌyuk jpuersa ya kaꞌiye, jaꞌ mas tulanon ya kaꞌiy a.

2 Corintios 12:12

Ta skuenta spisil te señailetik sok te milagroetik sok seña spoder Dios te la jpasulan ta atojolike, teꞌ chikan a te batsꞌi jich te apostolone.

2 Corintios 2:17

Te joꞌotike ma jachikukotik tutꞌil yanetik te jaꞌ xchonbajelik te skꞌop Diose. Ma jichuk. Te joꞌotik tikonbilotik yuꞌun te Diose, jaꞌ yuꞌun jamal koꞌtantik ya xkꞌopojotik ta skuenta Dios, yuꞌun jun nax ayotik sok te Cristoe.

2 Corintios 3:6

yuꞌun stukel snojpesejotik yuꞌun te ya xtuunotik yuꞌun te achꞌ tratee. Jaꞌ trate to ma tsꞌibabiluk ta letra, jaꞌ nax ta Espíritu. Te mantal tsꞌibabile ya xꞌakꞌawan bael ta lajel. Pero te Espíritu yuꞌun Diose ya yakꞌ kuxlejal.

2 Corintios 4:17

Te tut ya xkꞌax jwokoltik yuꞌun te jkuxlejaltik te ora toe ya xkꞌax stukel. Pero kꞌunkꞌun yipalotik ta stael te lekilal sbajtel kꞌinal te mas mukꞌ y te lom bayale.

2 Corintios 4:2

La jpꞌatikix jilel te tutik kꞌexlaltik sba ay ta pasel ta mukule. Ma jloꞌlawanejukotik ni makꞌ jyanutestik te skꞌop Diose. Jaꞌ nax ya kaltik te tut batsꞌi jiche. Y te jich aye, jich ya kaꞌbetik yilik te yanetik te jun koꞌtantik ta sit te Diose.

2 Corintios 4:8

Jich yuꞌun, manchuk me ay bayal tut ya xtal, pero ya me xkꞌaxotik bael teꞌa. Manchuk teme ma juꞌix kuꞌuntik aye, pero ma jkꞌaxeluk ya stsalotik.

2 Corintios 7:11

Te jaꞌex atꞌej ta awoꞌtanik te ajtal-oꞌtan jich tutꞌil ya skꞌan Dios, jich la awilikix te lek a lokꞌex koel ae. Yuꞌun bayal la anop ta awoꞌtanik te tut ya awut abaik yuꞌun te kꞌope. La yakꞌ ilinanik, y jich a xiꞌex yuꞌun. Patil la akꞌan te ya awilikon, y juꞌ awuꞌunik te la awaꞌbeyik kastigo te machꞌa mulawene. Sok spisil la awakꞌik ta ilel te maꞌyuk tut la amulinik yuꞌun te kꞌop to.

Colosenses 1:11

Ya jkꞌanbetik stukel te jaꞌ ya yaꞌbeyex apuersaike ta skuenta te stsaꞌamul spodere. Jich ya xjuꞌ awuꞌunik te ya xkujch awuꞌunik ta spisil yuꞌun te spuersa awoꞌtanike sok yuꞌun te apasensiae.

Colosenses 1:24

Te ora to ben jun koꞌtan te ayon ta wokol ta akajike. Porke te tutꞌil jich aye jaꞌ ya jtsꞌakutes ta jtiꞌbalul te tutik xan ya skꞌan xkꞌax swokol te Cristoe, yuꞌun te machꞌatik xchꞌuunejikixe, te jich kꞌoemik tutꞌil te stiꞌbalule.

1 Tesalonicenses 3:7

Jaꞌ yuꞌun, kermanotak, aunke ayotik ta yolil te wokole sok te ilbajinele, la kichꞌtik xan spuersa koꞌtantik yuꞌun te la kaꞌiytik te jun awoꞌtanik achꞌuunejik te Diose.

1 Tesalonicenses 5:14

Sok ya kalbeyex, kermanotak, ya me atsitsik te machꞌatik ma skꞌan xꞌaꞌtejike. Aꞌbeyaik yip yoꞌtanik te machꞌatik maꞌyuk yip yoꞌtanike. Koltayaik me te machꞌatik lom xcheben yoꞌtanike. Sok ayuk apasensia ta stojol spisilik.

1 Timoteo 2:15

Pero te antse ya xkol teme ya xchꞌuun te ya stsꞌites te yuntikile sok teme ma xchꞌay yoꞌtan ta xchꞌuunel te Diose, sok te ay skꞌuxul yoꞌtane, y sok teme jun yoꞌtane.

1 Timoteo 4:6

Teme jich ya awaꞌbe snoptalan te hermanoetike, jich jlekil jꞌaꞌtelat ya xkꞌoat yuꞌun te Jesucristoe. Sok ya me yipin awoꞌtan te skꞌop Dios achꞌuuneje, y sok te lekil pꞌijutesel te atamoje.

1 Timoteo 6:11

Pero te jaꞌate, te swinikat te Diose, xiꞌan me yuꞌun ta spisil to. Tojuk me xbaat sok te akuxlejale ta snaꞌel te Diose. Ayuk xchꞌuunel awoꞌtan, sok xkꞌuxul awoꞌtan, sok jun awoꞌtan, sok chꞌin me xꞌawakꞌ aba.

2 Timoteo 1:8

Ma me kꞌexawan yuꞌun ta yalel te skꞌoplal te Kajwaltike, ni ma me kꞌexawan kuꞌun te ayon ta prexo ta skaje. Tsꞌijkuk me awuꞌun te wokoletik te ya ata ta skuenta te lek achꞌ kꞌop yuꞌun kolele. Ya me skoltayat ta spoder te Diose.

2 Timoteo 2:24

Y te jtul jꞌatel yuꞌun te Kajwaltike ma spas teme lom nax ya slijkes pletoe. Jaꞌ ya skꞌan te lek skꞌanojlan ta spisil te yanetike. Ya skꞌan te ay spꞌijil yoꞌtan ta nojpeswanej, sok ya skꞌan te ya stsꞌijk yuꞌune.

2 Timoteo 4:5

Pero te jaꞌate, pꞌij me xꞌanat sil tiempo. Kujchuk me awuꞌun te wokoletike. Aꞌtelina me yalel te skꞌoplal kolele. Juꞌutesa me lek te awꞌatele.

Hebreos 12:1

Jaꞌ yuꞌun, te joꞌotike joybilotik ta bayal gente te machꞌatik ya yakꞌix ta ilel te xchꞌuunejik Diose. A me jilestik ta xujktik spisil te tut a te ya smakotike y sok te mulil te ya sjoyotike. Y ya me jpastik puersa ta animal te ya xkꞌoj jtajtik te tut ay ta jtojoltike.

Apocalipsis 1:9

Joꞌon Juanon, joꞌon awermanoikon te pajal ay ta jkuentatik te wokole sok te pajal ay ta jkuentatik te ya joyintik ta ajwalil te Cristoe, sok te pajal ya yaꞌbotik jpuersatik te ya xkujch kuꞌuntik te wokoletike. Liꞌ aꞌbilon ba chꞌin luwar Patmos sbiil te joybil ta mare, jaꞌ ta skaj te yipalon ta yalel te skꞌop Diose te jamal ya yakꞌ ta naꞌbeyel sluwar te Jesuse.

Apocalipsis 3:10

“Apasoj kumplir te mantaliletik kuꞌune te jun awoꞌtan ya atsꞌik awokole, y jaꞌ yuꞌun joꞌon ya jkꞌejat a te tut ora ya xtal te prewa ta stojol ta spisil te balmilale, yuꞌun te ya spasot ta prewa a ta spisil te machꞌatik kuxajtik ta balmilale.